Josué 7:25 - Sharanahua: Diospan Tsain

²⁵ Ascatan Josué Acán yoini isca huaquin, —¿Ahuuscai min noco omitsisca huamun? Na shafatan nocon Ifo Diosin mia omitsisca huairan, —ishon yoini. Asca huatan nantifi Israelifoan Acán yafi ahuun yorafo non inafoya toquirinin tsacaquin futsaquin ato rutunifo. Ascashon ato coanifo.

Josué 7:25 ပူးပေါင်းရင်းမြစ်များ

Génesis 34:30

Ascan Jacob ahuun facu rafu Simeón yafi Leví yoini, —Man ua fasi chacacoin hua. Nan Cananeofo futan Ferezeofoan natian ua noicasmacani. Uqui osinancani ua rutushcaquin. Noncai yora ichapama noco rutuquin finacoincaniran, —ishon Jacob ato yoini.

Génesis 38:24

Ascano oshu rafunon fusti finoanno futsan Judáqui chanini, —Min fafahuan Tamar natian man facu nanua. Furomacoinshon facu nanuriscaran, —ishon yoiaifoan. —Achitan coacufoancahuun, —ishon Judá oi ashcafinin yoini.

Gálatas 5:12

Ascan futsafoan mato yoimisifo isca huaquin, —Man foshqui rupa shatuyamashocai man Dios icoinra huaimaran, —ishon mato shinanchacamamisifo. Nannori yoiqui mato fucash huamisifo. Afanan matofu iyamapainonfo.

2 Tesalonicenses 1:6

Diosin iconcoin fustisi. Ascacufin ahuunoashu man omitsiscaiquin nan mato omitsisca huaifofin aafin aton chipo onaintimaquin omitsiscamacoinshquin.

Hebreos 12:15

Upa Diosin nocohuun ramapaiquin Furunhuunshon noco shara huafafainmisi. Ascacun oinfain Diosin noco shara huapaiyai cuscan huafafaincahuun funoshcaquima. Ascatari oinfain mato ointi mutoyamacahuun. Ascan mato nomuran man mutocacaiquin futsafori man chaca huamatiro arifi nanscara inonfo.

Josué 6:18

Ascafia nannoa ahuara futsafo nantifi cuyoi futsushquin. Ascacun ahuara fiiyamacahuun matona inon. Tsoan nansca huaifin arifi naiquin. Norifi ahuunoashu nantifi Israelifo non omitsiscatiro.

Josué 7:15

Ascano nan rato nocofunun a mafo onua fuchishon rutucahuun cooashcaquin. Ua fasi chaca huaquin. Un mato yoiyoa cuscacai ua nicama. Manfin Israelifoquin nan nocofunun mato muranshon aca cuscan fasi chacacoin. Asca a non nantifi ahuun yorafori man ato rutushon cooatiroran, —ishon nocon Ifo Diosin Josué yoini.