Josué 7:21 - Sharanahua: Diospan Tsain

²¹ Non Jericó mai ano cuyoaitian un oian sahuuti fasi sharacoin mai futsa Babilonia anoshon futsan Jericó mai ano fuaiton un oian. Nan ahuara shara un oian nan doscientos toro cuno oshopa facafacaitsa oinfain oro medio kilo un oian. Un fasi nanfo fuchipaicoinquin un nanfo fishon un onua. Natian uhuun pano pushu muran un mai hua. Nan sahuuti fasi sharacoin un mai hua nonanmanri un oro medio kilo non doscientos toro oshopafo facafacaitsa un mai huaitaran, —ishon Acán Josué yoini.

Josué 7:21 ပူးပေါင်းရင်းမြစ်များ

Génesis 10:10

Nan pushu rasifoan aton anufo Babel non Erec non Acad non Calne. Nimrod aton niaifocoin ini. Nan pushu rasifofin Sinar ahuun mai ano ipaonifoquin.

Génesis 3:6

Nicaquin foisquin oian fimi sharashtacoin ini. Ascashon ahuun nomuran shinanquin, —Na fimi pishon raca ahuara sharafo onanmisi un itirocati, —ishon shinanni. Ascashon fiitan pishon funu nanno oinaino arifi pimani.

Génesis 34:27

Ascano Jacob ahuun facu futsafoan pushu rasi ano nocoquin oianfo nantifi nocofunufosi man nai futsuafo ini. Ascatan aton pushu muran iquishon aton mafofo finifo. —Nocon shafo Siquem chaca huano non aton ahuarafo onutiroran, —ishon shinannifo.

2 Samuel 11:2

Yatashtacoin David ahuun racati anoashu funicaini pushu fomancaya sapacoin camaqui cahuancacaini ainfo fasi sharashtacoin nashiaiton oinni. Na ainfo ahuun imishupucumisitian imi shatuano nocon Ifo Diosin Israeli yononi cuscan nashini. David oinshon ahuun oinmati nichini nan ainfohuunoa tapimanon. Ascaino ahuun oinmatinin ainfo icanoashu nasoshon yoini isca huaquin, —Na ainfo ahuun anu Betsabé Eliam facu. Ahuun funu Hitita ahuun anu Uríasran, —ishon yoiaiton David ahuun oinmati cumani isca huaquin, —Betsabé pushu ano catahuun ua ihuushoshquin, —ishon yononi. Ascano aqui nocoashu a fu oshani. Iyoconaino ahuun pushu ano nasoni.

Éxodo 20:17

Futsan ahuun pushu fianpaiyamafain ahuun ahuin fianpaiyamafain ahuun yonomati nocofunu iyamaraiyainfo fianpaiyamafain ahuun inafo nan moi non burrofori fianpaiyamafain ahuara futsafo futsafona fipaiyamacahuun, —ishon Ifo Diosin Israelifo yononi.

Lucas 12:15

Afanan ato yoiqui isca huani, —Ua nicacahuun. Matonama fuchipaiyamacahuun. Ahuara ayafiashon afanan finonmafain fipairiyamacahuun. Mafo ichapayahuunoashucai non unimatiroma. Nocon mafocai nocon ointi unimamatiroma. Nocon mafohuunoashucai non isharatiromaran, —ishon ato yoini.

Lucas 12:2

Ascafia ahuarashta onupaifiamisifo nantifi Diosin ato puashoshquin. Ahuarari fomanpaimisifo nanfori ato puashoshquin.

Efesios 5:3

Ascano ahuara chaca shinanyamacahuun. Ainfofoan maton funuma fu iyamacahuun. Nanscarifiai nocofunufoan maton ahuinma fu iyamacahuun. Ascatari yora futsan ahuun ahuara fianpaiyamacahuun. Diospan yorafocai ascatirofoma. Ascaraya tsainyamacahuun.

Efesios 5:5

Natian un mato yoiai cuscan man icoinra huatiro. Ratoran futsan shinanchacamisiton ahuinma fu icaino ainfofori nanscarifiaifono funuma furi icain yora futsana fipaimisi. Nan yora futsana ahuara fianpaiquin nan Dioscoin fuchipaitama ahuara futsahuunsi nuuquin nancai fuchipaifafaini. Afanan un mato shafacafi yoi. Tsoan chaca huaicai Jesucristo Apa fu icari nocotirofoma. Nan Jesús niaifo icaricai ahua chaca afu itiroma. Ascaran chaca huamisifocai Cristo icari noconacafoma.

Colosenses 3:5

Ascacun man chaca huapaoni cuscan afanan asca huayamacahuun. Ascarafo shinanyamacahuun. Ascatari maton ahuinma furi iyamacahuun. Nanscarifiaiyainfofoan maton funuma furi iyamacahuun. Ascashon shinanchacayamacahuun. Nocofunufoan maton ahuinma fuchipaiyamacahuun. Ainfofoan maton funumari fuchipaiyamacahuun. Ahuara chacafo fuchipaiyamacahuun. Mafin man fuchipaiyai cuscan fusti fuchipaiyamacahuun. Man ascaquicain Dios man noicoinma ahuara futsa fusti man noicoin.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.

Santiago 1:15

Un mato ahuara futsa yoi. Tau huaquin nocofunun ainfo facu nanumana. Funainquimashta ahuan shaqui murannoashu yosiacutiro. Caiyaintian facu caintiro. Nanscarifi aquin tau huaquin nocon nomuranshon non ahuara chaca shinanfafaitiro. Ascashon chipo non chaca huatiroquin. Ascatan chaca huariaicai non Dios fu rafutiroma. Nocon chacahuunoashu amaqui non ipanaca.

Josué 7:20

Ascaiton Acán cumani isca huaquin, —Icon un nocon Ifo Diosi chaca hua. Unfin isca huaquin.

Josué 7:22

Nannori yoiaiton nicatan Josué nocofunufo nichini. Pano pushu ano ichonifo Acán yoia cuscan nantifi ahuun pushu muran maiya fuchinifo.

2 Pedro 2:15

Nanfofin Balaam cuscarafoquin. Balaam Beorpan furumun Dios cachiquiri huani. Pui fiishquin yorafo ato chaca huapaoni. Nan chaca huai cuscan fusti noipaoni. Nanscarafoan mato paramisifoquin.