Josué 7:2 - Sharanahua: Diospan Tsain

² Josuécai tapinima nocon Ifo Diosin atoqui sinai ahuun caifofo Jericó anoshon pushu rasi ahuun anu Hai ano ato nichini. Nan Hai Bet-avén chaimashta. Fari oaiquiri pushu rasi Betel chaimashtari ini. Josué ahuun caifofo yoini isca huaquin, —Hai mai ano oinyotacahuun ahuu cuscaramainquin. Oinshon noco tapimai fucahuun, —ishon Josué ato yoini. Nannori ato huaiton nicacatan fonifo Josué ato yonoa cuscan oinfocani.

Josué 7:2 ပူးပေါင်းရင်းမြစ်များ

Génesis 12:8

Ascatan nannoashu cai pushu rasi Betel ano noconi. Nanno fari oaiquiri machi ichaparasi ini. Nannori ahuun pano pushu pochini. Ascano Betel pushu rasi faricaiquiri icano pushu rasi futsafoan ahuun anu Hai fari oaiquiri ini. Ascashon nannori afanan Abram toquiri putsainishon Ifo Diosi ahuun anuhuunshon cufinni isca huaquin, —Uhuun Ifo Diosiran, —ishon Abram yoini.

Génesis 28:19

Nanno pushu rasi ipaoni ahuun anu Luz. Ascafia Jacob anu futsa tuqui huani Betel ishon anuni.

Mateo 10:16

Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.

Efesios 5:15

Ascacun ¡Oinfain! Icoinsharacahuun. Diospan tsain tapiafoma cuscara iyamacahuun. Nan Diospan tsain cununi cuscacoin acahuun.

Josué 2:1

Ascano Josué Israelifo Sitim mai ano nocofunu rafu nichini. Ato yoini isca huaquin, —Unu Jordán ocuma futsa pocufaintacahuun ahuu cuscaramain nan maiquin oinsharatacahuun noco tapimashcaquin. Man Israelifoquin tsoashta tapimayamacahuun. Nan pushu rasi Jericó anoafo oinsharacoincahuun, —ishon Josué ato yononi. Nicacatan nan rafu Sitim anoashu focani Jericó ano noconifo. Nanno ainfo furoma ahuun anu Rahab ahuun pushu muran oshanifo.

Josué 7:3

Ointani Josuéqui nasonifo aqui chani fucani. Yoiquin isca huanifo, —Nan Hai ano yora fusti rasi. Ascacun atirifoan nunoshon noco manatiro. Dos mil iyamarai tres mil fusti non Hai ano catiro ato rutuqui cuyoshquin, —ishon yoinifo.

1 Samuel 13:5

Ascano nantiari Filisteofoan aton ranushumuafo ichanannifo. Tres mil taramutiya ichanan huafain seis mil caballoya ichanan huafain nan ranushumua atirifi tsoancai ato tanan huatiroma ato fu pushu rasi Micmas nan fari oaiquiri Bet-avén ano chaimashta ichanannifo.

1 Samuel 14:23

Israelifoan Filisteofo ato ichoni Bet-avén ocuma futsa. Ascano nan shafata nocon Ifo Diosin Israelifo numani.