Josué 6:6 - Sharanahua: Diospan Tsain

⁶ Nan nicatan Josué ahuun yorafo ichanan huani nocon Ifo Diosin yonoa cuscan ato tapimani isca huaquin, —Nan casho muran Diospan tsain nanua iyainifoancahuun. Mato rucu nan siete nocofunufo nocohuunshon nocon Ifo Diosi cufinmisifo manuti tsomashu fotiroforan, —ishon Josué ato yoini.

Josué 6:6 ပူးပေါင်းရင်းမြစ်များ

Hechos 9:1

Nantianri Saulo nantifi Jesús icoinra huafo rutupaiyai. —Un nantifi Jesús tanamisifo un rutuicain, —ishon yoini. Ascan Israeli aton yorafohuunshon Dios cufimisi niaifocoin ano cashon yoini, —Ua cunushohuun un nantifi ichananti pushu Damasco ano ismanon min ua yonoa un Jesús icoinra huafo nocofunufo non ainfofori fuchishon Jerusalén ano un ato cunu muran iquimanon, —ishon yoini.

Josué 24:11

“Ascan nan man unu Jordán pocufainni Jericó mai ano man noconi. Nan Jericó anoafo matoqui funifo mato rutupai. Jericó anoafoan mato rutupai cuscan nanscari huaquin Amorreofo non Ferezeofo non Cananeofo non Hititafo non Gergeseofo non Heveofo non Jebuseofori mato rutupainifo. Mato rutupaifiaifoan un ato nitumani nan mato rutuafomarocon man uhuunshon ato rutuni aton mai fiishquin.

Josué 3:6

Nantianri Israelifohuunshon nocon Ifo Diosi cufinmisifo Josué ato yoini isca huaquin, —Nan casho iyashon maton yorafo ano rucu fotacahuun, —ishon ato yoini. Ascatan nan Josué ato yonoa cuscan nan nocon Ifo Diosi cufinmisifoan aton yorafo finonfaitan rucu fonifo.

Josué 6:13

Nan siete nocofunufo Israelifohuunshon nocon Ifo Diosi cufimisifo aton manuti tsomashu manuyanan fonifo. Ranushumuafo aton ashiya rucu foaifono. Acachori manumisifo fonifo. Nan casho nocon Ifo Diosin tsain amuran nanua acachoriri Israeli ranushumuafo aton ashiya foyacunifo. Jericó taratihuayacunaifono nantishotapiquin manutifo manuacunifo.

Josué 6:5

Ascano ahuun unutaqui aton manutifo fasi chai manuaifoanno nantifi yorafo oi ashcafinin cunatiroforan ishon. Nannori ato yoihuun. Ascan man manutifo fasi achacoin manuaino nantifi yorafo oi ashcafinin cunaino nan cunu Jericó tarati huaafo pacuriscashquin. Ascano min yorafo nantifi Jericó muran cayacafi iquishcaniran, —ishon nocon Ifo Diosin Josué yoini.

Josué 6:7

Ascashon Josué nantifi Israelifo yoini isca huaquin, —Natian non fononfocahuun. Jericó tarati huayacufoancahuun. Nocofunufo ashifoya rucu caino acachori nan casho nocon Ifo Diosin tsain Israelifo yoiyoni cuscan a muran futsafoan iyacashon fotiroforan, —ishon Josué ato yoini.

Josué 6:8

Josué ato yoia cuscan nicacatan nan siete nocofunufo Israelifohuunshon nocon Ifo Diosi cufinmisifoan manuti tsomashu rucu fonifo aton manutifo manufoi fonifo. Futsafoan nan casho amuran Diospan tsain Israelifo yoiyoni cuscan a muran foaino acachori fonifo.

1 Samuel 4:3

Rutunain unucatan Israelifo afanan nan icafoanno nasonifo. Nantian aton niaifofo yocanonannifo, —¿Ahuuscaimun nocon Ifo Diosin noco cushuamaquin Filisteofoan noco rutunonfo? —icashu yocanonannifo. Ascatan yoinifo isca huaquin, —Nan Silo anoshon Diospan casho ahuun tsain a muran noco fushononfo. Nan non Filisteofo fu rutunaintian nan casho non fotiro. Nanton noco numanon nan nocon noicasmaifoan noco ahuusca huanonfoma, —ishon yoinifo.