Josué 6:23 - Sharanahua: Diospan Tsain

²³ Nan Josué yoia cuscan nan nocofunu rafu Rahab pushu muran iquini. Nan non ahuun apa non ahua non ahuun ochifo non ahuun ushtofo nan ahuun yorafoya ato chifi cainmani. Israelifo icafoanno pasoato ato nichinifo.

Josué 6:23 ပူးပေါင်းရင်းမြစ်များ

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 18:24

¿Ascan cincuenta yora min yonoa cuscan huamisifo nanno icaino min Sodoma yafi Gomorra cuyoshquimun nantifi cuyonon?

Génesis 19:29

Nanscafin Diosin nan rafu cuyoqui huaniquin. Nan Abraham cufinta cuscan Lot numani nanonma.

Hechos 10:28

Ato yoini, —Man man tapian nocon shunifoan yonoa non Israelifoma fu rafutiroma. Non matofu oinmitsatiromaran, ishon noco yoini. Ascafiacun uhuun namapan cuscara Upa Diosin ua tapimaita un tsoahuunoa shinanchacatiroma. Atofin nantifi manifoannati noicoinquin.

Hechos 27:24

“Pablon, ratuyamahuu. Min niaifo Cesar ano nocotiro mia chaca huafo cuscan min cayacafi cumasharanon. Upa Diosin min cufiain cuscan mia nica. Na mifu rafuafocai nan shashohuan murannoashu ahuuscaima,” ishon ua yoia.

1 Corintios 5:12

Nan icoinra huamafo non ato yonotiroma aton chaca shatunonfo. Ascarafocai Diospan yorama. Diosifin ato onaintimashquiquin. Ascafiaino Diosin noco yonoa nan icoinra huafo futsan chaca huacun non ato yoitiro aton chaca shatunonfo. Ascashon nan nocofunun mato muranshon chaca huamisicun yoicahuun afanan matofu ichananonma ahuun chaca shatucoiaintian matofu afanan ichanantiro.

Efesios 2:12

Shinancapon. Ipaoni mancai Cristo fu iyomisima. Upa Diosin Israelifo catonni cuscan huafainricai mato catoantaima man atofu ahuun yorafo inon. Ahuun yorafo yoiyotiani cuscan huafaincai mato yoiataima. Man shinanqui isca huamisi, —¡Ohua! ¿Non ahuuscatiromun noco chaca soashonon non Dios fu ipanon? —ishon man shinanpaoni. Nantianri man icoinra huafoma muran iyopaoni man Dios fu rafuyamacain man onanyopaonima.

Hebreos 11:31

Ascan nantifi Jericó anoafo nai futsunifo. Ascafia nan Rahab ainfo furoma fusti ahuun yorafoya nanima. Ahuun caifoancai Dios icoinra huanifoma. Arus fusti Dios icoinra huacoinni. Ascan Jericó anoafoan aton toquiri cunu paoincataima. Israelifoan ato niaifo Josué onanti huamisi rafu Jericó ano ato nichini atohuunoa tapishquin. Nan onanti huanmisi rafu Rahab ahuun pushu muran ato iquimani ato shara huaquin. Ascacucai ahuun caifo rutucaquin Rahab rutunifoma.

Hebreos 11:7

Nocon shuni Noé arifi Dios icoinra huacoinpaoni. Ascan iquisi Diosin Noé yoiquin isca huani, —Un oihuanrasi fumai faitahuan foran fucuaino asai futsunonfo. Ascacun shashohuan pushu ya huahuun. Min non min ahuin non min facu rafu yafi min fanfanhua rafuya asashcaquima. Un mia yoiai cuscan huahuun, —ishon Diosin Noé yoini. Ascan tsoancai ascara oinyomisimafia Noén icoinra huafain shashohuan huani ahuun facufo ya asashcaquinma. Nantonfin Dios icoinra huafain isharacoinmisiquin. Ascan nan icoinra huamafocai ascanifoma. Ascatama nanfoan chaca huafafainpaonifo. Ascacun Noéhuunshon non tapitiro icoinra huamisifo isharaifonocai nan icoinra huamafo isharamisifoma. Ascashon Dios fu Noén rafuaiton a cuscara sharacoin imani.

Josué 2:16

Ascashon ato yoini isca huaquin, —Machifo ano ichoriscatacahuun. Nanno osha rafu non fusti onucahuun. Ascano nan yorafoan mato funaifo pushu rasi nasoaitian man fosharatiro, —ishon Rahab ato yoini.