Josué 5:14 - Sharanahua: Diospan Tsain

¹⁴ —¡Ma! Un mato fu iyamacain nan mato noicasmaifo fucai un icama. Unfin Ifo Diosin ahuun oinmatifoan nai murannoa aton niaifoquin, —ishon yoini. Nan nicatan Josué maiqui fuoshopacuni ahuunoa shinansharaiton yoini. —Mian yonopaiyai cuscan un mia ashoriscatiro. ¿Ahua mian yonopaimun? —ishon yocaiton.

Josué 5:14 ပူးပေါင်းရင်းမြစ်များ

Génesis 17:17

Nanori huaiton nicain Abraham fuopacucahuani Dioshuunoa shinansharai. Ascafia ahuun nomurannoashu fasi shuchini. —¿Ahuuscashumun un afanan upa itiroquin? Unfin fasi anifoquin. Un cien fari aya. ¿Uhuun ahuinri noventa fari ayafiashon asca ahuuscashomun facu nanutiroquin?

Génesis 17:3

Nicain Abram fuopacucahuani.

Éxodo 4:10

—¡Ohua, Ifon! Uncai tsain sharatiroma. Unfin atiatitsaquin. Un facuashu nanscara un inacahuana. Uhuun tsaincai niaifo tsain cuscarama. Tsoancai uhuun tsain ua nicananpaitiroma. Uhuun tsaincai sharamafinquin. Unfin funainquimashta fusti tsaintiroquin. Un min oinmatifiashocai un yorafo ichanaintian cayacafi yoisharatiromaran, —ishon yoini.

Éxodo 4:13

Ascatan afanan Moisés cumani isca huaquin, —Ifon, yora futsa nichipun nan min yoiai cuscan mia ashonon, —huaiton.

Daniel 10:13

Ascan un oaiton yoshin chacafoan aton niaifo Persia mai ano yonomisiton ua veintiun osha ua nitu hua. Ascan Ifo Diosin ahuun oinmati futsan nai muran a fu icaton ahuun anu Miguel uqui nichia. Nanton Diosi oinmati futsafo nan nai muran icafo aton niaifo. Nanton u futan acaino afanan nan yoshin chacanun ua nitun huama.

Daniel 10:21

Ascan un ato ano cataima nan Diosin cunuquin iconcoin cununi cuscan un mia tapimayoi. Nan yoshin chaca niaifofo ua asca huapaiyaifoan. Nan Miguel Diospan oinmati a fu nai muran imisiton nan fustiton u futan nan yoshin chaca niaifofo asca huashquin,

Daniel 12:1

Ascan natian Diospan oinmati ahuun anu Miguel a fu nai muran imisi nanton min yorafo Israelifoya mato numai oi. Nantianri mai anoafo fasi omitsiscashcani. Ascan nan mai oni huamisi chain tsoanshtacai omitsiscamisima nan omitsiscashquiain cuscan. Ascafia min yorafo ratomain aton anu Diospan ahuun libro muran cunuaquin nanfofin Diosin ato numashquiquin tsoa omitsiscanonfoma.

Números 16:22

Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Números 16:45

—Na yorafomaquinoashu fotacahuun un ato namariscanon, —ishon Ifo Diosin yoini. Nicacatan Moisés yafi Aarón Ifo Dios ointaifi maiqui fuoshon pacunifo.

Mateo 22:44

“Upa Diosin uhuun Ifo Cristo yoini isca huaquin, ‘Minfin ufu niaifocoinquin. Mia noicasmaifoan min ato finoncoian. Un ato shatumashquin mia afanan ahuusca huatiroma. Min ato iquiniran,’ ” ishon Diosin yoini cuscan David cununi.

Mateo 8:2

Jesús caino nocofunun ahuun yoratishon ranimamishti rashquishi futsua Jesusqui nocoshon ratoconun mai chachipacufoan yoini isca huaquin, —Ifon, ua caya huapaiquifin mian cayahuatiroquin, —huaiton.

Lucas 1:43

Ascan un ahuara shara huaa rafanancai Diosin ua shara huama. Ascashon uhuun Ifoan ahuun ahua uqui nichian ua oinyonon.

Lucas 20:42

Nan Davidcoinin fanainti cunuqui isca huani, “Upa Diosin uhuun Ifo Cristo yoini isca huaquin, ‘Minfin ufu niaifocoinquin.

Lucas 5:12

Shafa futsaino Jesús pushurasi ano ini. Nannoshon nocofunu ahuun yoratishon ranimamishti rashquishi futsuaton cahuanquin Jesús fuchitan fuopacucahuan yoini, —Ifon, ua caya huapaiquifin mian caya huatiroquin, —huaiton.

Juan 20:28

Ascaiton Tomás cumaquin, —Minfin uhuun Ifoquin. Minfin uhuun Diosiquin, —huaiton.

Hechos 9:6

Funihuu. Pushurasi Damasco ano catashquin nannoshon min ahua huaimancain un mia yoinon, —huani.

Filipenses 3:8

Ascano uncai afanan un ipaoni cuscan apaima. Nantifi un ipaoni cuscan mun potacoinni. Un ascai un funocoinpaoni. Ascacun natian un shinancai nanfo ahuama. Nan ahuara chaca potamua cuscarafo. Natian uhuun Ifo Jesucristo fusti un onanpaicoin. Nancaifin shara finacaiaquin. Arus fusti ua imasharatiro. Moisés tsain yonopaoni cuscacai un afanan ascatiroma ua imasharanon. Ascatamarocon un Cristo icoinra huaino Upa Diosin Furunhuunshon ua imasharatiro a cuscara shara un inon. Ascan un Diosiqui nocoaitian uqui unimatiro un Cristo fusti icoinra huacun ua imasharanon.

Hebreos 2:10

Upa Diosin nantifi onihuani ahuunoashu nantifi ica. Ascashon yorafori onihuani ahuun facufo icain afu ipanonfo. Ascacun Furun Jesús nichini nocohuunoashu omitsiscano non afu ipanon. Furun fusti nocohuunoashu omitsiscatiro noco chaca soashoshquin. Nan iconcoin Upa Diosin yononi Furunmun noco omitsiscashoano noco Ifo sharacoin inon. Ascashon Apa Dios icari noco iyoano non afu ipanon.

Apocalipsis 12:7

Ascashori un mato tapimai ahuuscashomain nai muranshon nan yoshin chaca Satanás famanhuan ointsaton nocon Ifo Diosin finonpaiquin. Ascaiton Upa Diosin ahuun oinmati afu nai muran icafoan aton niaifo ahuun anu Miguel Diosin nichian. Satanás yafi yoshin chacafo Miguel ahuun oinmatifoya potananpainifo.