Josué 4:6 - Sharanahua: Diospan Tsain

^6-7 Ascan chipo maton facufoan mato yocaiton isca huaquin yoicahuun, “¿Ahuuscai na doce toquiri nuno putsamuiniamun?” ishon mato yocaiton man ato tapimatiro isca huaquin, “Non unu Jordán pocufainnaitian nocon Ifo Diosin noco ashoai cuscan ahuun cunu casho muran non foaino unucai mananquirinoashu afanan afanima. Shaturiscatani. Ascacun non nuno nan doce toquiri putsamuinia nocon Ifo Diosin noco ashoni cuscan non ointiaquimapacunacamaran,” ishon non nocon facufo yoishquin, —Josué ato yoini.

Josué 4:6 ပူးပေါင်းရင်းမြစ်များ

Éxodo 12:14

Ascacun nan faritifi nan shafan nocoaino man shinantiro. Maton fusiti shafa icaitian un mato finonmani cusca man shinantiro. Ascashon uhuunnoa shinanquin nan shafatan unimayanan man pitiro. Ascano maton funafoanri faritifi un mato shara huani cusca shinancanicai uhuunoa ointi aquimapacunacafoma.

Éxodo 13:14

Chipo ua nocon Ifo Diosin mato yonoa cusca man aino maton facufoan oincashon mato yocaquin isca huai, “¿Ahuuscai nocon fusiti shafa nocoano man iscatiromun?” ishon mato yocaifoan man ato yoitiro isca huaquin, “Nocon Ifo Diosin ahuun curushhuunshon noco Egipcio mai arishon ihuuni. Non Egipcio mai ano fari ichapacoin Egipciofoan noco curushcain yonopaoni. Non ato yonomatifo icaitian non fasi omitsiscapaoni. Ascano nocon Ifo Diosin ahuun curushhuunshon noco Egipcio mai arishon ihuuni.

Éxodo 13:9

Ascaino maton mucu non maton fumananquiri cunui cafiscai nocon Ifo Diosin mato yonoa cusca shinanfain ahuun curushhuunshon mato Egipcio mai anoshon iyoni cuscacai man ointiaquimapacunonma. Nanfohuunoa yoinonancahuun.

Hechos 2:39

Jesús yoiquin isca huaita, “Ratoran futsan nuno nocon Ifo Diosin catoan ahuun Yoshin Shara mato ya rafumashquin. Maton facufo ya chai manifoannafori ato ya rafumashquin,” —ishon Pedronun ato yoini.

Deuteronomio 11:19

Maton facufori tapimacahuun. Maton pushu muran tsaoshon nocon Ifo Diosin mato yonoa cusca yoifain fain caquin yoifain racashon yoifain nan man funiaitian maton facufo yoicahuun.

Josué 4:21

Ascano Josué Israelifo yoini, —Chipo fari ichapa finontan nocon funafoan aton apafo yocashquicani, “¿Ahuuscaimun nuno toquirifo putsamuiniaquin?” ishon yocashquicani,

Josué 4:5

Ascano ato yoini isca huaquin, —Rucu fotacahuun. Mato cachori nan nocon Ifo Diosin noco cunushoni cuscan casho muran noco Diosi cufinshomisifoan foifocani. Nan unu Jordán nushmancayanoa toquiri uhuapa fusti rasi fiipacahuun. Ascano manfin Israeli nocofunufoan nan manifotiton doce toquiri fusti rasifain man fitiroquin.