Josué 3:7 - Sharanahua: Diospan Tsain

⁷ Ascatan nocon Ifo Diosin Josué yoini isca huaquin, —Na shafata un min caifofo ismai min aton niaifo sharacoincun. Un asca huaiton tapitirofo un Moisés fu ipaoni cuscan un mi furi ipanaca.

Josué 3:7 ပူးပေါင်းရင်းမြစ်များ

Juan 17:1

Asca huatan Jesús nai foisinifoantan yoini, “Upan, natian un nanon ato tapimahuun un min Facu sharacoinquin. Min uqui unimai ato tapimahuun. Min anori ato tapimanaino urifi un ato tapimatiro min fasi sharacoincun.

Filipenses 1:20

Upa Diosin ua amapaiyai cuscan un fasi huapaicoincai un rafitiroma. Un rafitamarocon un niyoashu iyamarai un naicain un ratuima. Un ascaiton oinquin futsafoan Jesushuunoa shinansharanonfo.

Josué 1:17

Moisés noco yonoa non nanscacoinmisi cuscan nanscarifiai min noco yonoai cuscan non aashquin. Ascano nocon Ifo Diosin Moisés fu ipaoni cuscan nanscariai mi fu ipapainon.

Josué 1:5

Min niyoaitiancai tsoan mia nitu huatiroma. Un Moisés fu imisi cuscan un mi fu ipanaca. Uncai mia potapacunacama. Nan mian yopaitian un mi fu iishquin.

Josué 1:9

Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.

Josué 3:6

Nantianri Israelifohuunshon nocon Ifo Diosi cufinmisifo Josué ato yoini isca huaquin, —Nan casho iyashon maton yorafo ano rucu fotacahuun, —ishon ato yoini. Ascatan nan Josué ato yonoa cuscan nan nocon Ifo Diosi cufinmisifoan aton yorafo finonfaitan rucu fonifo.

Josué 3:8

Nan nocofunufo matohuunshon ua cufinmisifo nan casho foaifoan ato yoihuun isca huaquin, “Man unu Jordán cusumunri nocotan unu muran niiyocahuun,” —ishon nocon Ifo Diosin Josué yoini.

Josué 4:14

Ascano nan shafata nocon Ifo Diosin aton nomuran shinanmana cuscan Josuéhuunoa Israelifoan shinansharanifo. —Noco murancai tsoa futsa Josué cuscaramaran, —ishon ahuunoa yoinifo. Nan Moiséshuunoa shinansharanifo cuscan huaquin Josuéhuunoari nan niyoano nannori ahuunoa shinansharanifo.