Josué 3:4 - Sharanahua: Diospan Tsain

⁴ Mancai nunoashu raqui fomisima. Ascacun ato mufainfafaincahuun. Man caiquiri marifi man ato fu catiro fai tapishcaquin. Ascatari nan casho chaimashta fishtayamacahuun. Kilometro fusti nitucahuun. Nan casho chaima shara man nitiroran, —ishon niaifo patashinoafoan yoinifo.

Josué 3:4 ပူးပေါင်းရင်းမြစ်များ

Génesis 31:2

Jacob oian Labán aqui ipaoni cuscan atama aqui shinanchacani.

Éxodo 19:12

Ascano ato yoihuu nanno fusti ninonfo naashcaquima. Ascatari ato yoihuu isca huaquin, “¡Oinfain! Un mato yoiai cusca machi chaimashta foyamacahuun. Ascatari machi tunanmanri inayamacain machi rusoaton niyamacahuun. Nan machi rusoaton nia yora naashquicani.

Éxodo 3:5

—Nanno nitunhuun. Afanan nii cuyamamishti shocoa chaimashta oyamahuu. Unfin nunoquin. Mincai ua cuscara sharama. Ascacun min sapato pucahuu un mia yoinon.

Éxodo 4:10

—¡Ohua, Ifon! Uncai tsain sharatiroma. Unfin atiatitsaquin. Un facuashu nanscara un inacahuana. Uhuun tsaincai niaifo tsain cuscarama. Tsoancai uhuun tsain ua nicananpaitiroma. Uhuun tsaincai sharamafinquin. Unfin funainquimashta fusti tsaintiroquin. Un min oinmatifiashocai un yorafo ichanaintian cayacafi yoisharatiromaran, —ishon yoini.

Josué 3:5

Ascatan Josué Israelifo yoini isca huaquin, —Funamari man ahuara sharafo man oinyomisima cuscaran nocon Ifo Diosin ahuun curushhuunshon mato ismashquin. Ascacun itisharacahuun. Diosi ismacahuun manfin ahuun yoracoinfoquin. Mato yonoa cuscan acahuun, —ishon Josué ato yoini.