Josué 3:17 - Sharanahua: Diospan Tsain

¹⁷ Ascan nantianri nan Israelifohuunshon nocon Ifo Diosi cufinmisifo unu Jordán nushmancayan mai mutoano nan cashoya ninifo. Nanno niyoafoanno nantifi Israelifoan pocufainquin ato finonfainnifo. Ascano nannoshon nan Israelifohuunshon cufinmisifoan niishon manayonifo nantifi aton caifofo unu Jordán ocuma futsa nocosharanonfo.

Josué 3:17 ပူးပေါင်းရင်းမြစ်များ

Éxodo 14:21

Ascano nantian Moisés unuhuan manaonri mushaino samamashta Diosin nihuunhuan fari oaiquirinoashu nihuu curushupacoin nocoriscatanaino ununhuan pashcanan rafutani. Ascano Diosin unuhuan nushmancayan rafu mai mutomariscatani.

Éxodo 14:22

Unuhuan pashcatanaino ocuma futsa unu cuhuiacua nan cunu cuscaran ini. Ocuma futsari nanscara cuhuiacua cuyacoin ini. Ascano nan unu cuhuiacua rafu nushmancayan Israelifoan mai mutotanaino pocufainnifo.

Éxodo 14:29

Ascano Egipciofo asataifoma nan unuhuan pashcatanaino ocuma rafu nan cunu ointsa cuyacoin nan rafu nushmancayan mai mutotanaino Israelifoan pocufainifo.

Números 33:51

—Min caifo Israelifo yoihuu isca huaquin, “Man unu Jordán pocufainaino mai Canaán ano nocoshon nan caifo futsafo icafo ato mai anoshon potacahuun. Ahuara rami huafoan nan noco diosiran huamisifo nanfori chacana huacahuun nanscarafo cuyonon. Nan ahuara rami huafo nocon diosiran huaafo yafi aton pushufo paonhuaquin futsacahuun afanan nanno ahuashta inonma.

Hebreos 11:29

Ascacun Israelifoan Dios icoinra huanifo. Ascan nan unuhuan anunifo isca huaquin, —Unuhuan Oshinran, —ishon anunifo. Ascashon nan unuhuan oshin pocufainifo. Upa Diosin unuhuan nushmancayan mai muto sharacoin ato huashoriscatanaino Israelifoan pocufainaifoanno ato cachiori Egipciofoan ato rutupaiquin ato mufainifo. Arifi ato futan pocupaicaquin. Ascashu man nushmancayan caiyainfoan Diosin atoqui unuhuan tiiantanaino asai futsunifo.

Josué 4:1

Ascano nantifi Israelifoan unu Jordán pocusharafainifo nocon Ifo Diosin Josué yoini isca huaquin,

Josué 4:10

Nan nocon Ifo Diosin Moisés yononi cuscan nannori Moisés Josué yoini. Ascano nantifi nan yonoa cuscan huacoinnaino Israelifohuunshon nocon Ifo Diosi cufinmisifoan unu Jordán nushmancayan niafoanno Israeli futsafoan unu ocuma futsa pocufainifo. Ascatan nantifi Israelifoan unu pocurisca huafainifo.

Josué 4:11

Ascano nantifi Israelifoan pocufainaino atohuunshon nocon Ifo Dios cufinmisifo nan cashoya ocuma futsa focashon nantifi I

Josué 4:22

Ascaiton aton apafoan cumatiro isca huaquin, “Maton shunifoan unu Jordán ano mai mutotanaino pocufainnifo,” ishon apafoan cumatirofo.

Josué 4:3

Ato yoihuun nan matohuunshon ua cufinmisifo unu nushmancayan mai mutoano niafo. Nannoa toquiri uhuapa fiipanonfo. Ascatan nan yamu nan oshaifoanno nan doce toquirifo putsainninonfo, —ishon nocon Ifo Diosin Josué yoini.