Josué 3:1 - Sharanahua: Diospan Tsain

¹ Ascatan iyoconaino Josué fu nantifi ahuun caifo Israelifo pushu rasi ahuun anu Sitim anoashu unu Jordán cusumunri fonifo. Nanno pocuafotaima nanno iyopaonifo.

Josué 3:1 ပူးပေါင်းရင်းမြစ်များ

Génesis 21:14

Ascan iyoconaino funamarishta Abraham Agar tushu yafi unu fichi tutso murannoa inanni. Abraham Agar ahuun tushu yafi unu papimani aya catanon. Ahuun facu Ismael ahua Agar fu cani. Ascano nan tsoan istaipama anuni Beerseba ano cahuascaini.

Génesis 22:3

Ascan iyoconaino funamarishta Abraham ahuun burro camaqui tsaoti fucani. Ahuun oinmati rafu yafi furun Isaac iyoni. Cataima caro huaiyoni machi ano nocoshon Diosin yoita cuscan ahuun facu rutushon Diosi coashoshquin. Ascano nan Diosin yoita cuscan nanri cani.

Marcos 1:35

Ascatan shafacuaino pushu murannoashu Apa Dios cuficai tsoan istaipama cani.

Josué 2:1

Ascano Josué Israelifo Sitim mai ano nocofunu rafu nichini. Ato yoini isca huaquin, —Unu Jordán ocuma futsa pocufaintacahuun ahuu cuscaramain nan maiquin oinsharatacahuun noco tapimashcaquin. Man Israelifoquin tsoashta tapimayamacahuun. Nan pushu rasi Jericó anoafo oinsharacoincahuun, —ishon Josué ato yononi. Nicacatan nan rafu Sitim anoashu focani Jericó ano noconifo. Nanno ainfo furoma ahuun anu Rahab ahuun pushu muran oshanifo.

Josué 6:12

Ascan iyoconaino Josué moitan funinacahuani. Nantianri nocofunufoan nan Israelifohuunshon nocon Ifo Diosi cufinmisifoan nan casho nocon Ifo Diosin tsain amuran nanua iyainifoantan fonifo.

Josué 6:15

Nan septimo día iyoconaino funinifoancatan nan amisifo cuscan afanan nansca huanifo. Tarati huayacuquin fusti huatamarocon Jericó siete tarati huayacuquin huanifo.

Josué 7:16

Ascan iyoconaino Josué nantifi Israelifo nan manifoti nocon Ifo Diosi ointafin ato ichanan huaino aqui funifo. Judáfoan ahuun yora futsa nan chaca hua cuscan Diosin ato tapimani.

1 Samuel 17:20

Ascan iyoconaino futsan chashoanfo cushuaino apan yonoa cuscan ahuun ochifo tushu foshoicai burropan catucamaqui cani. Israeli ranushumuafoan Filisteofo rutui foaifono David atoqui nocoquin nican oi ashcafinin yoinifo, —Non Filisteofo rutui canon, —ishon yoinifo.