Josué 24:20 - Sharanahua: Diospan Tsain

²⁰ Man nocon Ifo Dios potashon caifo futsafoan aton dioscoinfoma nan rami huafo man aton oinmati icai mato yonoai cuscan man aiton. Man ascaiton nocon Ifo Diosin mato shara huamisifiashon mato omitsiscamashquin mato namaquin cuyoshquiran, —ishon Josué ato yoini.

Josué 24:20 ပူးပေါင်းရင်းမြစ်များ

Hechos 7:42

Ascano Upa Diosin afanan atoqui unimanima. Ato potayoni “Ua afanan tanapaicanima. Ascacuncai un ato numaima. Aton diosicoinma ipaitsi aton nomuran shinantirofo. Fishifo ipaitsi shinantiro aton diosiran,” ishon Diosin yoini. Nocon shuni Amós inonpacoi cuscan Diosin tsain yoimisi ini. Diosin atohuunoa yoini cuscan cununi isca huaquin, “¿Man cuarenta fari pushu yamai ano cahuacacainnai ua yoina rutushon ua inanpaicani. Ahuara futsari ua inanpaicanimun?

Deuteronomio 4:25

Ascano na mai shara ano man fari ichapa ini. Maton facufo yafi maton shotafo non maton chatafoyashon man chaca huacun ahuara ointsa man rami huashon nan man cufiainton. Diosin mato oin man chaca huaiton. Nanscaquin nocon Ifo Diosin man sinanamai.

Deuteronomio 4:26

Ascatari un mato yoi nai murannoafo futan mai anoafoan ua nicaino un mato yoi man chaca huacun nan mai shara Jordán ocuma futsa foashucai afanan ano man chai nipatiroma. Nocon Ifo Diosin mato namaquin futsashquin.

Hebreos 10:38

Ascashon afanan Diospan tsain cununi isca huaquin, “Nan un imasharaiton ua icoinra huamisi. Naantofin ua tanasharashquiquin. Ascan tsoan ua cachiquiri huacucai un aqui unimashquimaran,” ishon Diosin yoini.

Josué 24:21

Nannori nicacatan Israelifoan Josué cumanifo, —¡Ma! Noncai dioscoinmafoan aton oinmati iquima. Nonfin nocon Ifo Diosi fustiton ahuun oinmati iquicai noco yonoai cuscan non huairan, —ishon cumanifo.

1 Samuel 12:15

Man nocon Ifo Diosin tanasharatamarocon nocon Ifoan noco yonopaiyai cuscan nicacasmafain ahuun tsainri man nicayamaiton nan maton shunifo onaintimani cuscan matorifi onaintimacoinshquin.

1 Samuel 12:25

A mato amapaiyai cuscan huatamarocon man chaca huaiton nan mato niaifo yafi matorifin nocon Ifo Diosin namaquin futsashquinran, —ishon Samuel Israelifo yoini.