Josué 24:2 - Sharanahua: Diospan Tsain

² Ascashon Josué nantifi Israelifo yoini isca huaquin, —Israelifoan nocon Ifo Diosin mato yoi isca huaquin, “Fari ichapacoin finonni maton shunifoan unu Eufrates ocuma futsa icafo ini. Ua cufintamarocon nan rami huafo cuscan cufinnifo. Nanno maton shunifo Taré yafi furun rafu Abraham yafi Nacor ini.

Josué 24:2 ပူးပေါင်းရင်းမြစ်များ

Génesis 11:22

Ascan Serug treinta fari aqui caano furu Nacor cainni.

Génesis 11:24

Ascan Nacor veintenueve fari aqui caano furu Taré cainni.

Génesis 11:26

Ascan Taré sesenta fari aqui caano furu rafu non fustiya ini. Futsa Abram non Nacor non Harán.

Génesis 11:27

Taré ahuun furufo anuni Abram non Nacor non Harán ini. Nan Harán ahuun facu Lot ini.

Génesis 31:19

Nantiari mai futsa ari Labán caquin ahuun chashoanfo rani shatuacuni. Ascan apa ahuun pushu anomano Raquel pushu muran iquishon apan ahuara rami hua cufinshon onuni.

Génesis 31:30

Min upa pushu ano min fasi nasopaicai. Nanscaifin min caaquin. ¿Ahuuscai uhuun diosfo rami huafo mian onufuranitamun? —huaiton.

Génesis 31:32

Uncai min dios ointsafo rami huafo un tapiama. U fu ica futsan fiashu natiro. Nocon yorafoan oinyaino nantifi uhuunafo min funai cuscan ahuara mina fuchishon min fitiroran, —ishon yoini. Ascafiacai Jacob tapinima ahuun ahuin Raquel apan ahuun dios rami huafo onufiacun.

Génesis 31:53

Min shota Abraham yafi uhuun shota Nacor aton Diosin noco oin. Nanton noco oin non shara huatanainton, —ishon Labán yoini. Jacob cumani isca huaquin, —Uhuun upa Isaac Upa Diosi nicacoinmisi. Urifi Diosihuunoashu mian yoiai cuscan un aicai, —ishon Jacob yoini.

Génesis 35:4

Nicacatan aton ahuarafo rami huafo aton dios imapaicani ascashon aton parotamutifo Jacob inannifo. Ascan Jacob nanfo ihui ahuun anu emcina ananmanrinoa nan Siquem chaimashta maihuani.

Lucas 3:34

Judá ahuun apa Jacob. Jacob ahuun apa Isaac. Isaac ahuun apa Abraham. Abraham ahuun apa Taré. Taré ahuun apa Nacor.

Josué 24:15

Ascan man nocon Ifo Diosi tanapaiyamaquin catoncahuun tsoan oinmatimain man ipaicain. Unu Eufrates fari iquiaiquirinoa maton shunifoan dioscoinfoma aton oinmati ipaonifo. Ascano nan Amorreofoan aton dioscoinfoma man aton oinmati ipairaca. Nantian Amorreofo mai ano man ica. Ascacun catoncahuun rato diosmain matona itiroquin mato yoia cuscan man anon. Ascafia un non uhuun yorafoan non nocon Ifo Diosi fustiton noco yonoa cuscan non huairan, —ishon Josué Israelifo yoini.