Josué 24:14 - Sharanahua: Diospan Tsain

¹⁴ Nocon Ifo Diosin noco yoia cuscan man man nican. Ascacun Diosihuunoa shinansharafain a nicasharacahuun noco yonoai cuscan non huanon. Unu Eufrates fari iquiaiquirinoa yafi Egipcio ano nocon shunifoan dioscoinma cufinnifo. Manrifi asca huayamacahuun. Nan rami huafo potacahuun. Nocon Ifo Diosi fusti cufinfain mato yoiai cuscan fusti huacahuun.

Josué 24:14 ပူးပေါင်းရင်းမြစ်များ

Génesis 17:1

Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin, —Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima.

Génesis 35:2

Nicatan Jacob ahuun yorafo yoini isca huaquin, —Nan rami huafo maton dioscoinma man aya cuscan potafain nashitacahuun maton sahuutifo rama patsamuafo sahuucahuun.

Salmos 119:1

Nan nocon Ifo Diosin ato yonoa cuscan huafain tsoan chaca huamisimafin fasi unimashquicaniquin.

Salmos 130:4

Ascafia mincai ascarama. Min noco rau huai non mia chaca hua cusca afanan min shinainma. Ascan non mihuunoa shinansharacoin. Tsoa futsa mia cuscarama. ¡Aicho, Ifon!

Lucas 8:15

Ascafia ushu futsafo mai shara ano pacuashu foaiquin yosiashu fimi ya itiro. Nanscarifiai futsafoan Diospan tsain nica cuscan icoinra huashu ahuun nomuran sharacoin. Ascaquicai Diospan tsain nicafo cuscan cachiquiri huacanima. Ascashon nanfoanri futsafo icoinra huamatirofo.

Hechos 9:31

Ascaino Jesús icoinra huafoan Judea anoafo non Galilea anoafo non Samaria anoafori isharanifo. Nantian tsoan ato omitsiscamanima. Diospan Yoshin Sharapan ato mutsismana Jesús tanasharashu aton nomuran fupi huamani. Nanscaino paratamafain Jesús icoinra huanifo. Icoinra huacashon Dios nicasharapainifo.

2 Corintios 1:12

Man non tapia manifoti iconcoin yoimisishaquin nocon nomuran non unimacoinni. Non mato murannoashu isharacoinmisi. Non Dioshuunoashu a cuscara sharacoin non imisi. Noncai mato paramisima. Icon fusti non mato yoimisi. Icoinra huamafoan shinanmisi cuscacai non mato ismamisima. Upa Diosin noco shinanmashara cuscan huafain non mato oinmana.

Efesios 6:24

Man nocon Ifon Jesucristo nantishon tapiquin man ahuun noi unupacuyamaino Upa Diosin nantifi matohuun ramapai. Unquian Pablo un mato cunushoni. Nanscari inon. Nanti. Pablo

Deuteronomio 6:13

Ascan nocon Ifo Diosi fusti icoinra huacahuun. Mato amapaiyai cusca shafatifi acahuun. Man futsa yoiai cusca mato icoinra huanon nocon Ifo Diosi ahuun anuhuunshon yoicahuun. Tsoa futsa ahuun anuhuunshon yoiyamacahuun mato icoinra huanon.

Filipenses 1:10

Ascashon man tapitiro ahuamain shara iyamarai chacaquin. Ascano man Jesús fu rafuashu nan cuscara sharacoin man itiro. Tsoanshtacai matohuunoa ahua chaca ointirofoma nan Cristo oaitian.

Josué 24:2

Ascashon Josué nantifi Israelifo yoini isca huaquin, —Israelifoan nocon Ifo Diosin mato yoi isca huaquin, “Fari ichapacoin finonni maton shunifoan unu Eufrates ocuma futsa icafo ini. Ua cufintamarocon nan rami huafo cuscan cufinnifo. Nanno maton shunifo Taré yafi furun rafu Abraham yafi Nacor ini.

Josué 24:23

Ascaiton Josué ato cumani isca huaquin, —Man yoia cusca iconmainquin caifo futsafoan aton dioscoinfoma potacahuun. Nocon Ifo Diosi yoicahuun isca huaquin, “Ifo Diosin, nonfin min oinmatiquin. Min noco yonopaiyai cuscan non mia ashoshquin. Min nocon Ifo. Min nocon Diosin. Nocon nomuranshon non mia fasi noicoin,” nannori nocon Ifo Diosi iconcoin fusti yoicahuun, —ishon Josué ato yoini.

1 Samuel 12:14

Man noco Ifo Diosqui ratucain nan mato yoia cuscan huashofain mato yonomapaiyai cuscan nicasharafain ahuun tsainri nicafain man cachiquiri huayamaino mato niaifofoanri nocon Ifo Diosi tanasharafo shara itiro.

1 Samuel 12:24

Ascatari ointiaquimayamacahuun nocon Ifo Diosin ahuara shara mato ashoa cuscan. Nan nocon Ifo Diosi fusti nicasharacoincahuun nan mato yoia cuscan ahuun curushhuunshon ashofafaincahuun. Nan mato shara huamisi cuscan nanfohuunoa shinanfafaincahuun.

1 Samuel 7:3

Nantian Samuel nantifi Israelifo yoini isca huaquin, —Iconmainquin man nocon Ifo Diosiqui nasocoianmainquin caifo futsafoan aton diosfo rami huafo potacahuun. Nan rami huafo ahuun anu Astarté ointsafo nantifi potacoincahuun nocon Ifo Diosi mato amapaiyai cuscan huaashquin. Nan fusti ifohuacahuun. Man nanscaiton nocon Ifo Diosin mato numai Filisteofoan afanan mato ahuusca huanonfoma, —ishon Samuel ato yoini.