Josué 24:11 - Sharanahua: Diospan Tsain

¹¹ “Ascan nan man unu Jordán pocufainni Jericó mai ano man noconi. Nan Jericó anoafo matoqui funifo mato rutupai. Jericó anoafoan mato rutupai cuscan nanscari huaquin Amorreofo non Ferezeofo non Cananeofo non Hititafo non Gergeseofo non Heveofo non Jebuseofori mato rutupainifo. Mato rutupaifiaifoan un ato nitumani nan mato rutuafomarocon man uhuunshon ato rutuni aton mai fiishquin.

Josué 24:11 ပူးပေါင်းရင်းမြစ်များ

Génesis 15:19

Nan Ceneofo non Cenezeofo non Cadmoneofo non Hititafo non Ferezeofo non Refaítafo non Amorreofo non Cananeofo non Gergeseofo yafi Jebuseofo nanno icafo. Chipo aton mai min funafona inon, —ishon Diosin yoini.

Éxodo 13:5

Nocon Ifo Diosin nocon shunifo yoiyoni isca huaquin, “Un maton mai fasi sharacoin inain. Nanno nantifin man yopai cusca man ayashquinran,” ishon nocon Ifo Diosin nocon shunifo yoiyoni. Nan mai shara ano Cananeofo non Hititafo non Amorreofo non Heveofo non Jebuseofo. Non nanno nocoaitian oshu Abibtifi non fusitiro nocon Ifo Diosin noco Egipcio mai anoshon iyoni cusca shinanshquin.

Éxodo 3:17

Nan min shunifo inonpacoai cusca un yoiyoni nan omitsiscaifotian un mato Egipcio mai anoshon mai futsa yora futsafo nanno icafo ari un ato iyoi cairan huani. Nan maifin Cananeofo non Hititafo non Amorreofo non Ferezeofo non Heveofo non Jebuseofo nan mai ano icafo. Nanno mai fasi sharacoin. Nanno yonofo foaisharacain tushu sharacoin futsa futsatapafo icain fona ichapa fata sharaforan,’ ” ishon yoini.

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Éxodo 33:2

Unfin uhuun oinmati u fu nai muran ica un mia nichishonicai mato rucu cashonon. Ascanofin nan mato noicasmaifo oin uhuun oinmatinin ato potaino nan mai un mato inain. Ascano Cananeofo potafain Amorreofo potafain Hititafo potafain Ferezeofo potafain Heveofo potafain Jebuseofo potashquin.

Hechos 13:19

Siete mani futsafo aton mai muranshon ato potani. Nocon shunifo inanni atona inon.

Hechos 7:45

Ascatan fari ichapa finontan nocon shunifoan nan pano pushu fonifo. Nantianri aton niaifo ahuun anu Josué ato iyoni mai futsa finonfo. Diosihuunshon caifo futsafo nan mai anoafo potanifo aton mai inon. Nan Josué niaifo taupaonino man fari ichapa finontan Davidrifi yositirofo pano pushu muran ichananpaonifo Upa Dios cufishcaquin.

Josué 3:10

Nantofin na mai shara noco inanshquiquin nan mai anoshon caifo futsafo nocomaquishon potashquin. Cananeofo potafain Hititafo potafain Heveofo potafain Ferezeofo potafain Gergeseofo potafain Amorreofo potafain Jebuseofo potashquin. Nan ato potacun man tapitiro maton Diosi nan niafin mato fu icaquin.

Josué 4:1

Ascano nantifi Israelifoan unu Jordán pocusharafainifo nocon Ifo Diosin Josué yoini isca huaquin,

Josué 4:19

Ascano oshu fusti ahuun osha mucu rafuti Israelifo unu Jordán anoashu focani Gilgal mai ano noconifo. Nanno fari oaiquiri Jericó pushu rasi ini.

Josué 4:23

Nocon Ifo Diosin nocohuunshon unu Jordán nutsoriscatani non nantifishon pocufainon. Nan ununhuan oshin noco nutsomashoni cuscari nan unu Jordán nanscarifi huaquin noco nutsoshoriscatani.