Josué 23:11 - Sharanahua: Diospan Tsain

¹¹ Ascacun oinfain maton Ifo Diosi noicoincahuun.

Josué 23:11 ပူးပေါင်းရင်းမြစ်များ

Éxodo 20:6

Ascan tsoan ua noicoinfain un ato yonoa cusca ai nan cuscarafo un ato ismashquin un fasi atohuun noicoin. Ascashon ahuun funafori nantifi ahuun yorafo nan mai furoti nantishotapiquin un ato ismai un atohuun noiyai cusca.

Lucas 21:34

Ascacun oinfain. Un matoqui nocoriscatashquin. Man itisharayamano ahuarafo ahuuscarai futsui. Ascacun ahuara chaca huayamacahuun. Paunyanan monofafainyamacahuun. “¡Ohua! Un ahuuscarairan,” ishon shinanfafaiyamacahuun. Nanscafin nan ua icoinra huamafofo aaquin. Afo itisharafomano un nocoriscatashquin. Afo icai cuscan ayamacahuun. Oinfain. Masharo nicatsashu cunu muran iquitiro cuscan ayamacahuun.

Romanos 8:28

Ascano non tapia Upa Diosin noco catonni noco amapaiyai cuscan non anon. Non Upa noiaino ahuarafo ahuuscara afiaino afohuunshon Upan noco shara huashoin. Norifi non icoinra huai.

1 Corintios 16:22

Tsoan nocon Ifo noiyamashon afin shinantiro, —Ufin un apaiyai cuscan un aicai. Ua Diosin amapaiyai cuscan nanscanonquin, —ishon shinantirofo. Nanscarafo Diosin ato onaintimapainon. Omitsiscapanacafo muran potashquin. Ifo Jesús nocoqui ohuu.

1 Corintios 8:3

Asca tsoan Dios noicoincunfin nanscarifi aquin Diosin ahuunoa yoitiroquin isca huaquin, —Un na onancoian, Nanfin uhuun yoraquin, —ishon yoitiro.

Efesios 5:15

Ascacun ¡Oinfain! Icoinsharacahuun. Diospan tsain tapiafoma cuscara iyamacahuun. Nan Diospan tsain cununi cuscacoin acahuun.

Deuteronomio 30:16

Un mato yonoa cusca nocon Ifo Dios noicoinfain mato yonoa cusca nantifi nanscacoincahuun. Diosin mato amapaiyai cusca man aiton mato shara huashoshquin manfin yora ichapacoin caiishquicain. Na mai shara ano matona iishquin.

Deuteronomio 4:15

Diosin mato yoiaitiancai machi Horeb anoshon ahuun caya man oinnima.

Deuteronomio 4:9

Ascacun oinfain Diosin mato oinmana cusca nanfohuunoa shinaincai man ointiaquimapacunacama. Maton facufo non mato chatafo non maton shotafori nocon Ifo Diosin mato yonoa cusca ato tapimacahuun.

Hebreos 12:15

Upa Diosin nocohuun ramapaiquin Furunhuunshon noco shara huafafainmisi. Ascacun oinfain Diosin noco shara huapaiyai cuscan huafafaincahuun funoshcaquima. Ascatari oinfain mato ointi mutoyamacahuun. Ascan mato nomuran man mutocacaiquin futsafori man chaca huamatiro arifi nanscara inonfo.

Josué 23:10

Ascano fustifiashon nan yora futsafo mil nocofunufofiacun man ato ichontiro. Nocon Ifo Diosin matohuunoa caifo futsafo matomaquishon potashquin man aton mai fiinon. Nannori nocon Ifo Diosin mato yoiyoni.

Josué 23:12

Ascafia man nocon Ifo Diosi cachiquiri huaiton nan caifo futsafo mato muran nituaton aton ainfofoya fianancain ato fu man rafushcaquin.