Josué 2:9 - Sharanahua: Diospan Tsain

⁹ Ascashon ato yoini isca huaquin, —Mun tapia maton Ifo Diosin nocon mai min caifo inain. Uhuun caifo min caifoqui ratucoian. Nantifi uhuun mai anoafo fasi matoqui musucani.

Josué 2:9 ပူးပေါင်းရင်းမြစ်များ

Génesis 35:5

Ascan Siquem anoashu focanashu Diosin yononi caifo futsafo chaimashta icafo atoqui ratunifo. Ascacun tsoan ato mufainnima.

Éxodo 18:11

Nan cacapaimisi Egipciofoan mia non min yorafo chaca huapaoni. Nanscacun nocon Ifo Diosin ato onaintimana afanan mato omitsiscamanonfoma. Ascacun natianfin mun tapiaquin ahuara futsafocai Dioscoinfoma. Nocon Ifo Diosin nantifi finoanran, —ishon Jetro yoini.

Números 20:14

Ascano Israelifo chipo focanashu Moisés nocofunufo mai futsa ahuun anu Edom ano ato nichini aton niaifo ahuun tsain tapimashquin isca huaquin, —Niaifon, nonfin mato yora futsa Israelifoquin. Man min tapia non foanfafainni fasi omitsiscamisi.

Números 20:24

—Natian Aarón man nai. Ahuun shunifo nai muran icano ato fu ishquin. Man rafu unu Meriba nan unu afain anoshon un mato yononi cusca man nicacasmayamua. Ascan nan mai shara un maton caifofo inain anocai Aarón iquitiroma.

Mateo 20:15

Nan un ato inanpaiyai cuscan un ato inantiro. Nanmain uhuun puicufin. ¿Ascan ahuuscaquin nan faricaino yonoafo yafi man uqui shinain chacaimun? Unfin futsafori shara huapaiquin,” ishon mau ifoan ato yoini.

Deuteronomio 11:25

Man na mai shara ano nocoataima mato yoiyoni cusca nocon Ifo Dios matohuunoa mani futsafo matoqui ratumafain matoqui fasi musucani. Ascan nantifi na mai man fiiaino tsoancai mato nitu huatiroma.

Hebreos 11:31

Ascan nantifi Jericó anoafo nai futsunifo. Ascafia nan Rahab ainfo furoma fusti ahuun yorafoya nanima. Ahuun caifoancai Dios icoinra huanifoma. Arus fusti Dios icoinra huacoinni. Ascan Jericó anoafoan aton toquiri cunu paoincataima. Israelifoan ato niaifo Josué onanti huamisi rafu Jericó ano ato nichini atohuunoa tapishquin. Nan onanti huanmisi rafu Rahab ahuun pushu muran ato iquimani ato shara huaquin. Ascacucai ahuun caifo rutucaquin Rahab rutunifoma.

Josué 2:11

Ascano nan nicain non fasi ratui taritarica. Nan nicatacai tsoa matoqui nocopaiyama maton caifofo rutushcaquin. Mun tapia maton Ifo Diosicai tsoan finontiroma. Nantifi nai murannoa iquifain mai anoafori iquina.

Josué 2:24

Yoiquin isca huanifo, —Nan yora Jericó anoafo nocoqui fasi ratucoianfo. Ascan nocon Ifo Diosin nantifi nan mai noco inanshquin nocona inon, —ishon nan rafutan aton caifo yoinifo.

Josué 2:8

Ascano nan Israeli nocofunu rafu oshataifoma Rahab pushu fomancaya cani ato fu tsainquicai.

Josué 6:2

Ascano Ifo Diosin Josué yoini isca huaquin, —Un yonoa cuscan Jericó anoafocai miqui fotirofoma. Aton niaifo non aton ranushumuafo uhuunshon min ato cuyoshquin.