Josué 2:4 - Sharanahua: Diospan Tsain

⁴ Niaifoan nannori yoifiacai Rahab nan Israeli nocofunu rafu onuni. Ascashon cumaquin isca huani, —Icon nan nocofunu rafu uhuun pushu muran iquifiafo. Ascafia uncain tapiama raquiashumain fuafoquin.

Josué 2:4 ပူးပေါင်းရင်းမြစ်များ

Éxodo 1:19

Ascashon nan ainfo rafutan niaifo cumani, —Niaifon, Faraón, nan Hebreo ainfofocai min caifo ainfofo cuscarafoma. Nocon caifo ainfofoan fasi curushcain yonomisifo. Ascan non atoqui nocoataima aton facufo cainriscaniran, —ishon Sifra futan Fúa nannori niaifo yoinifo.

Santiago 2:25

Nanscarifiai nan ainfon furoma ahuun anu Rahab. Nan Israeli rafu Rahab ahuun caifoan pushurasi muran noconifo ahuu cuscaramainquin tapipaicani. Ascashu chipo Rahab ahuun pushu murancoin iquinifo. Ascacun nanton ahuun pushu muran nocon caifo rafu onuni ato ahuusca huanonfoma. Ahuun pushu muranshon ato fai futsan nichini ahuun caifo futsafoan ato fuchinonfoma. Upa Diosin Rahabhuunoari yoini, —Min ua icoinra huashon nan rafu min shara huaa. Ascacun un mia imasharairan, —ishon Upa Diosin Rahab yoini.

Josué 2:3

Yoiaiton nicatan niaifoan Rahab icano nocofunu nichini Rahab yoiquin isca huanon, —Nan nocofunu rafu min pushu muran iquia. Nan rafutan noco fuparapai fuafo. Nocon mai oin fuafo aton yorafo nocohuunoa tapimashquin noco rutunonfo nocon mai fiishcaquin. Ascacun nan nocofunu rafu chifi caimahuun, —ishon yoini.

Josué 2:5

Ascano nan fari iquiaitian nan pushu rasi ahuun cunu caincaiti fupoaitian uhuun pushu murannoashu foafo. Raniashu foafomainquin uncai tapiama. Ato mufainrisca huatacahuun man atoqui nocoriscatiromainquin, —ishon Rahab ato yoini.

Josué 6:17

Non nantifi Jericó murannoafo cuyonon. Nocon Ifo Diosin noco yonoa cuscacai non ahuara a murannoa fitiroma. Nocon yora rafutan Jericó muran noco oinshonaino nan ainfo furoma Rahab ato numa ahuun caifofoan ato achinonfoma. Ascacun Rahab ahuun yorafoya a fu ahuun pushu muran icafocai non rutuima.

Josué 6:25

Nan ainfo furoma Rahab Israeli nocofunu rafu ahuun mai Jericó oinfoafoanno ato onuni tsoa ato rutunonma. Nanscacuricai Josué nan non ahuun yorafoya non ahuun ahuarafo ahuusca huanima Israelifo fu inonfo. Nantianri ato fu inifo.