Josué 2:12 - Sharanahua: Diospan Tsain

^12-13 Ascan maton Ifo Diosin ahuun anuhuunshon ua yoicahuun un mato shara hua cuscan marifi man ua shara huanon. Ua non uhuun yorafori man afanan nuno Jericó ano nocoaitian noco shara huashcaquin. ¿Man ua ahuara ismatiromun man uhuun caifo cuyoaitian ua non uhuun upa non uhuun uhua non uhuun ochifo non uhuun ushtofo non uhuun chipifo non uhuun chicofo non aton yorafori shara huaquin man noco rutunonma? ¿Man ua ahua ismatiromun man ua non uhuun yorafo nocon caifo man cuyoaitian un mia icoinra huanon man noco rutunonma? —ishon Rahab ato yoini.

Josué 2:12 ပူးပေါင်းရင်းမြစ်များ

Génesis 21:23

Ascacun ua yoihuu mincai ua non uhuun facufo non uhuun funafori min noco parapacunacama. Nuno min maiyamafiacun un mia sharahuamisi cuscan uhuun caifoya noco shara huahuu, —ishon Abimelec Abraham yoini.

Génesis 24:3

Nocon Ifo Diosi nantifi nai murannoafo non mai anoafoanri aton Diosi. Nan Diosin mia nicaino ua yoihuu nan Canaán anoacai uhuun facu Isaac ainfo fima. Un ato muran ifianocai nunoa min uhuun facu ainfo fimatiroma.

Génesis 24:9

Nannori huaiton nicaquin ahuun oinmati Abraham ahuun chicaqui mupini Diosin nicaino Abraham yoini cuscan arifi yoini.

Génesis 40:14

Mia sharahuaiton ua Faraón yoishohuun ua caimanon. Uhuunoa shinanpun.

Éxodo 12:13

Ascan man maton pushu caincaiti imin raishaca oinquin un tapitiro un mato yoia cusca man aa. Ascano nan imi oinquin un mato pushu ano finonfainnicai maton furun iyoafofocai un namaima. Un Egipciofo onaintimai cuscacai un mato onaintimaima. Uncai mato ahuusca huaima.

Marcos 14:44

Judaspan yorafo Jesús achimashquin yoini, —Un Jesús tsoacaiton tapicahuun nanfin Jesusquin. Achiti sharaqui. Achicatan niaifofo ano iyocahuun, —ato huani.

Romanos 1:31

ahuara shara shinanpaimisifoma icain tsoashtacai ato icoinra huatirofoma icain tsoanshtahuun noiyamacain chaca huapaimisifo icain rauhuaquin tapiamafo icain tsoanshtahuuncai ramapaimisifoma icain.

1 Timoteo 5:8

Tsoan ahuun yorafo cushusharayamafain ahuun afocoinri cushusharayamaicai Diosin tsain cununi cuscan aima. Nancaifin Jesús icoinra huafoma cuscara finacaiaquin.

Santiago 2:13

Ascashon Diosin nantifi yorafo puashoshquin. Ascan niyoshon man futsafohuun ramapaipaonimacun Diosiri matohuunri ramapaishquima. Ascan niyoshon man futsafohuun ramapaipaonicun Upa Diosin matohuunri ramapaishquin. Ascashocai mato onaintimaima. Ascatama manrocon afu ipasharatiro.

Josué 2:19

Min yorafo yoihuun non matoqui nocoaitian min pushu murannoashu chifi cainyamacahuun. Nan yora chifi caianfin naashquiquin nocohuucai nuama. Atohuun nuushquin nan naifo cuscan. Ascano min yorafo mi fu pushu muran icafo nocon caifoan ato ahuuscara huano nocohuun nuutiro.

Josué 6:22

Ascatan nan nocofunu Jericó oinqui tauhuaiyonifo rafu Josué ato yoini isca huaquin, —Man nan ainfo furoma yoiyoni cuscan ahuun pushu muran iquicahuun. Nan non ahuun yorafoya chifi cainmacahuun, —ishon Josué ato yoini.