Josué 2:1 - Sharanahua: Diospan Tsain

¹ Ascano Josué Israelifo Sitim mai ano nocofunu rafu nichini. Ato yoini isca huaquin, —Unu Jordán ocuma futsa pocufaintacahuun ahuu cuscaramain nan maiquin oinsharatacahuun noco tapimashcaquin. Man Israelifoquin tsoashta tapimayamacahuun. Nan pushu rasi Jericó anoafo oinsharacoincahuun, —ishon Josué ato yononi. Nicacatan nan rafu Sitim anoashu focani Jericó ano noconifo. Nanno ainfo furoma ahuun anu Rahab ahuun pushu muran oshanifo.

Josué 2:1 ပူးပေါင်းရင်းမြစ်များ

Génesis 42:16

Manfin ratora fusti catontiro mato mai anoa ushto ihuicai. Ascano nan man nituafo man cunu muran iyotiro mato ushto oai chain. Ascano un tapitiro man ua yoia cusca icon iyamarai iconmaquin. Nocon niaifo Faraón icon nia cuscan, urifi icon un mato yoiran, —ishon José ato yoini.

Génesis 42:9

Nantian atohuunoa namani cuscan José shinanni. Ato yoiquin isca huani, —Mancai tushu fipai fuama. Ascatamarocon noco mai fianpai man fua. Ascashu chipo afanan ahuuscashoma noco mai curushcain fianpai man fuushquin, —ato huani.

Números 13:1

Ascano nocon Ifo Diosin Moisés yononi isca huaquin,

Números 13:2

—Un min caifo mai inain ahuun anu Canaán. Nanri nocofunufo nichihuun nan mai oinsharayotanonfo. Nan icafo manifoti nocofunu niaifo fusti rasi ato catonhuun. Ascashon ato nichihuun, —ishon nocon Ifo Diosin Moisés yoini.

Mateo 1:5

Salmón facu Booz ini. Ahuun ahuari Rahab ini. Boozpan facu Obed ini. Ahuun ahuari Rut. Obed facu Isaí ini.

Mateo 10:16

Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.

Efesios 5:5

Natian un mato yoiai cuscan man icoinra huatiro. Ratoran futsan shinanchacamisiton ahuinma fu icaino ainfofori nanscarifiaifono funuma furi icain yora futsana fipaimisi. Nan yora futsana ahuara fianpaiquin nan Dioscoin fuchipaitama ahuara futsahuunsi nuuquin nancai fuchipaifafaini. Afanan un mato shafacafi yoi. Tsoan chaca huaicai Jesucristo Apa fu icari nocotirofoma. Nan Jesús niaifo icaricai ahua chaca afu itiroma. Ascaran chaca huamisifocai Cristo icari noconacafoma.

Hebreos 11:31

Ascan nantifi Jericó anoafo nai futsunifo. Ascafia nan Rahab ainfo furoma fusti ahuun yorafoya nanima. Ahuun caifoancai Dios icoinra huanifoma. Arus fusti Dios icoinra huacoinni. Ascan Jericó anoafoan aton toquiri cunu paoincataima. Israelifoan ato niaifo Josué onanti huamisi rafu Jericó ano ato nichini atohuunoa tapishquin. Nan onanti huanmisi rafu Rahab ahuun pushu muran ato iquimani ato shara huaquin. Ascacucai ahuun caifo rutucaquin Rahab rutunifoma.

Santiago 2:25

Nanscarifiai nan ainfon furoma ahuun anu Rahab. Nan Israeli rafu Rahab ahuun caifoan pushurasi muran noconifo ahuu cuscaramainquin tapipaicani. Ascashu chipo Rahab ahuun pushu murancoin iquinifo. Ascacun nanton ahuun pushu muran nocon caifo rafu onuni ato ahuusca huanonfoma. Ahuun pushu muranshon ato fai futsan nichini ahuun caifo futsafoan ato fuchinonfoma. Upa Diosin Rahabhuunoari yoini, —Min ua icoinra huashon nan rafu min shara huaa. Ascacun un mia imasharairan, —ishon Upa Diosin Rahab yoini.

Josué 1:18

Min tsain noco yoiai cuscan huafain min noco yonoshquin ai cuscan futsan nicacasmaiton non rutushquin. Ascano Diospan curushhuunshon mia amapaiyai cuscan huafafainhuun. Shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun, —ishon Josué yoinifo.

Josué 2:2

Nan nocoaifoan futsan ato oinni. Ointan Jericó niaifoqui chanini. Yoiquin isca huani, —Mun oian Israeli nocofunu rafu na yamu nuno oa noco mai oin fuafo aton caifofo nocohuunoa tapimashcaquin fuaforan, —ishon niaifo yoini.

Josué 3:1

Ascatan iyoconaino Josué fu nantifi ahuun caifo Israelifo pushu rasi ahuun anu Sitim anoashu unu Jordán cusumunri fonifo. Nanno pocuafotaima nanno iyopaonifo.