Josué 10:6 - Sharanahua: Diospan Tsain

⁶ Ascan nan Gabaonitafoan Josué Gilgal anoa cunu fomani isca huaquin yoini, —Nonfin maton oinmatifoquin. Noco potayamacahuun. Amorreo niafofoan aton ranushumuaya machifo anoashu nocoqui fucani noco rutushcaquin. Ascacun oriscahuun noco numashquin, —ishon cunu fomani.

Josué 10:6 ပူးပေါင်းရင်းမြစ်များ

Números 13:29

Ascano nan Amalacitafo Néguev mai ano icafo. Hititafo non Jebuseofo non Amorreofo nan machifo ano icafo. Ununhuan cusumun non unu Jordán cusumunri nan Cananeofo icaforan, —ishon yoinifo.

Lucas 1:39

Ascano man shafa ranan finontan María ahuun yaya ano cai fasi coshi cani nocoriscapai. Nan Judea muran pushurasi ano machihuanrasifo ini.

Deuteronomio 1:15

Ascan man catonni cusca un manifoti nocofunu sharafo nan mapo sharayafo non atohuunoa shinansharamisifo un ato yononi maton niaifofo inonfo mato iquinonfo. Futsafoan mil yora iquinainno futsafoan cien yora iquinainno futsafoan cincuenta yora iquinainno futsafoan mucu rafuti yora iquintiro aton niaifo iishquin.

Josué 10:5

Ascano nan mucu fustiti Amorreo aton niaifofoan ichanan huanifo. Jerusalén anoa niaifo non Hebrón anoa niaifo non Jarmut anoa niaifo non Laquis anoa niaifo non Eglón anoa niaifo ichanan huani aton ranushumuafo fu Gabón ano noconannifo ato rutushcaquin.

Josué 10:7

Nan cunu ointan Josué nantifi ahuun ranushumuafo nan rutumitsaqui tapisharafo fu Gilgal anoashu Gabaón ano fonifo.