Josué 10:4 - Sharanahua: Diospan Tsain

⁴ Niaifo Adonisedec ato cunu fomani isca huaquin, —Gabaonitafoan Josué yafi ahuun caifo Israelifo yoinonansharafo rutunanshcaquima. Ascacun uqui fucahuun non nocon ranushumuafo futan Gabaonitafo non rutui fonon, —ishon Adonisedec ato yoimani.

Josué 10:4 ပူးပေါင်းရင်းမြစ်များ

Mateo 16:24

Ascatan non afu rafua futsafori noco yoiqui isca huani, —Tsoan ua tanapaisharaquicai afi apaiyai cuscan huatiroma. Ascatama nan un yoiai cuscacoin huatiro. Ascashon shinanqui isca huatiro, “Ua omitsisca huafiaifoanno uncai uhuun Ifo potapacunacama. Ahuunshon ua rutufiaifoanno un tanaqui unupacunacamaran,” ishon man shinantiro.

Juan 15:19

Marifi man ua icoinra huayamaiton matori noicuanafo. Afi ranan noinanfo cuscan matori noicuanafo. Ascafiacai man ato cuscarama. Un mato catonni icoinra huama cuscarafo man inonma. Ascacun icoinra huamafoan mato noicasmacani.

2 Timoteo 3:12

Icon. Ratoranfo nocon Ifo Jesucristohuunoashu isharapaiyaifo omitsisca huashcani.

Santiago 4:4

Afin mato amapaiyai cuscacai nancairocon shinantama nan mafi ranan man apaiyai cuscan fustisi man shinanmisiquin. Ascaquicai man Dios noicoianma. ¿Man tapiamamun nan icoinra huamafoan fuchipaiyaifo cuscan marifi man fuchipaya. Ascaqui man Dios noicasmamisi itiro? Asca man icoinra huamafo cuscara icashufin Diosin noicasmamisi man itiroquin.

Josué 10:1

Josué Jericó anoa aton niaifo rutufain ahuun yorafoya non nan aton inafoya ato rutuquin cuyocoinni cuscan nanscari huaquin nan Hai pushu rasi anoa icafo aton niaifo ahuun yorafoya ato rutuqui futsanifo. Nantianri Gabaonitafoan Israelifo yoini isca huaquin, —Non rutunonanonma. Non mato fu isharaino marifi man noco fucash huanonma, —icashu yoinonansharanifo Gabaonitafo Israeli chaimashta icafo ini. Nan pushu rasi ahuun anu Jerusalén anoa aton niaifoan Adonisedec nafohuunoa nicani.

Josué 10:5

Ascano nan mucu fustiti Amorreo aton niaifofoan ichanan huanifo. Jerusalén anoa niaifo non Hebrón anoa niaifo non Jarmut anoa niaifo non Laquis anoa niaifo non Eglón anoa niaifo ichanan huani aton ranushumuafo fu Gabón ano noconannifo ato rutushcaquin.

1 Pedro 4:4

Ascan nan man chaca huapaoni cuscan man shatuano matofu rafupaonifoancai ahuuscashon tapitirofoma. Ascashu matohuunoa yoiquin isca huatirofo, —¡Aira! ¿Ahuuscain afanan na yorafo no fu ichananpaicanimamun monoyanan non atofu paunpaoni? ¿Ahuuscain afanan ascapaicanimamun? —ishon yoicanashu mustairiscatirofo. Ascashon mato roatirofo.

Apocalipsis 16:14

Nan rafu non fusti fushco ointsa yoshin chacafoan ahua tsoan oinyomisima cuscara ahuamamishti yorafo ismafo. Nantifi niaifofo manifoti ano focani ato ichanan huamai nocon Ifo Jesús ahuun yorafo rutunonfo. Nantianri nocon Diosin ahuamamishti amisiton ahuun yono ismashquin.