Josué 1:9 - Sharanahua: Diospan Tsain

⁹ Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.

Josué 1:9 ပူးပေါင်းရင်းမြစ်များ

Génesis 28:15

Un mi fu. Nan min cai cuscan un mia cushui. Un mia nuno nan mai ano nasoin. Un mia yoiyoni cuscan min huaiton un mia potapacunacamaran, —ishon nocon Ifoan Jacob yoini.

Génesis 39:2

Nocon Ifo Diosin ahuun Yoshin Shara José fu rafuni. Ascano José nan Egipcio Potifar yonomasharani. Ascashon ahuun pushu muranri imani.

Génesis 39:3

Nocon Ifo Diosin José fu rafucun Potifar oinni. Ascaiton José acai cuscan oian nantifi sharacoin ini.

Salmos 46:7

Diosin ahuamamishti huafain ahuun curushhuunshon nantifi finoncoian. Nanfin noco fu icaquin. Jacob ahuun Diosin nocon cushumisi. Nanfohuunoa shinancahuun.

Daniel 10:19

Ua yoia isca huaquin, —Ratuyamahuu. Diosin mihuunoa fasi shinansharaiquin. Natian min nomuran shinansharahuu. Ahuarahuunoa shinain ratuyamahuu, —ishon ua yoia. Ua anori huaino un mua uncai afanan shaca fuai mutsa aima. Un muuquin shara huaquin un yoia isca huaquin, —Uhuun niaifon, mian mutsismana. Ascan mian yoipaiyai cuscan ua yoihuu, —ishon un cuma.

Hechos 4:19

Asca huafiaifoan ato cumanifo, —¿Non mato nicayamaraquin Upa Diosin noco yonoa cuscan non nicatiromun? ¿Rato sharamun? Mafin shinancahuun. ¿Non mato nicaino Diosin nocoqui unimatiro iyamarai afin noco yonoa cuscan non yoiaino unimatiromainquin?

Deuteronomio 1:21

Ascacun nocon Ifo Diosin noco inaintian ‘Nanri fotacahuun na mai shara fiishcaquin,’ ishon nocon Ifoan noco yononi. Ratuyamacahuun. Maton nomuran shinanchacayamacahuun,” ishon un mato yoini.

Josué 1:10

Ascano nan Upa Diosin yoini cuscan Josué Israeli niaifo patasharinoafo cunani ato yoishquin.

Josué 1:17

Moisés noco yonoa non nanscacoinmisi cuscan nanscarifiai min noco yonoai cuscan non aashquin. Ascano nocon Ifo Diosin Moisés fu ipaoni cuscan nanscariai mi fu ipapainon.

Josué 1:18

Min tsain noco yoiai cuscan huafain min noco yonoshquin ai cuscan futsan nicacasmaiton non rutushquin. Ascano Diospan curushhuunshon mia amapaiyai cuscan huafafainhuun. Shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun, —ishon Josué yoinifo.

Josué 10:8

Foaifotian nocon Ifo Diosin Josué yoini isca huaquin, —Atoqui ratuyamacahuun. Un yonoa cuscan mato tsoan ahuusca huatiroma. Manfin ato rutuquin futsaicain, —ishon nocon Ifo Diosin Josué yoini.

Josué 3:7

Ascatan nocon Ifo Diosin Josué yoini isca huaquin, —Na shafata un min caifofo ismai min aton niaifo sharacoincun. Un asca huaiton tapitirofo un Moisés fu ipaoni cuscan un mi furi ipanaca.

Josué 6:27

Ascano nocon Ifo Diosin Josué fu rafumisi cuscan. Nantifi maifotishon Josuéhuunoa nicamisifo nan nocofunu shararan huanifo.

1 Samuel 10:7

Nan un mia yoia cuscan min aino nocon Ifo Diosi mi fu ishquin. Nan min ahuara shara huapaiyai cuscan nocon Ifo Diosin mi fu rafuiquin.