Josué 1:8 - Sharanahua: Diospan Tsain

⁸ Un mato yonoa cusca nan cunua oinfafaihuun. Min nomuranshon nan cunua cuscan shafatifi non yamutifiri shinanhuun. Min nanscaifin nan cunua cuscan min aashquicai. Ascaino nanti min acai cuscan shara iishquin. Min isharacointiro.

Josué 1:8 ပူးပေါင်းရင်းမြစ်များ

Génesis 24:63

Ascan man fari caino pozon anoashu nii yamai ano cani nanno shinanni. Caaquin oian camellofo fuaiton oinni.

Salmos 119:11

Uhuun nomuranshon min tsain shara un nanua mia chaca huashquima.

Salmos 119:97

Uhuun Ifon, min tsainfin un fasi noicoincain. Shafatisho min tsainhuunoasi un shinanfafaini.

Salmos 19:14

Uhuun Ifo minfin toquirininhuan cuscaraquin. Tsoancai mia shucatiroma. Ascan un mi fu rafuainocai tsoashtacai ua shucatiroma un mi fu rafunonma. Min ua numa un Upa Dios fu ipanon. Un yoia cuscan huafain uhuun nomuran un shinain cuscan min uqui unimapainon.

Salmos 40:10

Uhuun nomuranshocai urus fusti min tsain shara un nanuama. Mun ato yoimisi nan min yoiyomisi cuscan min huaiton. Minfin mirus fusti nocon chaca soashotiro non mi fu ipasharanon. Nan min yora ichapafoya ichanaintian un ato yoimisi min nocohuun noifain min tsain icocoincun.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Mateo 7:21

Ascano atirifiton ua Ifo huafiashucai uhuun Upa Diosin ato amapaiyai cuscan amisifoma. Nan cuscarafo Upa icari nocotirofoma. Nan uhuun Upa nai ari icaton afi ato amapaiyai cuscan huamisifo nanfo fusti uhuun Upa ari nocotirofo afu nipashcaquin.

Mateo 7:24

Ascacun un mato tapimai un mato yoimisi cuscacoin aashucai man funopacunacama. Nanscarafo nan pushu mutsisipa huamua cuscarafo. Pushu huaquin ahuun quishi mai tuiqui nocoa.

Lucas 11:28

Ascatan Jesús cumani, —Ai, nan min yoiai cuscan iconfiashu tsoan Diosin tsain nan nica cuscacoin Diosin nan unimamatiro finacoian, —ishon cumani.

Juan 13:17

Un aca cuscan man man tapia. Ascan man man tapia cuscan aaquin unimacointiroquin.

Juan 14:21

Un mato yonoa cuscan ua nicacoinshonfin ua fasi noicoinquin. Ua noicoiainton uhuun Upari ahuun noi. Ascaino urifi un ahuun noi. Un shinain cuscan u ato tapimairan, —ishon Jesús noco yoini.

Efesios 4:29

Ahua chaca yoitamarocon shara fustisi yoifafaincahuun. Man ato yoiaiton nicacashon futsafoan nan tsain shara nicaquin nocon Ifo finonmafain tanasharatirofo.

Deuteronomio 30:14

—Ascatamarocon nocon Ifo Diosin mato yonoa cusca man aya. Mato yonoa cusca man yoitiro. Maton nomuranshon mato yonoa man man tapia. Nan mato yonoa cusca man anon, —ishon Moisés ahuun caifo nan Israelifo yoini.

Colosenses 3:16

Cristo noco tapimani cuscan huafain maton nomuran nanucoincahuun. Nantofin mato iquinaquin. Ascan ahuun tsain tapisharashon futsafo yari tapimatanancahuun isharashcaquin. Mato nomuranshon Diosin aicho huafain David fanainni cuscan fanain ishocain ahuun tsainhuunoari fanaincahuun.

Josué 1:7

Afanan un mia yoi uhuun curushhuunshon un mia amapaiyai cusca huafafainhuun. “Uhuun Ifo Diosin ua yonoa cuscan un atiroran,” ishon shinanhuun. Moisés mia yonoa cuscan nantifi ahuu. Nanfo cachiquiri huayamahuu. Ahua futsafo tanayamahuu. Min ascaino nantifi min acai cuscan shara iishquin.

Apocalipsis 22:14

Jerusalén funa muran iquishon nan nii ahuun fimi pipaiquin pitiro nipashquin. Nanscarifiai Upa Dios fu icaino arus fusti mato nimapacutiro. Nan ua icoinra huafo aton chaca soashona nanfo fusti uhuun Upa Diosin ato iquimatiro nofu ipanonfo.