Josué 1:6 - Sharanahua: Diospan Tsain

⁶ Uhuun yora Israelifo min nan mai shara ano ato iyoshquin. Min shunifo un ato yoiyoni cusca na mai un ato inain. Ascacun uhuun curushhuunshon un mia amapaiyai cuscan huafafainhuun. Shinanquin isca huahuun, “Uhuun Ifo Diosin ua yonoa cuscan un atiroran,” ishon shinanhuun.

Josué 1:6 ပူးပေါင်းရင်းမြစ်များ

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Salmos 27:14

Ascacun nocon Ifo funacaquima manasharacahuun. Ahuun curushhuunoashu maton nomuran ratuyamacahuun. Nocon Ifo funaquima mana sharacahuun.

Daniel 10:19

Ua yoia isca huaquin, —Ratuyamahuu. Diosin mihuunoa fasi shinansharaiquin. Natian min nomuran shinansharahuu. Ahuarahuunoa shinain ratuyamahuu, —ishon ua yoia. Ua anori huaino un mua uncai afanan shaca fuai mutsa aima. Un muuquin shara huaquin un yoia isca huaquin, —Uhuun niaifon, mian mutsismana. Ascan mian yoipaiyai cuscan ua yoihuu, —ishon un cuma.

Números 33:53

Ascan huacatan nanno nan mai fiicahuun matona inon. Nan mai un mato inain nanno man inon.

1 Corintios 16:13

Oinfain. Jesús shinanfafaicahuun chaca huacaquima. Nocon Ifo icoinra huacahuun. Cachiquiri huayamacahuun. Jesús icoinra huashu ahuara ahuuscara afiaiton oincani ratuyamacahuun. Diosihuunoashu fupuinifoancahuun.

Efesios 6:10

Ascano uhuun yoramishtichin uhuun tsain unutaquin un mato yoinon. Nocon Ifo fu rafucahuun ahuun curushu mato inannon. Man ascaifi ahuunoashu man mutsisipa shara itiroquin nan tanasharashu.

Deuteronomio 1:21

Ascacun nocon Ifo Diosin noco inaintian ‘Nanri fotacahuun na mai shara fiishcaquin,’ ishon nocon Ifoan noco yononi. Ratuyamacahuun. Maton nomuran shinanchacayamacahuun,” ishon un mato yoini.

Deuteronomio 1:8

Unfin na maitio mato inaincai matona inon. Ascacun natian nanno icahuun futsafo nannoshon potacahuun matona inon. Un maton shunifo Abraham non Isaac non Jacob aton funafori inanni. Ascano natianri matona iishquiran, —ishon nocon Ifo Diosin noco yoini.

Deuteronomio 11:8

Ascan nocon Ifo Diosin noco yonoa cusca un mato tapimaicai nantifi nicasharacahuun. Man ascaiton Diosin mato mutsismashquin man unu Jordán pocufain nan mai shara ano man iquicai matona inon.

2 Timoteo 2:1

Timoteon uhuun facushtan Jesucristo ahuun curushhuunoashu min isharatiro chaca huashquima.

Josué 1:18

Min tsain noco yoiai cuscan huafain min noco yonoshquin ai cuscan futsan nicacasmaiton non rutushquin. Ascano Diospan curushhuunshon mia amapaiyai cuscan huafafainhuun. Shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun, —ishon Josué yoinifo.

Josué 1:7

Afanan un mia yoi uhuun curushhuunshon un mia amapaiyai cusca huafafainhuun. “Uhuun Ifo Diosin ua yonoa cuscan un atiroran,” ishon shinanhuun. Moisés mia yonoa cuscan nantifi ahuu. Nanfo cachiquiri huayamahuu. Ahua futsafo tanayamahuu. Min ascaino nantifi min acai cuscan shara iishquin.

Josué 1:9

Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.

1 Samuel 4:9

Uhuun caifofoan ratuyamacahuun. Filisteofoan mutsisipainifoancahuun. Non atoqui ratuaino nocon rutuqui finoanfoanno non na Hebreofo yonomatifo itiro. Ascacun non ato rutuicanon, —icashu yoinannifo.