Josué 1:18 - Sharanahua: Diospan Tsain

¹⁸ Min tsain noco yoiai cuscan huafain min noco yonoshquin ai cuscan futsan nicacasmaiton non rutushquin. Ascano Diospan curushhuunshon mia amapaiyai cuscan huafafainhuun. Shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun, —ishon Josué yoinifo.

Josué 1:18 ပူးပေါင်းရင်းမြစ်များ

Lucas 19:27

Ascashon nanfoanfin ua noicasmacaquin yoiafoquin, ‘Noncai mia niaifo huapaimaran,’ ishon uhuunoa yoiafo. Ascacun ato ihuucahuun uhuun ointaifi ato rutushcaquin,” ishon yoiniran, —Jesús ato huani.

1 Corintios 16:13

Oinfain. Jesús shinanfafaicahuun chaca huacaquima. Nocon Ifo icoinra huacahuun. Cachiquiri huayamacahuun. Jesús icoinra huashu ahuara ahuuscara afiaiton oincani ratuyamacahuun. Diosihuunoashu fupuinifoancahuun.

Efesios 6:10

Ascano uhuun yoramishtichin uhuun tsain unutaquin un mato yoinon. Nocon Ifo fu rafucahuun ahuun curushu mato inannon. Man ascaifi ahuunoashu man mutsisipa shara itiroquin nan tanasharashu.

Hebreos 12:25

Ascacun ¡Oinfain! Diosin mato yoipaiyai cuscan nicatimayamacahuun. Nan mai anoshon nocon shunifo Moisés ato yoini cuscan nicayamaifoan Upa Diosin ato onaintimani. Ascashu na mai anoashu Moisés noco cuscara cainni. Ascan Jesuscai ascarama. Apa Dios icariashu nocoqui fotoni. Nanton noco yoiai cuscan non nicayamaino fasi musucoin. Ascan non Furun nicayamacaiyaiton Upa Diosin noco onaintimaquin finacoin.

Josué 1:17

Moisés noco yonoa non nanscacoinmisi cuscan nanscarifiai min noco yonoai cuscan non aashquin. Ascano nocon Ifo Diosin Moisés fu ipaoni cuscan nanscariai mi fu ipapainon.

Josué 1:9

Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.

Josué 2:1

Ascano Josué Israelifo Sitim mai ano nocofunu rafu nichini. Ato yoini isca huaquin, —Unu Jordán ocuma futsa pocufaintacahuun ahuu cuscaramain nan maiquin oinsharatacahuun noco tapimashcaquin. Man Israelifoquin tsoashta tapimayamacahuun. Nan pushu rasi Jericó anoafo oinsharacoincahuun, —ishon Josué ato yononi. Nicacatan nan rafu Sitim anoashu focani Jericó ano noconifo. Nanno ainfo furoma ahuun anu Rahab ahuun pushu muran oshanifo.

1 Samuel 11:12

Asca huacatan Israelifoan Samuel yoinifo isca huaquin, —¿Ranimun nan nocofunufoan yoiafo, “Saulcai noco niaifo itiroma noco iquishquin?” Nocoqui ato ihuucahuun non ato rutunon, —ishon yoinifo.