Hechos 9:1 - Sharanahua: Diospan Tsain

^1-2 Nantianri Saulo nantifi Jesús icoinra huafo rutupaiyai. —Un nantifi Jesús tanamisifo un rutuicain, —ishon yoini. Ascan Israeli aton yorafohuunshon Dios cufimisi niaifocoin ano cashon yoini, —Ua cunushohuun un nantifi ichananti pushu Damasco ano ismanon min ua yonoa un Jesús icoinra huafo nocofunufo non ainfofori fuchishon Jerusalén ano un ato cunu muran iquimanon, —ishon yoini.

Hechos 9:1 ပူးပေါင်းရင်းမြစ်များ

Salmos 27:12

Uhuun Ifon, ua cushuhuu ua noicasmaifoan ua tsoan achinonfoma. Nanfoan uhuunoa chani yoiafo isca huaquin, —Nanton chaca huaran, —ishon yoifiafocai uncai ahua chaca huama. Uhuunoa fasi tsain curush yoiafo ua chaca huashcaquin.

Hechos 7:58

Achicashon pushurasi pasotainri sharafonifo. Aton sahuuti pucashon ointiaca ahuun anu Saulo nia naman machinifo. Ascacatan toquirifoan Esteban tsacaquin futsanifo.

Hechos 8:3

Ascantan Saulon Jesús icoinra huafo fasi ato noicasmani. Ato cuyopaiquin. Fasi ato omitsisca huani. Pushuti iquicahuacacaini ato achishon cunu muran iquimashquin. Ainfofo yafi nocofunufori ato asca huani.

1 Corintios 15:9

Icoinra huaa futsafoancai un acai cuscan chaca huacaicaimisifoma. Un Jesús icoinra huafo omitsiscamayopaoni. Un Diospan yorafo chaca huayopaonifiacun Jesús uhuun ramapaiquin ua catonni un afu rafumisi inon.

Gálatas 1:13

Nocon shunifoan noco yonopaoni cuscan anunifo Judaismon. Urifi nan un tanacoinyopaoni. Nanfin man man nicamisi. Man man tapia nan Jesús icoinra huafo Dios tanasharapaiyaifo un fasi curushcain ato omitsiscamapaoni. Un ato cuyopaicoinpaoni.

Filipenses 3:6

Diosin tsain tanasharapaicoinquin nan Jesús tanamisifo un ato chaca huapaoni. Unfi nantifi Moisés tsain tanasharapaoniquin. Tsoancai uhuunoa yoiqui isca huatiroma, —Pablonuncai Moisés tsain nicacoinpaonimaran, —ishocai tsoan yoitiroma. Ascashon un shinanquin isca huapaoni —Nanfoan ua imasharatiroran, —ishon un fasi amaquiri shinanpaoni.