Hechos 6:9 - Sharanahua: Diospan Tsain

⁹ Ascano Israelifoan aton ichananti pushu futsa nanno ichananshon ato anunifo. —Apaiyai cuscan huatiroforan, —ishon atohuunoa yoimisifo. Nanfocai afanan oinmatifoma. Nanfoan aton mai Cirene anoashu non Alejandría anoashu non Cilicia anoashu non Asia anoafori. Nanfo Esteban fu fochismanantanannifo.

Hechos 6:9 ပူးပေါင်းရင်းမြစ်များ

Mateo 10:17

Ascacun oinfain. Nan yora chacafo masharo pofu cuscarafo mato achimatirofo. Ascano achicashon aton niaifofo ano mato iyotirofo. Asca huashon aton ichananti pushu muranshon mato ihuin futsa coshamatirofo.

Mateo 23:34

Ascacun un afanan Diosin tsain yoimisifo yafi Diosin tsainhuunshon cayacafi shinansharamisifo non ahuun tsain tapimamisifori un matoqui nichishqui. Nanforifi man ato rutushquin. Futsan ihui coyan iquinanqui man mastashquin nanon. Ascashon atirifi maton ichananti pushu muranshon man fichi cunoqui tuchiaton man coshashquin. Ascaquin man ato omitsisca huai nan pushufoti cafoquin man ato omitsisca huafoicaiquin.

Mateo 27:32

Focani nan nocofunu Simonqui noconifo. Nan Simonfin Cirene anoashu cainniquin. Ascan nan ranushumuaton yononi. —Ihui coyan iquinan noco foshoicahuun, —ishon iyamafainifo.

Marcos 13:9

Ascan itisharacahuun. Mato achishon mato niaifofoan maton ichananti pushu muranshon mato fasi coshashcaniquin. Niaifofoan aton ointaifi mato iquimashcani. Mato asca huacani. Uhuunshon man ato yoishquin.

Lucas 21:12

Ascataima achicashon mato ichananti pushu muran iyoshcani niaifofoan mato yocanon. Ascashon chipo mato cunu muran iquimashcani. Asca huatan niaifo futsafoan ointaifiri afanan mato asca huashcani. Uhuunshofin mato asca huashquicani.

Hechos 11:20

Ascafiacanashu atirifi Chipre yafi Cirene anoashu Antioquía ano fonifo. Tsain shara Jesucristohuunoa Israelifomari yoifocani.

Hechos 13:1

Ascatan Antioquía anoashu Jesús icoinra huafo ichananfafainifo. Atirifi Diosin tsain inonpacoai cuscan ato yoifain. Atirifi ato yosipacunifo. Nanfo futsa Bernabé non Simón ahuun anu futsa Negro non Lucio nan Cirene yafi Manaén nan Herodes niaifo fu pushconi non Saulo.

Hechos 13:45

Fasi yorahuanrasi ichanannifo ato nicacani. Israelifoan oincani Pablo yafi Bernabequi sinanifo. Ascano yoiafo, —Pablonun noco yoiai cuscan chacacoin. Jesuscai Diospan facumaran, —ishon yoinifo. Ato roanifo.

Hechos 15:23

Ato cunu inanquin isca huani, —Nonquian Jesús fu rafumisifo doce non cushumisi futsafori non nantifi Jesushuunoa yoimisifoan non mato cunu fomai man tapinon. Nocon yoramishtichin Antioquía anoafo yafi Siria anoafo non Celicia anoa man nocon caifoyamafiashon no futan man Jesús icoinra huamisi. Non mato tsain shara yoinon.

Hechos 15:41

Ascatan anoashu focashon Siria yafi Cilicia anoafo Jesushuunoa ato yoifoanfafainifo. Icoinra huafo pushurasifoti shinanmasharani Jesús tanasharanonfo.

Hechos 16:6

Asia mai ari Jesushuunoa yoifopaiyaifoan Diospan Yoshin Sharapan, —Asia mai ari foyamacahuun, —ato huani. Ascaino Frigia yafi Galacia ano mapaifaini fonifo.

Hechos 18:24

Israeli futsan Alejandría anoashu cainni ahuun anu Apolos. Nantianri Efeso ano oni. Diosin tsain fasi tapicoinni. Tsain fasi shafacafi yoimisi. Yorafoan nicapainifo.

Hechos 19:10

Fari rafutan nan pushu muranshon ato Jesushuunoa tapimani. Ascano Israelifo futan yora futsafoan Asia mai ano icafoan nocon Ifo Jesús tsain nicanifo.

Hechos 19:26

Ascafia man man nicamisi na nocofunu Pablonun noco yora ichapafo Efeso anoafo amaquiri shinanmana. Non rami huafocai diosima. Ahuamafinquin ato huamisi. Ascan yoimisi cuscan atirifiton icoinra huafo.

Hechos 21:27

Siete oshano man anaiticuanaino Israelifo Asia anoafoan Dios fu tsainti pushu murannoa Pablo yafi nocofunu rafu non rafuri fuchinifo. Fuchicashon aton caifo cunanifo, —Noco caifomishtichin noco futan acapun. Nan nocofunun Pablonun manifoti ano cahuacacainquin noco yorafoqui tsain chaca yoifain nocon shuni Moisés noco yononi cuscan nicayamacahuun ato huafain nocon Dios fu tsainti pushuhuunoari tsain chaca huamisi. Natian iquia nocon caifoanmari iquimana nocon Dios fu tsainti pushu chaca huairan, —ishon oi ashcafinin yoinifo. Nan Trófimo Efeso anoa ini. Pablo futan pushurasi anoa oinnifo. —Nocon caifomafiacun Pablo nanton Dios fu tsainti pushu muran iquimanaran, —ishon shinannifo. Ascafiacai Trófimo ano inima.

Hechos 21:39

—Uncai aamafinquin. Unfin Israelifoquin. Un Tarso anoashu pushurasi uhuapa Cilicia murannoashu un caini. Natian ua yoipun un nan yorahuanrasi yoinon, —huaiton.

Hechos 22:19

“Ifon, nuno icafoan tapiafo un mia icoinra huafoti omitsiscamapaoni. Un ichananti pushufo ano cahuanscapaoni ato cunu muran iquimani ato coshaquin futsunonfo.

Hechos 22:3

—Unrifi un Israeliquin. Un Tarso pushurasi Cilicia murannoashu un cainni. Ascano nuno Jerusalén anoashu un pushconi. Nocon yorashtan Gamaliel ua yosipaoni. Nocon shunifoan noco yonopaoni cuscan nanti ua yosipaoni. Manfin fasi Dios tanapaisharai cuscan urifi nansca huapaipaoni.

Hechos 23:34

Cunu oinquin yocani, —¿Min rani icamun? —huaiton. —Unfin Cilicia anoaquin, —Pablonun huani.

Hechos 24:18

Nocon Diosin tsain noco yononi cuscacoin un huaa. Un Upa Diosin ahuun ointaifi chaca huatamarocon un iisharaquin. Nanscara uhuun caifofoan Dios fu tsainti pushu muran ua fuchiafo. Yorahuanrasicai ufu icafoma. Tsoacai mucama.

Hechos 26:11

Nocon ichananti pushuti muran un iquipaoni Jesús tanamisifo omitsiscamai. “Jesús sharamaran,” un ato huapaoni. Anori yoiyamaifoan un ato omitsiscamapaoni Jesús afanan tanapaimaran inonfo. Nocon caifoma anori un capaoni Jesús tanamisifo omitsiscamai.

Hechos 6:10

Fochismanantanapaifiaifoan Diospan Yoshin Shara Esteban shinansharamani. Cayacaficoin ato yoiaino tsoan cumanima.

1 Corintios 1:20

Ascan cunu tapisharafiacashon Diosin shinain cuscacai huacanima. Nanfofin Diosin atoti oinmaniquin amaquiri shinainfo cuscan. —Nonfin ahuamamishti tapisharaquin, —ifiaifoan Diosin ato ismai afoancai ahuashta tapiafoma.

Gálatas 1:21

Tapicahuun un chipo Siria yafi Cilicia mai ano cani.