Hechos 5:41 - Sharanahua: Diospan Tsain

⁴¹ Atomaqui focatan —¡Aicho! Upa Diosin nocoqui shinansharaquin non Jesushuunoashu non omitsisca. Ahuunshon niaifofoan nocohuunoa shinanchacaran, —icashu unimanifo.

Hechos 5:41 ပူးပေါင်းရင်းမြစ်များ

Lucas 6:22

Futsafoan uhuunshon mato noicasmaquin mato potafain mato roafain matohuunoa tsain chaca yoicani. Nanscarifi nan Diosin tsain yoimisifo mato shunifo omitsisca huapaonifo. Ascan matori omitsisca huafiaifoanno chipo man Upa Diosqui nocoaitian fasi sharacoin mato inanshquin man afu ipanon. Ascacun unimacoincahuun, —huani.

Juan 15:21

Man ua tanaiton ua amisifo cuscan matorifi huashcani. Upa Diosin ua nichifianicai tsoan onancoinmisima. Ascan matori asca huashcani.

Hechos 21:13

Noco cumani, —¿Ahuuscain man uaiquimun? ¿Uarifi man uaimapaimun? Ua munushfain ua onushtiro. Jerusalén anoafoan ua rutufiatiro uhuun Ifo Jesushuunoashu mun itishara apaiyaifo cuscan ua huatirofo. Munfin itisharaquin uhuun Ifohuunoashu nashquin, —ishon Pablo noco yoini.

Hechos 5:21

Shafaino Dios fu tsainti pushu muran iquitoshicashon ato yosiacufainifoquin. Israelifoan aton niaifofo ichanancashon cunu cushumisifo aton niaifofo ato nichinifo Jesús fu rafumisifo doce ihuitanonfo.

Romanos 5:3

Ascatari non Jesushuunoashu omitsiscafiaquin non shinanchacaquima Jesús tununi cuscan non tunucointiro. Ascatan non unimatiro.

2 Corintios 12:10

Ascano un mutsisipamafiashu Cristohuunoashu un unimai. Ascashon ua roafain ahuara chaca finoin omitsiscamafain ahuarafoan ua fucashni huafiaino un unimaquin tunutiro. Un asca huaquifin un mutsisipamafiashon Cristohuunshon un ahuamamishti huatiroquin.

Filipenses 1:29

Upa Diosin mato shara huashoan man Cristo icoinra huafain marifi man ahuunoashu omitsiscanon.

Hebreos 10:34

Jesús icoinra huaa futsafo cunu muran iquimanifo. Ascacun atohuun noicai man atohuunri ramapaiquin cunu muran ato oincai man cani ato shinansharamapaifain aton ointi unimamashquin. Ascan nantianri nan icoinra huamafoan maton mafo onuquin cuyocoinnifo. Mato asca huafiafocai shinanchacatamarocon man man tapini Upa Diosin nan icarishon mato ahuara shara finacoianfo mato mucushona nanfocai funopacunacama. Nanscara tapiashu man unimacoinni.

Hebreos 12:2

Ascacun non Jesús fusti shinanfafainoncahuun. Nanfin noco Ifocoin noco tapimamisicoinquin. Ascan nanton noco ismaquin tau huani ahuara ahuuscarafiaino non Dios icoinra huacoinnon. Ascashon Apa yoia cuscacoin huacoinpaoni. Ascacun norifi non ahuun caononcahuun. Ascashon nan mastacaquin yorafoan ointaifi rafini huanifo. Asca huafiaifoanno fasi omitsiscafiaquin tunucoinni manmain tapiashu chipo nocon Numamisi icain. Nanscara tapiashu fasi unimacoinni.

Santiago 1:2

Uhuun yoramishtichin ahuara ahuuscarafiaino man shinanchacatamarocon man Jesús icoinra huaquin finacoinshon funaquima man tunutiro. Man asca huaino Jesús mato imapaiyai cuscan man atiro. Ascan ahuarafoan mato chaca huamapaifiaino unimacoincahuun.

3 Juan 1:7

Nanfo foanscamisifo Jesushuunoa yoifoanfafaincani. A ahuara yopai fiaquicai icoinra huafoma yocanifoma.