Hechos 4:32 - Sharanahua: Diospan Tsain

³² Nantififain Jesús icoinra huamisifoan aton nomuran nannorisi shinannifo. Tsoan ahuara futsa shinantanima. —Nan uhuunarifi matonaquin. Un aya cuscan man yopaiton un mato inantiroran, —icashu yoinannifo.

Hechos 4:32 ပူးပေါင်းရင်းမြစ်များ

1 Corintios 1:10

Uhuun yoramishtichin un mato yoisharapai. Nocon Ifo Jesucriston ua yonoaino un mato yoi nannorifosi man shinanon. Shinan futsacaquima Jesucristo mato shinanmapaiyai cuscan nannorifosi shinancahuun.

1 Pedro 3:8

Ascan nan un mato yoia cuscan. Nantififain nannorisi shinansharafain futsafoan ahuara finoncun atohuun ramapaiquin noicoincahuun. Shara huatanancahuun. Cacapaimisi iyamacahuun futsafohuun ramapaiquin shara huafafaincahuun.

2 Corintios 13:11

Uhuun tsain unutaqui un mato yoisharapai. Jesús cuscara shara fusti ipaicahuun. Ua nicasharacapun. Nannorisi shinancahuun. Isharacahuun. Man ascaino Diosin matohuun noicoincain mato imasharanon. Ascashon maton ointi unimamanon matofu ishon.

Hechos 2:1

Ascano Israelifoan aton fusititian ahuun anu Pentecostés ini. Nantianri Jesús tanamisifo pushu fusti muran ichanannifo.

Filipenses 1:27

Ascacun isharacahuun. Man isharaiton oinqui yoitirofo isca huaquin, —Jesús icoinra huafo isharacoinmisifo. Ascashon nan tsain shara Jesushuunoa iconcoinran, —ishon yoishquicani. Ascan un matofu iyoano iyamarai un chaicushon matohuunoa nicaquin un tapitiro man Jesús tanashara. Man nannorisi shinainton Diospan Yoshin Sharahuunshon futsafo man ato Jesús icoinra huamashquin.

Juan 17:11

Uncai afanan na mai ano iyoima. Unfin miqui caicain. Afofin na mai ano nitucaniquin. Upan, min fasi sharaquin ato cushusharahuu. Min curushhuunshon ato cushusharahuu. Mian inanfoti ato cushusharahuu. Nonfin nan fusti cuscaracoinquin. Nanfori no fu nan fusti cuscararifi ato imahuu.

1 Pedro 4:11

Ascan ichananshon Diospan tsaincoin ato yoicahuun. Diosicoinchi yoicafisca huaquin. Ascan Diospan curushhuunshon futsafo shara huashocahuun. Ascacun nantififain Jesucristohuunshon Upa Dioshuunoa yoisharanonfo. Man ascaiton oinquin nantifi yorafoan yoitirofo isca huaquin, —¡Aicho! Upa Diosin fasi shara. Furun Jesucristohuunshon ahuamamishti huatiroran, —ishon yoishquicani. Nocon Ifo Jesucristo arus fusti shara huamisi. Nantocai ahuashta chaca huapanacama. Arus fusti ahuun curushhuunshon ahuamamishti huapanaca. Asca huapacuquicain ununacama. Nanscasi huapanaca.

Romanos 12:5

Nanscarifiai nocon Ifon Jesús fusticoin. Nonfin ahuun yorafoquin. Non ahuun cayan cuscarafoashu non yopanonainquin.

Hechos 5:12

Ascano ichananti pushu ahuun anu futsan Salomón Jesús icoinra huafo nantifi nanno ichanannifo. Nannori afu rafumisifo doceton Diospan Yoshin Sharahuunshon tsoan atiroma cuscan huanifo. Yorafoan aton ointaifi.