Hechos 24:1 - Sharanahua: Diospan Tsain

¹ Ascatan osha mucu fustiti finontan Israelifo aton niaifocoin Ananías Cesarea ano cani. Aton ichananti pushu niaifofori afu fonifo. Nocofunu futsa ahuun anu Tértulo arifi atofu cani. Nanton Romano niaifofo yononifo cuscan fasi tapicoinni. Nococashon niaifo Félix nanfo yafi Pablo ichanan huani aqui tsain chaca huafoan nicanon.

Hechos 24:1 ပူးပေါင်းရင်းမြစ်များ

Hechos 12:21

Ascaiton, —Ato yoihuu un samamashta atofu tsainnon, —ishon yoini. Chipo aqui funifo. Sahuuti sharacapacoin niaifoan sahuumisi cuscara sahuuashu tsaoan ini. Ahuun tsaoti ano tsaoni ato yoishquin. Tsain ichapa ato yoini.

Hechos 21:27

Siete oshano man anaiticuanaino Israelifo Asia anoafoan Dios fu tsainti pushu murannoa Pablo yafi nocofunu rafu non rafuri fuchinifo. Fuchicashon aton caifo cunanifo, —Noco caifomishtichin noco futan acapun. Nan nocofunun Pablonun manifoti ano cahuacacainquin noco yorafoqui tsain chaca yoifain nocon shuni Moisés noco yononi cuscan nicayamacahuun ato huafain nocon Dios fu tsainti pushuhuunoari tsain chaca huamisi. Natian iquia nocon caifoanmari iquimana nocon Dios fu tsainti pushu chaca huairan, —ishon oi ashcafinin yoinifo. Nan Trófimo Efeso anoa ini. Pablo futan pushurasi anoa oinnifo. —Nocon caifomafiacun Pablo nanton Dios fu tsainti pushu muran iquimanaran, —ishon shinannifo. Ascafiacai Trófimo ano inima.

Hechos 23:2

Ascaiton aton yorafohuunshon Dios cufimisi niaifocoin Ananiasin futsafo Pablo chaimashta niafo yoini, —Apasihuun, —huaiton,

Hechos 23:24

Pablori caballo inanyohuu niaifo Félix ano iyosharanonfo, —ishon ato yononi.

Hechos 23:30

Futsa uqui chania Israelifoan ua fuparapaicani Pablo rutushcaquin. Tapishon un miqui nichirisca. A chaca huafori un yonoa miqui focani Pablomain ahua chaca huaquin mia yoinonfo. Nanti uhuun niaifon Félix, —ishon cunushoni.

Hechos 23:33

Cesarea ano nococashon Pablo niaifo ano iyonifo. Ranushumua niaifo ahuun cunuri niaifo Félix inanni.

Hechos 23:35

—Mia chaca huafo nocoaifotian un mia cunashquin non ichananon man ua yoinon, —ishon yoini. Yoitan nan Herodes niaifo icano nichini, —Pablo cushusharacahuun, —ahuun ranushumuafo yononi.

Hechos 24:11

Futsafoan mia yoitiro osha doce finontan un Jerusalén ano caita nocon Dios fu tsainti pushu muranshon Upa Dios cuficai.

Hechos 24:2

Ascatan Tértulo yoini isca huaquin, —Nocon niaifoan, min noco iquina fasi sharacoin. Min niaifo iyopaonitian non natianri noco tsoan fucash huaama. Min niaifoataimacai non isharamisima. Natian ascatamarocon mihuunoashu non fiananan non ahua yopaima.

Hechos 25:15

Un Jerusalén ano cayamua Israelifoan ahuun yorafohuunshon Dios cufimisi niaifofo non Dios fu tsainti pushu cushumisifo uqui fucashon nan nocofunu ahuun anu Pablo ua yoitihuamanonfo. “A onaintimahuu,” ua huayamuafo.

Hechos 25:2

Nocoano nocon yorafohuunshon Dios cufimisi niaifofo non Israeli niaifo futsafoan aqui funifo Pabloqui tsain chaca huai fucani.

1 Corintios 2:1

Uhuun yoramishtichin un matoqui noco funashon Cristohuunshon Upan Diosin mato ashoni cuscan unfin shinansharafaincai un mato yoiama. Diosin ahuun shinan fustihuunshofin un mato yoiaquin. Diosin ua shinanmanaino un mato yoia.

1 Corintios 2:4

Ascashon un mato Jesucristohuunoa yoimisi cuscan uhuun mapon shinanfainsi un mato yoitamarocon Diospan Yoshin Sharapan ua shinanmapaiyai cuscan un mato yoia. Un mato yoiaino ahuun curushhuunshon man icoinra huani maton ointi fianananhuashquin ahuun ointi cuscara iishquin.