Hechos 2:9 - Sharanahua: Diospan Tsain

⁹ Nonfin tsain futsa futsatapa yafo. Atirifi Partia anoashu caiyainfono, atirifi Media anoashu caiyainfono, atirifi Elam anoashu caiyainfono, atirifi Mesopotamia anoashu caiyainfono, atirifi Judea anoashu caiyainfono, atirifi Capadocia nan Ponto muran anoashu caiyainfono, atirifi Asia anoashu caiyainfono.

Hechos 2:9 ပူးပေါင်းရင်းမြစ်များ

Génesis 10:22

Asca Sempan ahuun facufo anuni Elam non Asur non Arfaxad non Lud yafi Aram ipaoni.

Génesis 14:1

Nantia nan nocofunu Amrafel mai Sinar anoafoan aton niaifo ini. Nocofunu futsan ahuun anu Quedorlaomer mai Elam anoafoan aton niaifo ini. Nocofunu futsan ahuun anu Tidal nan mai Goim anoafoan aton niaifo ini. Nocofunu futsan ahuun anu Arioc nan mai Elasar anoafoan aton niaifo ini.

Génesis 24:10

Ascatan ahuun oinmatinin Abraham ahuun ina camellofo non ahuara shara futsa futsatapafo foni. Pushu rasi ahuun anu Nacor nan Mesopotamia mai ano nan fari caiquiri noconi.

Daniel 5:28

Nan tsain Parsin: maton tsainman yoia isca huaquin, “Min mai man ato pashcanan huaquin futsai. Atirifi Medofona icaino atirifi Persafona iquiran,” —ishon Daniel yoini.

Hechos 16:6

Asia mai ari Jesushuunoa yoifopaiyaifoan Diospan Yoshin Sharapan, —Asia mai ari foyamacahuun, —ato huani. Ascaino Frigia yafi Galacia ano mapaifaini fonifo.

Hechos 18:2

Nocoano nocofunu yafi ahuin nantianri mai futsariashu noconifo. Nocofunun ahuun anu Aquila. Israeli Ponto anoashu cainni. Ahuin Priscila arifi Israeli shafo. Nan rafu Italia ano imisifo. Ascan Italiafoan aton niaifon ahuun anu Claudio potani isca huaquin, —Nantifi Israelifo Roma anoashu fotacahuun, —ato potani. Ascanofin Aquila yafi Priscila Italia anoashu Corinto ano ramashta noconifo. Pablonun atohuunoa nicafaini aton pushu ano cani. Ato onaincai.

Hechos 19:10

Fari rafutan nan pushu muranshon ato Jesushuunoa tapimani. Ascano Israelifo futan yora futsafoan Asia mai ano icafoan nocon Ifo Jesús tsain nicanifo.

Hechos 19:27

Pablonun yoiai cuscan musucoin. Nocon yorafoan icoinra huacashocai afanan rami huafo rafanancai non pui fitiroma. Non funotiro. Nocon pui fusticai non funoima. Tsoancai afanan nocon dios Artemisa pushu muran ichananpaitiroma. Nantifi manifoti Asia muran natian Artemisa cufiafo. Ascan Pablonun yosian cuscan icoinra huafoan yoitirofo, “Artemisacai ahuama. Nocon diosimafinquin,” ishon yoitirofo. Ascano nocon dios Artemisa non funotiro, —ishon Demetrio ato yoini.

Hechos 19:31

Nan Asia mai anoa aton niaifofoanri Pablo noicaquin cunu fomanifo, —Pablonun ichananti pushu uhuapa muran iquiyamapun mia asca huatirofoquin, —ishon cununifo.

Hechos 20:16

—Non Efeso ano rutiatiroma. Non Jerusalén ano nocoriscapai fusititian ahuun anu Pentecostés icaitian non nocopai. Asca Asia ano non Efeso anori non rutiatiromaran, —ishon Pablonun ato yoini.

Hechos 20:18

Nocoafoan Pablonun ato yoini isca huaquin, —Un mato muran nocoi tauashu un cani cuscan man man uhuunoa tapian.

Hechos 20:4

Futsafo afu fonifo. Aton anufo futsan Sópater Berea anoa apa Pirro caino futsanfori Aristarco yafi Segundo Tesalónica anoafo foaino Gayo Derbe anoa caino rafunon fustiri Timoteo non Tíquico non Trófimo Asia anoashu afu fonifo.

Hechos 21:27

Siete oshano man anaiticuanaino Israelifo Asia anoafoan Dios fu tsainti pushu murannoa Pablo yafi nocofunu rafu non rafuri fuchinifo. Fuchicashon aton caifo cunanifo, —Noco caifomishtichin noco futan acapun. Nan nocofunun Pablonun manifoti ano cahuacacainquin noco yorafoqui tsain chaca yoifain nocon shuni Moisés noco yononi cuscan nicayamacahuun ato huafain nocon Dios fu tsainti pushuhuunoari tsain chaca huamisi. Natian iquia nocon caifoanmari iquimana nocon Dios fu tsainti pushu chaca huairan, —ishon oi ashcafinin yoinifo. Nan Trófimo Efeso anoa ini. Pablo futan pushurasi anoa oinnifo. —Nocon caifomafiacun Pablo nanton Dios fu tsainti pushu muran iquimanaran, —ishon shinannifo. Ascafiacai Trófimo ano inima.

Hechos 24:18

Nocon Diosin tsain noco yononi cuscacoin un huaa. Un Upa Diosin ahuun ointaifi chaca huatamarocon un iisharaquin. Nanscara uhuun caifofoan Dios fu tsainti pushu muran ua fuchiafo. Yorahuanrasicai ufu icafoma. Tsoacai mucama.

Hechos 27:2

Ascaiton non Adramitio anoashu nanufaini Asia mai ano fonifo. Nocofunu ahuun anu Aristarco no fu cani. Nanton ahuun mai Tesalónica Macedonia muran. Unuhuan non pocufaini.

Hechos 6:9

Ascano Israelifoan aton ichananti pushu futsa nanno ichananshon ato anunifo. —Apaiyai cuscan huatiroforan, —ishon atohuunoa yoimisifo. Nanfocai afanan oinmatifoma. Nanfoan aton mai Cirene anoashu non Alejandría anoashu non Cilicia anoashu non Asia anoafori. Nanfo Esteban fu fochismanantanannifo.

Hechos 7:2

Esteban cumaquin isca huani —Uhuun yorafoan ua nicacahuun. Nocon shuni Abraham Harán ano icataima Mesopotamia ano ini. Nantianri Upa Diosin fasi chashacoinshon oinmaquin yoini isca,

Romanos 16:5

Ato pushu ano ichananshori ua ato yoisharashocahuun. Uhuun yorashta Epeneto ua yoishocahuun. Nantofin Asia anoshon Jesús icoinra huaquin tau huani.

1 Corintios 16:19

Nan Jesús icoinra huafo ichananmisifo Asia anoafoan mato yoisharapaicani. Nocon Ifohuunshon Aquila futan ahuin Priscila mato yoisharapaicani. Fasi mato shinancani. Aton pushu muran atofu ichananfoanri mato yoisharapaicani.

2 Corintios 1:8

Uhuun yoramishtichin non Asia mai anoashu omitsisca cuscan un mato yoi man tapinon. Nocon ointi fasi ihuu ica. —Noncai tunutiroma. Non omitsiscai nairan, —ishon nocon nomuran non shinanni. —Nofincai non numatiroma. Upa Diosin fustitofin noco numatiroquin. Nantofin yora nacoinna funimatiroquin, —ishon nocon nomuran non shinanni.

2 Timoteo 1:15

Man min tapian nantifi icoinra huafo Asia mai anoafoan ua potafo. Ascashocai tsoan afanan ua oin fupaicanima. Ascano Figelo futan Hermógenes nan rafutari ua potafo.

1 Pedro 1:1

Unquian Pedro un Jesucristo fu rafumisishon ua yonopaiyai cuscan un ashoshquin. Un mato cunu fomai man tapinon. Man Jesús tanaino maton mai Jerusalén anoshon mato potanifo. Ascan man maitio pashcai futsufaini. Atirifi man Ponto ano foaino atirifiri man Galacia ano foaifoanno atirifi Capadocia ano foaifoanno atirifi Asia ano foaifoanno atirifiri man Bitinia ano foni. Upa Diosin inonpacoai cuscan mato catonni ahuun facufo man inon. Jesucristo mato nashoni maton chaca mato soashoshquin ahuun Yoshin Sharahuunshon mato chaca shatufain man tanasharanon. Ascano Upa Diosin matohuun ramapaiquin maton nomuran fasi unimafafaini.

Apocalipsis 1:11

Ascashon ua isca huaquin yoia, —Min oiain cuscacoin futsafo cunushohuun. Nan cunu Jesús icoinra huafo ichananmisifoti ato fomahuu. Nan ichananmisifo Efeso anoafo fomafain Esmirna anoafo fomafain Pérgamo anoafo fomafain Tiatira anoafo fomafain Sardis anoafo fomafain Filadelfia anoafo fomafain Laodicea anoafori min oiain cuscacoin cunushon ato fomahuu, —ishon ua yoia.

Apocalipsis 1:4

Ascan Asia mai ano man icati pushurasi siete nan Jesús icoinra huafo ichananmisifo un mato cunu fomai cuscan nicasharacahuun. Nocon Upa Diosin niyopaonishaquin natianrifi nicain nipanaca. Ahuun Yoshin Sharari afu ipamisi. Nan Upa Diosin yafi ahuun Yoshin Sharapan non Furun Jesucriston matohuun ramapaiyaino maton nomuran mato shinansharamapainonfo. Ahuaton maton nomuran fucash huanonma. Nocon Ifo Jesucriston Diospan tsain noco yoimisi cuscan non icoinra huatiro. Nan Diospan Facucoinfiacun rutunifo. Rutushon mai huafiafo Apa Diosin funimani afu ipashquin. Tsoa futsacai ascayomisima. Ascan Apafu ishon nantifi niaifofo maifoti anoafo ato iquishquin. Nanton noco noicoin. Ascashu ahuun imi focain noco nashoni ahuara chaca afanan nocon ifo inonma.