Hechos 17:34 - Sharanahua: Diospan Tsain

³⁴ Nocofunu fustirasiton Jesús icoinra huacashon Pablo tanacoinnifo. Futsan ahuun anu Dionicio. Nan Areópago ano atofu ichananmisi ato yoi. Ainfo futsa ahuun anu Dámaris. Futsafoanri icoinra huanifo.

Hechos 17:34 ပူးပေါင်းရင်းမြစ်များ

Mateo 20:16

Ascan nanscarifiai Upa Diosin nan icoinra huaqui tau huafo ato shara huaa cuscan huaquin nan chipo icoinra huafori nanscarifi ato shara huairan, —ishon Jesús ato yoini.

Hechos 13:48

Nicacani Israelifoma fasi unimanifo. —¡Aicho! Nocon Ifoan ahuun tsain fasi shararan, —inifo. Tsoan Upa Diosin catoan afu nipashquin icoinra huanifo.

Hechos 17:19

Yoifiacashon Areópago ano Pablo iyonifo. Nanno ichananmisifo ahuarafo futsahuunoa nicamisifo. —Min noco tapimapaiyai cuscan tsoa nicamisima. Non tapipaicain. Min yoiai cuscan funacoin. Tsoacai anori nicayomisima. Ascan afanan noco yoihuu nonri tapinon, —ishon yoinifo.

Hechos 17:22

Ascaifoanno nan ichananmisifo ahuun anu Areópago anoashu Pablonun aton ointaifi ninacahuan ato yoini. —Atenasfoan ua nicacahuun un mato yoinon. Mun oian manfin Diosihuunoa fasi tapipaimisifoquin.

Hechos 17:33

Ascatan ichananmisifo anoashu Pablo cani.

Hechos 17:4

Nicacaquin atirifi Israelifoan ato futan icoinra huanifo. Griego ichapafo non ainfofoanri nicacoinpainifo afoanri icoinra huanifo.

Filipenses 4:22

Nunoa nantifi Jesús icoinra huafoan mato yoisharapaicani. Nan niaifocoin Cesar ahuun pushu anoa yonomisifoanri mato yoisharapaicani.