Hechos 13:2 - Sharanahua: Diospan Tsain

² Ascan shafa futsaino nanfo ichananshon piqui tununifo nocon Ifo Jesús cuficani. Asca huaifono Diospan Yoshin Sharapan yoini, —Un Bernabé yafi Saulo catoan ua yonoshononfo. Ato cufishocahuun. Ascan un ato tapimatiro un ato yonomai cuscan, —ishon ato yoini.

Hechos 13:2 ပူးပေါင်းရင်းမြစ်များ

Daniel 9:3

Nan tapishon un nocon Ifo Diosi cufian un yocai cuscan ua ashonon. Un cufinquin piqui tunufain uhuun sahuuti chocashta sahuufain un chii mapon mashpocomuni.

Mateo 17:21

Ascan man Upa Dios cufiyanan piqui tunuyamashocai nan na cuscara yoshin chaca man potatiromaran, —ishon Jesús noco yoini.

Mateo 6:16

Ascano tsain futsari un mato yoi man tapinon. Man piqui tunuaitian nan paramisifoan amisifo cuscan huayamacahuun. Nanfoan aton fuso chocayamafain puusimisifoma piqui tunucani. Dioshuunoa shinantama atohuunoarocon yorafo shinanmapaicani. Yorafoan atohuunoa shinanqui isca huanonfo, “¡Oincapon! Naton fuso Dios shinanquin piqui tunui puusiquimaran,” ishon. Ascashon atohuunoa shinansharafoanno unimacani. Ascafiafoanno Dioscai atoqui unimaqui ato ahuara inainma. Ascacun marifi ato cuscara iyamacahuun.

Lucas 10:1

Ascatan Jesús setenta y dos nocofunufo catonni. Ascashon rafurasi ato nichipacuni. Nan pushurasi patasharifo ato rufofo nichini nanno chipo arifi atoqui caashquin.

Lucas 2:37

Ascashucai ochenta cuatro fari funuya. Nantianri Dios fu tsainti pushu muranshon Dios cufinquin piqui tunufafainpaoni. Nan muransi ipaoni ahuun Ifoan amapaiyai cuscan aashquin.

Hechos 10:19

Nantianri Pedro namapan cuscara shinainno Diospan Yoshinin yoini, —Nocofunu rafu non fustiton mia funai fuaforan. Un ato miqui nichian. Ascan shinanchacayamahuu.

Hechos 10:30

Cornelion cumani, —Osha rafu non rafuri finontan nantianri un Upa Dios cufiaino nocofunu ahuun sahuuti chashaino uqui niriscatana.

Hechos 13:3

Ascatan piqui tununifo Upa Dios cufinquin anaiticashon Bernabé yafi Saulo manmanshon cufishonifo. Ascashon ato nichinifo futsafo Diosin tsain yoitanonfo.

Hechos 13:4

Asca huatan Diospan Yoshin Shara ato Seleucia ano nichini. Anoashu shashon pocufainifo Chipre mai ano ocuma rafu unu tapia rafu nushmancayan mai mapaifainifo.

Hechos 14:26

Atalia anoashu unuhuan pocufaini focani Antioquía ano nasonifo. Nococashon icoinra huafo Pablo futan Bernabé ato ichanan huani. Atomaqui cataima ato Upa Dios cufishonifo Diosin ato mutsismafain ahuunshon yoisharanonfo. Ascan nantian Diosin ato yonoa cuscan anaiticashon nantifi acafo cuscan ichanancashon ato yoinifo. —Nantianri nocon caifoma yora futsan icoinra huafo Upa Diosin atorifi ahuun yorafo imaran, —icashon ato yoinifo.

Hechos 20:28

Diospan Yoshin Shara matori yonoa Jesús icoinra huafo yoisharanon. Ascan oinfain. Isharacahuun. Diospan yorafo cushusharacahuun. Jesús ato nashoaino ahuun imi foni ahuun yorafo inonfo.

Hechos 22:21

“Cayotahuun. Un min caifo futsa muran mia nichi uhuunoa ato yoinon,” ishon ua yoiniran, —ishon Pablonun ato yoini.

Hechos 4:36

Nantianri nanno nocofunu aton caifoan ahuun anu José. Nanton aton shuni Levipan funa. Unu nushmancayan rafu mai tomahuan ahuun anu Chipre anoashu cainni. Jesús fu rafumisifoan anu futsa tuqui huani Bernabé. Onicoinnin tsainman yorafo aton fupihuanmapaimisi shinansharamapaimisiran.

Hechos 6:4

Ascan nonfin shafatifi Upa Dios cufifafainicain ahuun tsainri yoishquin, —ishon yoinifo.

Hechos 8:29

Oinfoicai Felipe fu noconanni. Noconanshon Diospan Yoshin Shara Felipe yoini, —A taramutiyahuun aqui catanhuun —huani.

Hechos 9:15

Yoifiaiton, —Un mia yoia cuscan catahuun. Un na nocofunu catoan Israelifoma non aton niaifofo non Israeliforifi uhuunoa ato yoinon.

Romanos 1:1

Uhuun yoramishtichin, Roma anoafoan un mato cunu fomai man tapinon. Unquian Pablo unfin Jesucristo ahuun oinmatiquin. Ua catonni un afu rafumisi un inon. Upa Diosin ua nichini ahuun tsain shara Furunhuunoa un yoinon. Jesús David ahuun funa ini. Caiantaima Diospan tsain shara inonpacoai cuscan ahuunoa cunushonifo.

Romanos 10:15

¿Ahuuscashocon yoifotirofomun futsan ato nichiamaino? Nannori Diosin tsain cununi isca huaquin, —Nan tsain shara futsafo yoifononfo nan fasi sharacairan, —ishon Isaías cununi.

1 Corintios 12:11

Nanfofin Diosin Yoshin Sharapan ahuun yonoquin. Nan icoinra huafotifin Diosin Yoshin Sharapan ato amapaiyai cuscan acaniquin. Naantofin nan noco amapaiyai cuscan noco huamatiroquin.

1 Corintios 7:5

Raninonanyamacahuun. Ascashon man chipo shinanquin isca huatiro, —Natian non Upa Dios cufiyonon. Shafa ranan non iyoimacai. Chipo afanan non inon, —icashu man unuyotiro. Ascafiashon chai manariyamacahuun. Man ascariaino Satanás mato chaca huamatiroquin. Funu ainfo futsa fu ipaitiro. Nanscarifiai ahuin nocofunu futsa fu ipaiquin chaca huatiroquin.

2 Corintios 11:27

Un isin mufiain un fasi curushcai yonomisi nan un yamu ichapa osha tunufain un foniyanan nomicain piqui tunufain fasi un matsinacain sahuutiama icain.

2 Corintios 6:5

Ascashon noco coshafain cunu muran noco iquimafain noco huamisifo nan sinamisifo nocoqui fucashon noco chaca huashcaquin nanscamisifoquin. Ascan nonrifi curushcain yonoi atsanacain yamu ichapa oshayamacai foniyanan non ascamisiquin.

Gálatas 1:15

Un caiantaima Upa Diosin ua fasi ramapaiquin ua catonni un ahuun yonoshomisi inon. Upa Diosin ua yoimamapaiyai cuscan uhuun caifoma un ato Furun Jesucristohuunoa tapimanon. Uncai nocofunu futsa fu tsainnima ua tapimanon. Upa Diosin afin ua catonnitian un Jesús fu rafumisifo ari catama. Unrocon Arabia mai ano cani. Nannoashu un chipo Damasco pushurasi ano nasoni.

Efesios 3:7

Upa Diosin uhuun ramapaiquin ua catonni ahuun yonomati un inon ahuun tsain shara Jesushuunoa un ato yoinon. Ascashon ahuun curushu ua inanni manifoti Furunhuunoa un ato yoinon.

Colosenses 4:17

Ascashon Arquipo ua yoiquin isca huaquin, —Upa Diosin mia yonoa cuscan acoinhuun, —ishon nannori ua yoishocahuun.

1 Timoteo 2:7

Ascacun Upa Diosin ua catonni Jesús fu rafucain ahuunoa uhuun caifomafo un yoinon. Atorifi un Jesushuunoa icon yoiaiton icoinra huanon. Ascan uncai mia paraima. Icon fustisi mia yoi.

2 Timoteo 1:11

Upa Diosin ua catonni Jesucristo fu rafumisi icain ahuun tsain shara Jesushuunoa un futsafo yosinon.

2 Timoteo 2:2

Un futsafori Jesucristohuunoa yoimisi cuscan mirifi man min nicamisi. Ascano nocofunufoan min icoinra huaa cuscan arifi icoinra huafoan ato catonhuun. Min nicamisi cuscan atorifi tapimahuun nanfoan futsaforifi cayacafi tapimasharanonfo.

2 Timoteo 4:11

Natian Lucas fusti ufu icai. Min uqui oaitian ua Marcosri ihuushohuun. Un Tíquico Efeso ano nichitan. Ascan min oquin ua Marcos ihuushohuun u futan nocon Ifo yonosharashonon.

2 Timoteo 4:5

Asca huafiaifono Diospan tsaincoin fustisi tanafain. Nan fustiri icoinra huahuun. Min omitsiscaitianri tunuhuu. Diospan tsain yoimisiton ato yoisharamisi cuscacoin ahuun. Diosin mia yonomapaiyai cuscan nantifi ashosharahuun ahuun yonomati shara ishquin.

Hebreos 5:4

Tsoacai afiri catonmutiroma ahuun caifofoan ato Dios yoishomisi niaifo iishquin. Ascano Upa Diosin Aarón catonni cuscan atorifi catontiro.

1 Samuel 2:11

Ascan cufintan Elcana yafi Ana aton pushu Ramá mai ano nasonifo. Ascan Samuel Elí nan Israelifohuunoa aton Ifo Diosi cufinmisi fu nituaino apa yafi ahua fu nasonima. Shafatifi ichananti pushu muran nocon Ifo Diosi yonopaiyai cuscan Samuel huashomisi.