Génesis 8:20 - Sharanahua: Diospan Tsain

²⁰ Ascano shashohuan murannoashu cainta Noé toquirifo putsainiqui acamaquishon ina rututi huani Diosi inanshquin. Diosin ato numa cuscan ismashquin. Aqui fasi unimacoinquin Noé nansca huani. Yoinafo yafi nan inafo non puiyafori nan piatio cuscan futsa futsatapafo fusti rasi rutuni toquirifo putsamuinia camaquishon coanifo Diosi ismashquin.

Génesis 8:20 ပူးပေါင်းရင်းမြစ်များ

Génesis 13:18

Ascaiton nicashon Abram ahuun pano pushufo nii ichapa ano foni. Ascashon nanno anuni Hebrón. Nocofunu ahuun anu Mamre arifi nanno chaimashta ica ini. Abram nocon Ifo Diosi yoisharapaiyaiton afanan toquirifo putsainishon Ifo Diosi cufinni ahuunoa yoisharanon.

Génesis 22:2

—Nan min furun fusti min noicoian, nan Isaac, Moriah mai ano iyotahuun. Nanno machi anoshon min facu ua rutushohuun. Ascashon min coatiro min ua nicacoinmisishaquin ua ismashquin. Min machi ano catiromainquin un mia tapimashquiran, —ishon Upa Diosin Abraham yoini.

Génesis 22:9

Ascano Diosin iqui huashoni ano nocoshon Abraham toquiri putsainini Diosin yononi cuscan huaquin. Nan toquiri putsamuinia camaqui caro machinini. Ascatan ahuun furun Isaac munushushon caro camaqui ratani.

Génesis 26:25

Nicatan Isaac toquiri putsamuinia anoshon nocon Ifo Diosi cufinshquin. Nanno ahuun pano pushu pochifain ahuun oinmatifoan afanan pozo poquinifo.

Génesis 33:20

Pushu huatan toquiri putsainini anoshon nocon Ifo Diosin cufinshquin. Nannori anuni El-Elohe-Israel.

Génesis 35:1

Asca huatan Diosin Jacob yoini, —Funinacahuu. Pushu rasi Betel ari catahuun nanno iyoshquin. Nanno toquiri putsainiqui huashon ua cufinhuun. Min ochi Esaú anoashu ichoaitian min ano icun un mia oinmariscatani. Nannoshon mian cufintiro, —ishon Diosin yoini.

Génesis 35:7

Betel ano nocoshon Jacob toquiri putsainini anoshon Diosi cufinshquin. Nan mai ano anuni El-Betel. Nannoashu ahuun ochiqui ichoaino aqui Diosin noconi.

Génesis 4:4

Nantiari Abel ahuun chashoan facu cain taua sharashtacoin nocon Ifo inanni. Ascashon Abel inan cuscan oin nocon Ifo Diosin aqui unimacoinni.

Génesis 7:2

Nantifi yoina non inahuafo man pitiro cuscan yafi ua man inantiro cuscari siete ahuin non funufori shashohuan muran iquimahuu. Asca nan yoinafo yafi inafo non pitiroma cuscarafofin ua man inantiroma nanfo ahuin fusti yafi funu fustiri iquimahuu.

Génesis 7:3

Ascashon nanscarifi huaquin puiya futsa futsatapafo siete ahuinfo non siete funufori iquimahuu. Asca huashon faitahua nashaitian afanan yoinafo yafi inafo non puiyafori ichapa caishcani.

Génesis 8:19

Nanscarifiai nantifi amuran iquimisifo nan inafo non yoinafo non mai ano sharafo non puiyafori. Nantifi shashohuan murannoashu cainifo.

Éxodo 10:25

Nicaquin Moisés cumani, —Nonfin noco inafo yopaicain nocon Ifo Diosin yononi cusca atirifi rutushon coo huashquin. Non asca huaino non nocon Ifo ismai noco chaca shatushquin nan tanasharashquin.

Romanos 12:1

Uhuun yoramishtichin un mato yoisharapaiyai cuscan acapun. Upa Diosin matohuun ramapaiquin mato shara huamisi. Ascacun marifi matohuunoa inancahuun mato ifo inon ahuun yonomati ipashcaquin. Man ascaino afanan chaca maton ifo itiroma ahuunacoin man inon. Shinancapon. Man cayacafi shinansharacoinquifin matohuun noiai cuscari marifi man ahuun noitiroquin. Man ascaino Upa Diosin fasi matoqui unimacoin.

Hebreos 13:10

Ascacun nan non icoinra huamisi Jesucristo ihui coyan iquinanhuunoashu noco nashoni nocon chaca soashoshquin. Tsoan Jesuscairocon icoinra huatama nan Moisés yononi cuscan fustisi icoinra huafo. Nanfoancai no futan aton chaca soatirofoma.

1 Pedro 2:5

Man aqui oashu nan toquiri uhuapama nia cuscarafo man itiro. Nan Diosin pushu huatiro cuscai. Iquisi toquiri mutsisipa uhuapa shara fia. Nanfin nocon Ifo Jesús. Apan catonquin tau huani chipo nocorifi catonni Jesús cuscara shara non inon. Ascan Jesushuunoashu norifi non Diospan pushu cuscara. Tsoa na pushu muran opai isharacointiro. Ascan nonfin ahuun pushu anoa ahuun yonomatifoquin. Ascashon noco amapaiyai cuscan fusti non Jesushuunshon ashosharatiro. Non Diosin Furuhuunshon isharamisi. Ascacun non yonoshonai cuscan Upa Diosin nocoqui unimacacaini.

1 Pedro 2:9

Ascafia Diosin noco catonni ahuun yorafo non inon. Afin niaifocoinquin non yonoshotiro futsafori cufishoshquin Jesushuunoa ato tapimashquin. Noco a cuscara sharacoin imaino non ahuun yoracoinfo itiro. Ascashon ahuunoa futsafo yoisharashquin. Non faquish muran ica shinantsa apaoni. Ascafia afincoin noco catonni ahuun yoracoinfo non inon afu shafacafi shara ipashquin.