Génesis 6:17 - Sharanahua: Diospan Tsain

¹⁷ Min anaitiano un oihuanrasi fumai faitahuanun nantifi maitio fuponon. Ascaino nantifi mai anoafo nai futsucani.

Génesis 6:17 ပူးပေါင်းရင်းမြစ်များ

Génesis 2:7

Ascatan nocon Ifo Diosin mai fishon yora huaquin futsashon nocofunu onihuani. Asca huatan ahuun ruchocoqui ashaitanaino nocofunu shacaina cahuani ninon. Ascatan Diosin nocofunu oni huaquin tau huaniquin.

Génesis 6:16

Ascashon osa rafu non fusti huahuu. Fupotiri huafain ahuun pishi rafu ano medio metro noco cuana nanno ahuun shoi anoshon ointi ocuma rafuri huahuu. Ascashon ahuun caicaintiri huahuu.

Génesis 6:7

Ascashon nocon Ifo Diosin yoiqui isca huani, —¡Ohuashta! Un yorafo oni huafian man chaca huaifohuunshon uhuun nomuran un isincoin mui. Ascacun nantifi yorafo mai ano icafo un ato cuyocoin. Nantifi yorafo cuyofain yoinafo cuyofain yoina naman sharaifori cuyofain puiyafori un cuyoshquiran, —ishon nocon Ifo Diosin yoini.

Génesis 7:15

Nanfo nantifi rafurasi Noéqui fuaifoan shashohuan muran ato iquimapacuni.

Génesis 7:17

Ascano cuarenta oshatan fasi oihuanrasi fuaino faitahuan fasi yosiriani. Ascaino shashohuan mai anoashu fasi cuya nononi.

Génesis 7:4

Unfin siete osha finontan un oihuanrasi fumai. Cuarenta osha oinhuan rasi fuicai funa nusuima. Ascano nan un oni hua cuscan nantifi un namaqui cuyoiran, —ishon Diosin Noé yoini.

Génesis 9:9

—Un mato yoiai cuscan man icoinra huatiro. Uhuun tsaincai fianananpacunacama. Nan un mato yoiai cuscan nannoricoin uhuun tsain mato funafo un ato yoishquin.

Éxodo 14:17

Unfin Egipciofoan aton nomuran shinanchacamanicai mato mufainonfo. Nan aton niaifo Faraón non ahuun ranushumuafo non aton taramutifoya non aton caballofo non caballo camaqui camisifori un ahuamamishti huatiro cusca un ato ismai un ahuamamishti huatiro nantififain uhuunoa tapinonfo.

Mateo 24:39

Ascashu iquifiaitocai tsoan tapinima fai tahuan nocoai. Ascashu nantifi yorafo asai futsunifo. Nanscacoinrifi aashcani un afanan oaitian. Ua shinantama afi apaiyaifo cuscasi huariaifoanno.

Lucas 17:27

Ascan nantian Dios shinantama pisharafain ayafain fianansharacainaifoanno faitahuan noconi. Nanscasi ariaifoanno. Noé ahuun shashohuan muran iquitapaiyaino oinhuanrasi furiai unuyamacaiyaino faitahuanun nantio manifoti unuhuan marafumuni. Ascaino asai futsunifo.

Romanos 5:21

Ipaoni chaca fustisi yorafoan aton ifo icaino ato namaquin futsani. Ascafiashu natian Upa Diosin nocohuun ramapaiyaino nocon Ifo itiro. Nocon Ifo Jesucristohuunshon nocon chaca noco soashotiro a cuscara shara non inon afu ipashquin.

Romanos 6:23

Tsoa chaca ahuun ifono ahuunshon ato omitsiscapanacafo muran potashquin. Ascafia nocon Ifo Jesucristohuunshon Upa Diosin noco cashman numano non afu ipanon.

Hebreos 11:7

Nocon shuni Noé arifi Dios icoinra huacoinpaoni. Ascan iquisi Diosin Noé yoiquin isca huani, —Un oihuanrasi fumai faitahuan foran fucuaino asai futsunonfo. Ascacun shashohuan pushu ya huahuun. Min non min ahuin non min facu rafu yafi min fanfanhua rafuya asashcaquima. Un mia yoiai cuscan huahuun, —ishon Diosin Noé yoini. Ascan tsoancai ascara oinyomisimafia Noén icoinra huafain shashohuan huani ahuun facufo ya asashcaquinma. Nantonfin Dios icoinra huafain isharacoinmisiquin. Ascan nan icoinra huamafocai ascanifoma. Ascatama nanfoan chaca huafafainpaonifo. Ascacun Noéhuunshon non tapitiro icoinra huamisifo isharaifonocai nan icoinra huamafo isharamisifoma. Ascashon Dios fu Noén rafuaiton a cuscara sharacoin imani.

1 Pedro 3:20

Ascan nan Noén shashohuan huai chain Diosin funaquima yorafo manayopaoni aton chacamain shatucaniquin ahuun tsain icoinra huashcaquin. Ascan Noén fustiton ahuun yorafo yashon nicacoinnifo. Ocho yora shashohuan muran iquinifo asashcaquima. Ascaino atirififoancai tsoanshta Dios nicapainima. Ascano faitahuan nocoaino asai futsunifo. Cristo funiataima aton yoshin icafo muran cani ahuun tsain ato yoishquin.

2 Pedro 2:5

Nanscarifiai nan yorafo Noé niyoatian Diosin tsain nicacasmapaonifo. Ascan Noé ato yoini isca huaquin, —Dios sharacoin. Ascan maton chaca shatucahuun a cuscaran shara inonran, —ishon ato yoini. Ascafiashucai tsoan Dioshuunoa nicacasmapaonifo. Ascacun Diosin yonoa faitahuanun nantifi yorafo manifoti anoafo ato cuyoni asai futsunonfo. Noé yafi ahuun yorafo siete tushunifo. Diosin ato numaino asanifoma.