Génesis 50:24 - Sharanahua: Diospan Tsain

²⁴ Ascan José ahuun ochifo non ushtori cunani aqui funonfo. Aqui fuaifoan ato yoini isca huaquin, —Un samamashta nai. Ascafia nocon Upa Diosin mato cushusharashquin. Nocon shuni Abraham non nocon shota Isaac non nocon upa Jacob mai futsa ato inain atona non nocona non nocon funanafori inon. Diosin yoini, “Unfin Diosin un ahuamamishti huatiro. Ascacun man ua icoinra huatiro un mato mai inain matona non mato funafo atonari iishquinran,” ishon Diosin ato yoini. Ascacun man icoinra huatiro Diosin mato cushusharaino chipo nocon funafo nuno Egipcio anoashu Upa Diosin nan mai shara ano ato iyoi.

Génesis 50:24 ပူးပေါင်းရင်းမြစ်များ

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 13:17

Min nantifi oinyacuai cuscan yoifoanfafainhuun Nantifi nan mai un mia inain. Nan mai minaran, —ishon nocon Ifo Diosin Abram yoini.

Génesis 15:18

Nantian nocon Ifo Diosin Abram yoiyoni isca huaquin, —Na mai un min funafo inain. Unuhuan Egipto ano shatutan unu Eufrates ano atona inon.

Génesis 15:7

Ascashon afanan Ifo Diosin Abram yoini isca huaquin, —Unfin min Ifoquin. Un mia Caldeofo aton pushu rasi ahuun anu Ur anoashu mia ihuuni mai futsa shara mia inanshquin mina inon, —huaiton.

Génesis 15:8

Nannori huaiton nicaquin Abram afanan cumani, —Uhuun Ifon, min nantifi iquina. ¿Ahuuscashomun un tapitiroquin nan mai un fitiro? —huaiton.

Génesis 17:8

Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 21:1

Nan nocon Ifo Diosin yoiyoni cuscan Sara shara huani.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 3:19

Min yonoifin niscamanhuancain yonoicain tushu piishquin nan min naitian. Un mia mai oni huani. Ascan nan min naitian afanan min mai onishquiran, —ishon Diosin yoini.

Génesis 35:12

Un min shota Abraham yafi min upa Isaac un ato mai inanni. Nantiatari un mia inain. Ascashori min funafori un inainran, —ishon Diosin yoini.

Génesis 46:4

Min caino un mi fu cai. Chipo fari futsan min funafo un afanan nuno ato nasomashquin. Ascan min Egipcio ariashu min naashquin. Min naitian min facu José mi fu iishquinran, —ishon Diosin Jacob yoini.

Génesis 47:29

Shafan futsa muuni man samamashta nai. Ascashon ahuun facu José yoimani. José ocun apa yoini, —Upa, min ua noiquin min mucuman uhuun quishiqui ua muuhuu. Asca huaquifin min ua ismaicai un mia yoiai cuscan min huaicain. Min ua shara huaquin nuno Egipcio mai ano ua mai huayamahuu.

Génesis 48:21

Ascashon Israel ahuun facu José yoini isca huaquin, —Upa, ua nicahuun. Mun samamashta nai. Ascafia Diosin mi fu ipanaca. Mia non min funafori min shunifo ipaoni ano mato iyoshquin.

Génesis 50:5

Uhuun upa nataima ua yoia isca huaquin, “Diosin mia oiainno ua yoihuu min ua nuno mai huatamarocon uhuun shuni mai huanifo ano ua mai huahuun. Unfin na mai quini huaniquin min nanno ua mai huanon,” ishon uhuun upa ua yoiyamua. Nan mai Canaán ano. Faraón ua yoishocahuun uhuun upa ahuun caya un Canaán ano mai huai caicain. Ascatan Faraón ua nichiano uhuun upa mai huatani un samamashta nasoshquiran, —ishon José ato yoini.

Éxodo 12:41

Nan cuatrocientos treinta fari cuyoano nan shafatacoin Diosin ahuun yora nan Israelifo Egipciofo mai anoshon ato nichini.

Éxodo 12:51

Nan shafatafin nocon Ifo Diosin nantifi Israelifo nan manifoti Egipcio mai anoshon ato iyoniquin.

Éxodo 13:19

Nantian José nataima ahuun yorafo yoini cusca Moisés shinanquin isca huani, —José ahuun yorafo yoini, “Chipo nocon Ifo Diosin mato numashquin man Egipcio mai anoashu caitian ua shinancahuun. Nan man caitian uhuun shaofo fooshquicahuun mai futsa ano nocoshon nanno uhuun shao mai huacahuun,” —ishon José yoiyoni cuscan Moisés shinanni. Ascano Israelifo Egipcio mai anoashu foaifotian Moisés yononi cuscan José ahuun shaofo nantifi fonifo.

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Éxodo 33:1

Ascashon nocon Ifo Diosin Moisés yoini isca huaquin, —Natian nunoshon ato iyotahuun. Min yorafo min Egipcio mai anoshon ihuua nan mai shara ano natian ato iyotahuun. Un min shunifo Abraham non Isaac non Jacob yoiyotiani cusca un ato funafo mai futsa fasi shara inain. Un ato yoini cuscacai uhuun tsain tsoan fiananan huatiroma. Nannori fusti.

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Romanos 5:12

Ascatan tapicahuun. Adán chaca huaqui tau huani. Chacahuunoashu nani. Ascacufin ahuunshon nantifi manifotifain chaca huamisifoquin. Ascano nantifi nai futsushquin.

Deuteronomio 1:8

Unfin na maitio mato inaincai matona inon. Ascacun natian nanno icahuun futsafo nannoshon potacahuun matona inon. Un maton shunifo Abraham non Isaac non Jacob aton funafori inanni. Ascano natianri matona iishquiran, —ishon nocon Ifo Diosin noco yoini.

Deuteronomio 6:10

Nocon Ifo Diosin nocon shunifo Abraham non Isaac non Jacob yoiyoni mai shara ato inanshquin. Samamashta na mai ano mato iquimashquin. Nannocai pushurasi uhuapa sharafo man huama.

Hebreos 11:22

Ascan José arifi Dios icoinra huacoinpaoni. Ascashon natichaima ahuun yorafo yoiquin isca huani, —Chipo Upa Diosin nocon funafo nan Israelifo Egipto anoshon ato iyoshqui. Focaquin uhuun shaofori foshcaquin. Nan man icaino afanan ua mai huashcaquin, —ishon ato yoiyoni.

Hebreos 9:27

Ascan nantifi yorafo non nai futsushquin. Noncai nofiri yoitiroma ahuutianmain non naicain. Diosin fustiton yoitiro. Naashu nantifi non aqui nocoaiton niyoshon non amisi cuscan noco yoishquin. Noco yoiano nan Jesús icoinra huafoti afu ipasharatirofo. Nan icoinra huamisifoma ato omitsiscapanacafo muran potashquin.