Génesis 50:21 - Sharanahua: Diospan Tsain

²¹ Ascacun ratuyamacahuun. Un maton facufoya mato cushusharanon man yopaiyai cuscan mato inaincai, —ishon José ahuun ochifo yoini. Asca huatan ato noiquin ato oi tsii huapacufoantan ato yoini. Nicacani fasi unimacain afanan ratunifoma.

Génesis 50:21 ပူးပေါင်းရင်းမြစ်များ

Génesis 34:3

Fasi fuchipaicoin fiishquin. Ascashon yoini, —Un mi fu fiananpaicoin. Un minhuun noi. Un mia shara huafain un mia cushusharairan, —ishon yoini.

Génesis 45:5

Man ua asca huafianishaquin ratuquima mafo ranan shinanonainchaca huatananyamacahuun. Man ua chaca huanihuunshon nuno ua rucu Diosin nichini un yorafo numanon.

Génesis 47:12

Ascatan José tushu ichapa apa yafi ahuun ochifo non ushto non aton facufoya inanni.

Génesis 50:22

Ascano José fu nantifi ahuun apa yorafo Egipcio ano ipaonifo. Ascan José ciento diez fari aqui caano ahuun shota facufo nan ahuun facu Efraín ahuun shotafo oinni. Nanscarifiai Manasés facu Maquir ahuun facufori José oinni. Nan ahuun shotafo José shafatifi cashuaifoan ato ointan ointanpaoni.

Mateo 5:44

Nannori yoifianifo un mato yoiquin isca huai, Naan mato noicasmafiaifoan atohuun noicoincahuun. Tsoan mato omitsisca huairi Dios cufishocahuun.

Mateo 6:14

Ascacun futsafoan mato chaca huafiacun ato rauhuacahuun. Ascacufin maton Upa Diosin nai muranshon man aqui chaca huaa cuscari rau huatiroquin.

1 Tesalonicenses 5:15

Futsan mato chaca huaiton ato copiyamacahuun. Ascatamarocon nantishotapiquin shara huatanancahuun. Nantifi yorafo shara huacahuun.

1 Pedro 3:9

Ascan futsafoan mato chaca huafain mato roafiaiton ato copitamarocon ato shara huacahuun. Nanscara Diosin noco yononi. Non futsafo shara huaiton oinquin Upa Diosin noco fasi shara huashquin. Noco Diosin catonni noco shara huaquin.