Génesis 50:2 - Sharanahua: Diospan Tsain

² Chipo Egipcio aton caya huamamisifo José yononi apa Israel ahuun caya potunonfo. Ascashon ahuun poco tsucannifo funa ahuun caya payocononma. Nansca huanifo.

Génesis 50:2 ပူးပေါင်းရင်းမြစ်များ

Génesis 27:41

Apan inanpaiyai cuscan shara chipocuton fini ascan nantiatari Esaú ahuun ushto Jacobqui shinanchacani. Ahuun nomuran shinanni isca huaquin, —Upa nati chaima. Upa naano un uhuun ushto un rutuiran, —ishon shinanni.

Génesis 50:1

José apa naano icopacufoantan uaini. Uaiyanan tsoani.

Génesis 50:26

Ascashu nani. Ahuun fari ciento diez aqui caano man nani. Ascan ahuun caya muran ahuara huanifo funa payocononma. Asca huashon casho muran José Egipto ano mai huanifo. Nanti.

Mateo 26:12

Ascan nan ainfoanfin uqui ininti ocaquin. Nan yora maiamamaquin ininti ocamisifo cuscan un nataiyamafiaiton na ainfoan ua shinanquin uqui ininti oca. Uhuun caya iquisi itishara huapai ua mai huashquiaifo cuscan.

Marcos 14:8

Na ainfoan nan oiainshta ua shara huaa. Yora maiaquin ininti ocamisifo cuscan un nataiyamafiaiton na ainfoan ua shinanquin uqui ininti ocayoa. Ua ashquiai cuscan uqui ocaquin tau huaa.

Marcos 16:1

Ascano Israelifoan aton tunutitian cuyoano María Magdalena non María futsan Santiago ahuan non Salomé non afoan ininti sharashta finifo Jesús ahuun cayaqui ocashcaquin.

Lucas 24:1

Israelifoan tunutitian iyoco futsaino funamanrishta aton ininti rafu ya Jesús maia ano fonifo. Iquisi ininti ati shara huafaincani.

Juan 12:7

Ascano Jesús Judas yoini, —María fucash huayamahuu. Un samamashta nai tapishon uqui ininti ocaquin.