Génesis 50:17 - Sharanahua: Diospan Tsain

¹⁷ “Maton ushto José uhuun tsain yoicahuun. Min ochifoan mia fasi chaca huani. Asca huafia ato rauhuapun,” ishon nocon upa yoita. Nanscacun non mia yoi noco rau huapun. Nonfin Diosi ahuun oinmatifo. Nocon upa ahuun Diosin noconari, —ishon tsain fomanifo. José nicatan uaini.

Génesis 50:17 ပူးပေါင်းရင်းမြစ်များ

Génesis 31:42

Uhuun upa Isaac yafi uhuun shota Abraham aton Diosi u fu iyamacun mian maisi nichi cuana. Ascafiaiton un omitsiscai cuscan uhuun Diosin ua oian. Un mia curushcain yonoshona cuscan oian. Ascacun min namapan Diosin mia yoia mian chaca huanonma, —ishon yoiaiton.

Génesis 45:8

Ascano man tapitiro man ua nuno nichiyamafia Diosin ua nuno rucu nichini. Ua yonoa un niaifocoinshon Faraón ahuun tapimamisi un inon. Faraón ua catonni nantifi ahuun yorafoan aton niaifo un inon.

Génesis 49:25

Min Diosi ahuamamishti huatiro. Nanfin min upa non min shunifoan aton Diosiquin. Nanton mia ahuara ashoshquin. Diosin icanoshon mia shara huafain mai anoshori mia shara huafain min facufori aton ahuafo facu cainmasharafain ato shoma ayamasharashquin.

Génesis 50:16

Ascacun José tsain fomanifo isca huaquin, —Ushtoshtan, nocon upa nataima noco yononi isca huaquin,

Génesis 50:18

Ascacun ahuun ochifoan aqui fucatan fuopacucahuatan yoinifo, —Nonfin min yonomatifoquin, —huaifoan.

Génesis 50:20

Man ua chaca huapaini. Man ua chaca huahuunshon Diosin ua shara hua un yora ichapa numanon.

Mateo 10:42

Ascano tsoan ua rama icoinra huashon ua tanaiton futsan a shara huaqui unu matsi ayamacun. Ascacun Diosin arifi a futsa shara huaa. Ahuara shara inanshquiain cuscacai funotiromaran, —ishon Jesús noco yoini.

Mateo 18:35

Nanscarifi huaquin ratoran futsan mato chaca huafiacun man ato rau huayamaino niaifoan ahuun oinmati chaca onaintimana cuscan huafain nanscarifi aquin nan uhuun Upa Diosin nai muran icaton matori onaintimashquiran, —ishon Jesús noco yoini.

Mateo 25:40

Ascaifoan un aton niaifoan un ato yoiqui isca huashquin, “Uhuun yorafo nan ua icoinra huafo futsafoan atohuunoa yoiqui isca huamisi ‘Nancai ahuamaran,’ ishon man yoimisi. Asca nan uhuun yora ahuamafiashu man ato shara huamisi cuscafin nan uari shara huai cafisca man ato huamisiquin,” ishon un ato yoishquin.

Mateo 6:12

Nan noco chaca huaifoan non ato rauhua cuscan huafain nocon chacafori noco rauhuashohuun, Upan.

Marcos 10:41

Santiago futan Juanpan ato finonpaiyaiton Jesús naqui huashu tsaopainifo afu rafumisi diez futsafoan nicacanashu atoqui sinanifo.

Gálatas 6:10

Ascan ahuuscaraifoan oinquin nantifi shara huafafaincahuun. Finonmafain Jesús icoinra huafo shara huafafaincahuun.

Gálatas 6:16

Diosin Yoshin Sharapan Jesushuunoa noco yosia cuscan man acun Upa Diosin mato ointi unimamafain matohuun ramapai. Ascashu man Diospan yoracoin.

Efesios 4:32

Ascatamarocon mafin ranan noinancahuun. Nantifihuun ramapaicahuun. Upa Diosin Cristohuunshon mato rauhua cuscan huafain nanscarifiai rau huatanancahuun.

Santiago 5:16

Ascacun man chaca huaa cuscan yoinonancahuun Upa Diosin maton chaca soashonon mato caya huanon. Ratoran futsan Jesushuunoashu isharashon nanton mato Upa Dios cufishonaiton nicasharashquin nan cufiai cuscan ahuamamishti huashotiro.