Génesis 49:6 - Sharanahua: Diospan Tsain

⁶ Ascano nan rafutan shinanchacamisifo cuscacai un nicapaima. Ipaitama sinacaquin nan icafo anoshon ato rutuafo. Ipaitama moifori mushtunifo afanan niisharanonfoma.

Génesis 49:6 ပူးပေါင်းရင်းမြစ်များ

Génesis 34:30

Ascan Jacob ahuun facu rafu Simeón yafi Leví yoini, —Man ua fasi chacacoin hua. Nan Cananeofo futan Ferezeofoan natian ua noicasmacani. Uqui osinancani ua rutushcaquin. Noncai yora ichapama noco rutuquin finacoincaniran, —ishon Jacob ato yoini.

Salmos 1:1

Yora chacafoan noco shinanmapaiyai cuscan non tanayamashu non unimatiro. Ascara yorafo fu rafufafainyamacahuun. Nanfo Diosin tsainqui cashu mutsama icaifo cuscan non ato fu ayamashu non fasi unimacointiro.

Salmos 103:1

Uhuun nomuranshon un shinan isca huaquin, —Nocon Ifo Diosihuunoa yoisharahuu, —icashu un yoimua. Uhuun nomuranshon un yoia nan nocon Ifo Diosi fusti sharacoin. Tsoa futsacai a cuscarama.

Salmos 139:19

Upa Diosin min nan yora chacafo cuyoa shara icuana. ¡Yora chacafoan man futsafo rutumisiquin umaquinoashu fotacahuun!

Salmos 16:9

Ascacufin uhuun nomuran un fasi unimacoin. Uhuun Ifoan ua cushuaino un fasi unimai. Uhuun Ifon, mincai namisifo muran min uhuun yoshin potaima. Nan yora sharacai min ahuun caya mai murannoa payocomaima. Ascan uhuun cayari min ua cushusharashomisi.

Salmos 42:11

¿Ahuuscaimun natian un unimaimaquin uhuun nomuran un fasi omitsiscai puusiquima? Natian un Dioshuunoa shinain ua afanan unimamanon. Nanfin uhuun Numamisi icain uhuun Diosiquin. Ascan un afanan ahuunoa yoisharai. Natiancai uhuun nomuran un unimaima. Ascafia Diosin ua shara huashomisi cuscan un shinain afanan ahuunoashu unimashquin.

Salmos 42:5

¿Ascan uhuun Ifon ahuuscaimun natian un unimatama uhuun nomuran un fasi omitsiscai un puusicamaquin? Natianfin un uhuun Diosihuunoa shinaincain afanan ua unimamanon. Nanfin uhuun Numamisi icain uhuun Diosiquin. Ascan natian un afanan ahuunoa yoisharai. Natian uhuun nomuran un unimaima. Ascafia Diosin ua sharahuashomisi cuscan un afanan afohuunoa shinain unimashquin. Nan unu Jordán rufoquiri machi Hermón non machi futsa Misar ano un cahuacacainai cuscan Upa Diosin ua iyosharafoanfafainmisi.

Lucas 12:19

Uhuun nomuran un shinanqui isca huaa, ‘Uhuun ahuara ichapa iquisi mucushon chipo un tunusharafain ayafain aqui pifain monocain un unimasharacoinniran,’ ” ishon ahuun nomuran shinanni.

2 Corintios 6:14

Icoinra huafoma fu rafufafainyamacahuun. Sharafoan shinainfo cuscacai chacafoan anorisi shinancanima. Shafa yafi faquishcai osinantiroma.