Génesis 49:27 - Sharanahua: Diospan Tsain

²⁷ Uhuun facu Benjamín nan pashnanhuan fasi pofucoin cuscaran. Funanmarishta ahuara rutushon pii. Fari caino ahuara rutushon pashcanan huatiroran, —ishon Jacob ahuun facufo yoini.

Génesis 49:27 ပူးပေါင်းရင်းမြစ်များ

Génesis 35:18

Naqui rashquiataima Raquel yoini, —Nan facu ahuun anu Benoni, —ishon yoini. Ascafia apa anuni Benjamín.

Génesis 46:21

Ascatan Jacob ahuun facu futsa Benjamín ini. Nan Benjamín ahuun furunfo Bela non Bequer non Asbel non Gera non Naamán non Ehi non Ros non Mupim non Hupim non Ard.

Génesis 49:26

Maton fasi ushu shara foaifain mato charofo foaisharano nantifi min mai nan machifo non mai futsari nannoashu min isharatiro. Nanscacun Diosin José shara huafafainshquin. Ahuun ochifoan chaca huafianifo Diosin catoanno aton niaifo ini.

Génesis 49:28

Nan doce Israel ahuun facufo. Nannori ato yoipacuni. Chipo aton funafo doce mani futsafo icafo ini.

Mateo 10:16

Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.

Mateo 7:15

Oinfain. Paramisifo matoqui fucashon mato yoiqui isca huacani, “Nonfin Diosin tsain yoimisifoquin,” ishon yoifiacani afoancai Diosin tsain yoimisifoma. Ascan nanfofin nan chashoan cuscarafofiashu ato nomuran nan masharo pofu cuscarafoquin. Ascacun ato nicayamacahuun.

Hechos 20:29

Mun tapia un matomaqui caano amaquiri yosimisifo matoqui fucani mato funomacani. Masharo pofupan inafo cuyopaitiro cuscan. Nanscarifi aquin afoanrifi mato funomapaicani.

Hechos 8:3

Ascantan Saulon Jesús icoinra huafo fasi ato noicasmani. Ato cuyopaiquin. Fasi ato omitsisca huani. Pushuti iquicahuacacaini ato achishon cunu muran iquimashquin. Ainfofo yafi nocofunufori ato asca huani.

Hechos 9:1

Nantianri Saulo nantifi Jesús icoinra huafo rutupaiyai. —Un nantifi Jesús tanamisifo un rutuicain, —ishon yoini. Ascan Israeli aton yorafohuunshon Dios cufimisi niaifocoin ano cashon yoini, —Ua cunushohuun un nantifi ichananti pushu Damasco ano ismanon min ua yonoa un Jesús icoinra huafo nocofunufo non ainfofori fuchishon Jerusalén ano un ato cunu muran iquimanon, —ishon yoini.

Filipenses 3:5

Un caintan ocho oshatan ua foshqui rupa shatunifo. Asca unfin Israelifoan caifoquin. Urifi un Benjamín nami. Uncai osiama. Unfin Israelicoinquin. Diosin Moisés yoini cuscan urifi un nicacoianquin. Ascatarifi unfin Fariseoquin.