Génesis 49:25 - Sharanahua: Diospan Tsain

²⁵ Min Diosi ahuamamishti huatiro. Nanfin min upa non min shunifoan aton Diosiquin. Nanton mia ahuara ashoshquin. Diosin icanoshon mia shara huafain mai anoshori mia shara huafain min facufori aton ahuafo facu cainmasharafain ato shoma ayamasharashquin.

Génesis 49:25 ပူးပေါင်းရင်းမြစ်များ

Génesis 17:1

Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin, —Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima.

Génesis 27:28

Diosin nai muranshon min mau mia muchana huashoi min fanafo foaisharanon. Arroz cuscara ichapa foaicain fimi ahuun anu uvari ichapa foaiquin.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 32:9

Chipo Upa Dios cufinni isca huaquin, —Uhuun Ifo Diosin, uhuun shota Abraham yafi uhuun upa Isaac min aton Diosiri. Uhuun raisi mai anoashu un cataima mian yoia, “Mia ichapa inainran,” mian huani.

Génesis 35:11

—Unfin Diosiquin un ahuamamishti huatiro. Min facufo ichapa cai huahuu min funafori caiyaifoanno. Mihuunoashu shoco fustifiashu mani futsa futsatapafo caicani. Min funafo niaifo ichaparasi ishcani.

Génesis 35:3

Man ascahuano non Betel ari cai. Un omitsiscanitian un Upa Diosi cufinni. Un cufiain cuscan ua nicaquin ua numani. Un anoashu caacun ua cushusharani. Ascan nanno un toquiri putsashquin anoshon afanan Upa Dios cufinshquinran, —ishon ato yoini.

Génesis 43:23

Nicatan pushu cushumisiton ato yoini, —Nanscanon. Ratuyamacahuun. Maton Diosifin maton upa ahuun Diosiri yononi mato pui afanan maton forusa muran nanunon. Mun tapia man ua pui inanni tushu fiishquin, —ishon ato yoini. Yoiquin anaititan atoqui Simeón ihuuni.

Génesis 48:3

Ascashon Jacob furun José yoini, —Diosin nan ahuamamishti huamisiton pushu rasi ahuun anu Luz Canaán anoshon ua shara huani.

Éxodo 18:4

Uhuun facu futsa ahuun anufin Eliezerquin. Nan uhuun upan ahuun Diosifin uarifi numaquin Faraón ua non uhuun caifofoya rutupaifiaiton Diosin noco numa shara noco rutunonfoma. Nanscacufin uhuun facu un nannori anuaquin Eliezeran, —ishon Moisés yoini.

Mateo 6:33

Ascacun Diosicairocon shinancahuun. Mato yonomapaiyai cuscan nan fusti shinanfafaicahuun. A cuscara shara ipaicahuun. Nancai shinanquin tau huafafaincahuun. Man ascaiton ahuara futsa man yopai cuscan Upa Diosin mato inanshquin.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

Filipenses 4:19

Uhuun Diosin man yopaiti mato inanshquin. Upa Diosin ahuun ahuara sharacoinfo aya cuscacai ichapa cuyopacunacama. Furun Jesucristohuunshon mato inanshquin.

1 Timoteo 4:8

Non ejercicio huaino noco caya non shara huatiro mutsisipa iishquin. Nanscarifiai non Dios cuscara ipaiquin ahuun tsain nocon nomuran non nanuaiton ahuun curushu noco inanshquin. Nancaifin shara finacoianquin. Natian noco shara huatiro. Ascashon non Jesusqui nocoaiton noco imasharapacunaca.