Génesis 49:18 - Sharanahua: Diospan Tsain

¹⁸ Uhuun Ifon Diosin, min ua numatiro un mi fu nipanon.

Génesis 49:18 ပူးပေါင်းရင်းမြစ်များ

Génesis 49:17

Nan rono paupaton fai cusumun manishon caballonun finonfainaiton ahuun tau chichoco nasatiro. Ascaino nocofunu nan caballocamaquinoashu acachori pacutiro. Danfin nan rono cuscaraquin.

Salmos 130:5

Ifon, un mia manai. Min ua amapaiyai cusca min ua tapimanon. Mun tapian min tsain cayacaficoin. Min noco yoimisi cusca un icoinra huatiro.

Salmos 40:1

Un funaquima nocon Ifo mana ua ashonon. Un cunaiton ua nicafain ua oian.

Salmos 62:1

Diosin fustiton uhuun nomuran ua shinanmasharatiro ahuara chacapan ua shinanchacamanonma. Arus fusti ua numatiro.

Salmos 62:5

Ufiri un yoimua isca huaquin, —Diosi fustihuunoa shinansharahuu. Arus fusti ua shinansharamatiro.

Éxodo 15:2

Unfin nocon Ifo Dioshuunoa fanainquicain. Nantofin ahuun curushu ua inanfain ua numaquin. Nanfin uhuun upa ahuun Diosiquin. Nanrifin uhuun Diosiriquin. Un ahuunoa yoisharafain un nantifi yoi tsoa futsacai uhuun Diosi cuscarama.

Mateo 1:21

Ascan nan caianofin anuqui Jesusran min huashquicain. Nantonmain ahuun yorafo chaca soashofain ato numashquiamaiton, —ishon yoini.

Lucas 1:30

Ascaiton afanan cumani, —Maria, ratuyamahuu. Diosin mihuun noifain miqui unimasharai.

Lucas 2:25

Ascan nantianri Jerusalén anoa nocofunun shara ahuun anu Simeón. Diosin Yoshin Sharapan iquina. Nanton Dios tanasharashon cufifafainpaoni. Ascashon nan Diosin catoan Israelifoan aton Numamisi manafafainpaoni.

Lucas 23:51

Nantoricai niaifo futsafoan shinainfo cuscan shinannima. A niaifofin Arimatea mai anoa iniquin. Arimatea nan pushurasi Judea muran ini. Nantorifi Cristo nan Diosin catoan manapaoni aton niaifo inon.

Romanos 8:19

Upa Diosin ahuun facufo funimashquin a cuscara sharacoin imashquin. Ascan nan onihuanifoan manacani fasi oinsharapaicaquin ahuu cuscaramain non chipo ishquicain.

Romanos 8:25

Ascafia noco ihuiataima funaquinma non manasharayotiro.

Gálatas 5:5

Ascatama. Diospan Yoshin Sharahuunshon man non tapia Cristohuunshon nocon chaca soatiro Diosin nocohuun shinansharanon. Nan non icoinra huamisi.

1 Tesalonicenses 1:10

Ascan nantian Apa Diosin nan chaca huamisifo manifoti ato onaintimaitiancai nan chaca huamisifo acai cuscan noco asca huaima. Ascatamarocon nocon numai norificai non atofu omitsiscaimaran, —ishon matohuunoa nantififain yoiafo.