Génesis 48:4 - Sharanahua: Diospan Tsain

⁴ Ua tsain shara yoiquin isca huani, “Ua nicahuun. Un mia facu ichapa inain. Min funafo ichaparasi mani futsafo muran ishcani. Min funafo un ato na mai inain nanno ipanonforan,” ishon ua Diosin yoini.

Génesis 48:4 ပူးပေါင်းရင်းမြစ်များ

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 17:13

Ascaiton nantifi nan furonanfacufoan aton foshqui rupafo min shatunon. Nanscacun man tapitiro manmain uhuun yorafocun. Un mato onanti hua cuscan man nansca huapacunaca.

Génesis 17:6

Ascashu min funafori fasi ichaparasi iishquicani. Ascano atohuunoashu mani futsa futsatapafo iishquin. Min funafohuunoashuri niaifofo iishquicani.

Génesis 17:8

Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 22:17

Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon.

Génesis 26:4

Un min funafo un ichapa cai huai. Fishifo tsoan tanan huatiroma cuscain ichapa caicani. Nanfofin na mai un ato inaincai. Un yononi cuscan huafain un tapimani cuscan Abraham ua nicacoian. Asca min funafohuunshon un manifoti shara huashoshquicain, —ishon Diosin yoini.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 32:12

Mian cayacafi yoia un caiton mian cushusharai un isharacain uhuun funafo ichaparasi iishquicani. Mai furoti ichaparasi tsoan tanan huatiromati iishquicaniran, —ishon cufini.

Génesis 35:11

—Unfin Diosiquin un ahuamamishti huatiro. Min facufo ichapa cai huahuu min funafori caiyaifoanno. Mihuunoashu shoco fustifiashu mani futsa futsatapafo caicani. Min funafo niaifo ichaparasi ishcani.

Génesis 46:3

—Unfin Diosiquin. Un min upan ahuun Diosin. Min natian Egipcio ari catiro. Nanno un mia ashoshqui ai cuscan min funafo ichapa rasi cainnonfo. Min funafo mani futsafoti ichaparasi ishquicani. Ascacun ratuquima min Egipcio ari catiro.

Génesis 47:27

Israelifo Egipto ano ipaonifo. Gosén mai finifo atona inon. Nannoashu ichapa cainnifo.

Salmos 127:3

Nocon Ifo Diosifin noco facufo inanquin noco shara huashquin.

Éxodo 1:11

Nannori niaifo ato yoiaiton nicacatan Egipciofoan Israelifo yononi aton yonomatifo inon. Ascashon ato curushcain yonomanifo. Pitón mai anoa yafi Ramsés mai ano pushu rasi ato huashononfo. Nan pushu rasifo ano Egipciofoan ato tushufo mucushonifo.

Éxodo 1:7

Ascafiani aton funafo ichaparasi cainnifo. Egipto mai anoafo Israelifo ichapacoin ipaonifo.