Génesis 48:21 - Sharanahua: Diospan Tsain

²¹ Ascashon Israel ahuun facu José yoini isca huaquin, —Upa, ua nicahuun. Mun samamashta nai. Ascafia Diosin mi fu ipanaca. Mia non min funafori min shunifo ipaoni ano mato iyoshquin.

Génesis 48:21 ပူးပေါင်းရင်းမြစ်များ

Génesis 15:14

Ascafia nan mai futsa anoa un yorafori curushcain un ato onaintimashquin. Ascano min funafoan chipo atomaquinoashu focaquin nan mai futsa anoa mafo ichapa foshcani.

Génesis 15:16

Min facufo yafi min shotafo ahuun facufori nuno mai ano nasoshquicani. Mai futsa anoashu fuushcani min nuno icano nan min funafoan ahuun mairi nuno iishquin. Ascano nantia nan Amorreofo fasi chacafo nuno min mai ano iishcani. Ascacun min funafohuunshon nan Amorreofo un ato onaintimashquiran, —ishon nocon Ifo Diosin Abram yoini.

Génesis 26:3

Nan na mai ano iyohuu. Un mi fu iyoicai mia shara huashquin. Min funafoya nan mai un mato inain. Min upa Abraham yoiyoni cuscan un huai.

Génesis 28:15

Un mi fu. Nan min cai cuscan un mia cushui. Un mia nuno nan mai ano nasoin. Un mia yoiyoni cuscan min huaiton un mia potapacunacamaran, —ishon nocon Ifoan Jacob yoini.

Génesis 37:1

Jacob ahuun apa Canaán mai ano iyopaoni arifi nanno iyopaoni.

Génesis 46:4

Min caino un mi fu cai. Chipo fari futsan min funafo un afanan nuno ato nasomashquin. Ascan min Egipcio ariashu min naashquin. Min naitian min facu José mi fu iishquinran, —ishon Diosin Jacob yoini.

Génesis 47:29

Shafan futsa muuni man samamashta nai. Ascashon ahuun facu José yoimani. José ocun apa yoini, —Upa, min ua noiquin min mucuman uhuun quishiqui ua muuhuu. Asca huaquifin min ua ismaicai un mia yoiai cuscan min huaicain. Min ua shara huaquin nuno Egipcio mai ano ua mai huayamahuu.

Génesis 50:24

Ascan José ahuun ochifo non ushtori cunani aqui funonfo. Aqui fuaifoan ato yoini isca huaquin, —Un samamashta nai. Ascafia nocon Upa Diosin mato cushusharashquin. Nocon shuni Abraham non nocon shota Isaac non nocon upa Jacob mai futsa ato inain atona non nocona non nocon funanafori inon. Diosin yoini, “Unfin Diosin un ahuamamishti huatiro. Ascacun man ua icoinra huatiro un mato mai inain matona non mato funafo atonari iishquinran,” ishon Diosin ato yoini. Ascacun man icoinra huatiro Diosin mato cushusharaino chipo nocon funafo nuno Egipcio anoashu Upa Diosin nan mai shara ano ato iyoi.

Génesis 50:6

Faraón nicatan cumani, —Min upa mia yoia cuscan min mai futsari catiro min upa mai huashquin, —ishon yoini.

Lucas 2:29

“Ifon, min nantifi tapicoian. Mian yoiyotiani cuscan mun oian. ¡Aicho! Natian unimacaini un nai manmain min facu nan nocon Numamisi mun oianmashu.

Hechos 13:36

Davidhuunoacai cununima. Man non tapia Diosin yonomani cuscan David ahuun yorafo ashoquin. Anaititan naani. Ahuun shunifo maini ano arifi maini. Ascano ahuun caya payoconni.

2 Timoteo 4:6

Ascano natian uhuunoa un mia yoinon. Uncai afanan chai nipatiroma. Ratoran shafata Jesushuunoashu un naicain. Un samamashta mai anoashu Jesús ari cai.

Hebreos 7:3

Naanfin uhuaomacain upaomari iniquin. Ahuun shunifohuunoacai tsoan tapiyopaonima. Tsoancai cainnitian yafi naitian tapipaonifoma. Aafin Diospan Furun cuscara Dios yorafohuunshon cufinmisi ipanaca.

Hebreos 7:8

Ascacun ahuun caifo Israeli shoco futsafoan. Nan Leví ahuun funafo ahuarafo futsa futsa huaquin la décima parte ato inanfianifo nanfo man naamisifo. Ascano arifi Melquisedec Abrahamna futsa futsa huaquin la décima parte fiini. Ascacun Diospan tsain cununi cuscan Melquisedec natian nia.

Josué 1:5

Min niyoaitiancai tsoan mia nitu huatiroma. Un Moisés fu imisi cuscan un mi fu ipanaca. Uncai mia potapacunacama. Nan mian yopaitian un mi fu iishquin.

Josué 1:9

Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.

Josué 23:14

Natian mun samamashta nai. Man manfin maton nomuran tapicoianquin nocon Ifo Diosin mato yoiyoni cuscan nanscacoin mato huashomisi. Mato yoimisi cuscacai mato huashoyamamisima. Nantifi man mato ashomisi.

Josué 3:7

Ascatan nocon Ifo Diosin Josué yoini isca huaquin, —Na shafata un min caifofo ismai min aton niaifo sharacoincun. Un asca huaiton tapitirofo un Moisés fu ipaoni cuscan un mi furi ipanaca.

2 Pedro 1:14

Nocon Ifon Jesucristo ua cayacaficoin tapimana un samamashta nai. Ascacun un mato nanfohuunoa nantishotapiquin shinanmai marifi man u futan nannorisi shinanon.