Génesis 48:16 - Sharanahua: Diospan Tsain

¹⁶ Ahuun oinmati a fu nai muran icaya ua nichini un ahuara chaca finononma. Nan furonanfacu rafu Diosicoinin shara huapacunaca. Nan rafu isharapainon uhuun anu non uhuun shota Abraham anu non uhuun upa Isaac anuhuunoari futsafoan yoisharanonfo. Aton funafo ichaparasi inonforan, —ishon Jacob yoini.

Génesis 48:16 ပူးပေါင်းရင်းမြစ်များ

Génesis 22:11

Ascafia samamashtacoin Diospan oinmati nan a fu nai muran icaton cunainifoanni, —¡Abraham! ¡Abraham! —huaiton. —Unfin nunoquin, —huaiton.

Génesis 22:15

Ascaiton Diospan oinmati nan a fu nai muran icaton afanan Abraham cunani.

Génesis 32:28

—Min anu afanan Jacob itiroma. Un mia anu futsa tuqui huai. Min Diosinna fipaiyai cuscan mia inan. Ascan nocofunuhuunoa fipaiyai cuscan nanri mia inan. Ascan man min finoncoian. Ascano natian min anu Israel iishquiran, —huaiton.

Génesis 46:3

—Unfin Diosiquin. Un min upan ahuun Diosin. Min natian Egipcio ari catiro. Nanno un mia ashoshqui ai cuscan min funafo ichapa rasi cainnonfo. Min funafo mani futsafoti ichaparasi ishquicani. Ascacun ratuquima min Egipcio ari catiro.

Génesis 48:5

Un nuno Egipto mai ano miqui nocoataima min facu rafu cainnifo. Nan rafufin uhuun facu cuscaraquin. Uhuun facu Rubén non Simeón nan rafuri ato cuscaran uhuun facu rafu cuscarari.

Génesis 49:22

Joséfin nan ihui unu cusumun nia cuscaraquin. Ihui fimi ichapaya shara cuscaran. Ihui poyanfoan pushu cunu mata shara huatiro cuscaran. Nanscarifi ai Joséhuunoashu yora isharamisi ato cushusharamisi.

Salmos 121:7

Nocon Ifon Diosin noco cushuainocai nocoqui ahua chaca nocotiroma. Non niyocun noco cushusharatiro.

Salmos 34:2

Un nocon Ifo fustihuunoa yoisharafafainmisi cuscan un futsafori ahuunoa yoisharai. Ascan man ratora futsan maton nomuran unimayamaquin nocon Ifoan noco shara huashomisi cuscan shinancahuun afanan unimashcaquin.

Salmos 34:22

Ascan tsoa nocon Ifoan ahuun oinmatishon nan yoia cuscan aiton nanfin nocon Ifo Diosin numafain ahuun chaca soashoshquiquin a fu nipanon. Ascatari tsoan Ifo icoinra huacoinnaiton Ifo Diosin ahuunoacai ahuara chaca yoipacunacama.

Salmos 34:7

Asca tsoan Ifohuunoa yoisharafafainmisifin naanquifin Ifo Diosin ahuun oinmati nai muran a fu icano aqui nichishquiquin nan cushusharanon.

Salmos 34:8

Nocon Ifo Diosin fasi sharacoinquin tapicahuun. Tsoan nocon Ifo icoinra huacun nan cushusharafain fasi unimamashquin.

Éxodo 1:7

Ascafiani aton funafo ichaparasi cainnifo. Egipto mai anoafo Israelifo ichapacoin ipaonifo.

Mateo 6:13

Satanás yoshin chacapan noco chaca huamapaifiaiton nocoqui cumatima huahuu. Nansca huaquin,” ishon cuficahuun ato huani.

Juan 17:15

Uncai mia yocama mai anoshon min icari min ato ihuinon. Ascatamarocon un mia yocain nuno mai anoshon min ato cushushara nan yoshin chaca Satanás ato ahuusca huanonma.

Hechos 15:17

Ascacun manifotifoanri ua cufishcani uhuun yorafori un ato anupacushquiran,’ ishon Upa Diosin yoini.

Romanos 8:23

Norifi non Diospan facufo ahuun Yoshin Shara no fu rafuaino non tapitiro non chipo Dios fu isharatirofiashu natian non isinin itiro pashapaicain. Ascaquin non manasharatiro Upa Diosin icano noco ihuinon non ahuun facufocun a cuscara shara noco imanon. Natianri nocon caya funa sharacoin afanan isinin iyamacain nonricai afanan natiroma.

1 Corintios 10:9

Aton cuscara chaca huayamacahuun. —Diosincai nocoqui funa sinatiroma. Ascan un chaca huafiacucai ua onaintimaimaran, —ishon anori shinanyamacahuun. Nocon shunifoan Dios chaca huariainfoan Diosin afanan tunuyamacaiquin ato onaintimani. Ascashori rono paupafo ato muran nichini nanfoan ato nasano atirifi nani. Ascacun ¡Oinfain! Man Dios chaca huariaiton afanan tunuyamacaiquin matori onaintimatiro.

2 Timoteo 4:18

Nanscarifi aquin ua chaca huafiaifoan nocon Ifoan nantishotapiquin ua cushusharashquin. Ascashon ahuun unutaqui a icano ua iyoshquin ahuun yorafo fu un isharapacunon. Non ahuunoa yoisharapacunon. Nanscari inon.

Tito 2:14

Nanto noco nashoni non afanan chaca huamisi iyamacain non yoitimamisi inonma. Afanan ahuara chaca nocon ifo itamarocon nan noco imasharacoiain cuscan ahuun yorafo non inon. Ascashu norifi a cuscara fasi shara huapaimisi non itiro.

Hebreos 11:21

Nanscarifiai Jacob arifi Dios icoinra huacoinpaoni. Ascacun nataima Diosin ahuun nomuran shinanmanai cuscan ahuun shota nan Josépan facu rafu Diosin ato shara huashononpacoai cuscan ato yoini. Ato yoitan ahuun poquitiqui cocusamushon Dios cufini.