Génesis 48:14 - Sharanahua: Diospan Tsain

¹⁴ Israel ahuun poyan rafu coyan iquinan huashon ahuun shota rafu ato manmanni. Ahuun mucu mumihuurishon ahuun shota chipocun Efraín manmanni. Ahuun mucu mushquiorishon ahuun shota iyoa Manasés manmanni.

Génesis 48:14 ပူးပေါင်းရင်းမြစ်များ

Génesis 41:51

Ascano ahuun facu cain taua José yoini isca huaquin, —Diosin yonoa un omitsisca cuscan un uhuun yorafohuunoa ointiaquimanon. Ascacun uhuun facun anu Manasés itiroran, —ishon yoini.

Génesis 41:52

Ascano chipocun cainyaitian José yoini isca huaquin, —Un nuno Egipcio ano omitsiscafiaiton Diosin ua facufo inan. Ascan uhuun facu chipocuton anu Efraín itiroran, —ishon yoini.

Génesis 46:20

Ascano José ahuun ahuin Asenat ahuun facufo cainni. Aton anu Manasés non Efraín. Nan rafu Egipcio anoashu cainnifo. José ahuin Asenat ahuun apa anu Potifera. Nanton ahuun yorafo pushu rasi On anoafo aton cufinshomisi ipaoni.

Génesis 48:13

Ascano funitan José ahuun facu rafutan ocu rafusho mutsofainifo. Efraín ahuun mumihuurishon mutsoaino Manasés ahuun mushquiorishon mutsoni. Nanscaino Efraín ahuun shota Israel ahuun mushquiori niaino Manasés ahuun mumihuuri nia ini.

Génesis 48:17

Ascaiton José oinni apa ahuun mucu mumiorishon ahuun facu chipocu mapoqui manmanni. Ascafia ascaracai José fuchipainima. Ascatan José apan mucu mumiori fiacufoantan ahuun facu iyoaton Manasés mapoqui huapaifiaquicai apan anima.

Génesis 48:18

—Ma, upan. Aacai iyoama. Uhuun facu iyoa min mucu mumiori ahuun mapoqui manmanhuun, —huaiton.

Éxodo 15:6

Ifo Diosin minfin min curushhuunshon min ahuamamishti huatiro cusca man oianfo. Min curushu fasi sharacoin man oianfo. Nan noco noicasmaifo min ato onaintimacoian afanan ninonfoma.

Mateo 16:18

Un mia afanan yoi. Minfin Pedroquin, —ishon Jesús yoini. Ascan Pedrofin Israeli tsainman toquirininhuan. Tsoan putsiquitiroma. Ascasho Jesús afanan yoiqui isca huani, —Min yoia cuscahuunshon futsafoan aarifi icoinra huashquicani. Ascaifoan uhuun yorafo un ato imashquin. Yoshin chacafoan aaton curush huahuunshon ato namapaifiaquicai ato shatuyamafain aato finontiroma.

Mateo 19:13

Ascaino yorafoan aton facumishti Jesusqui ihuunifo ato manmanpacuquin Apa Dios cufishonon. Asca huafiaifoan non afu rafuafoan ato yoini, —Maton facufo ihuutan nocon Ifo fucash huayamacahuun, —ishon non ato yoiaiton.

Mateo 19:15

Ascashon facufo manmanpacutan Jesús cani.

Mateo 6:5

Man Upa Dios cufiaitian nan paramisifoan cufimisifo cuscan huayamacahuun. Nanfoanfin nishon yora ichananfo anoshon yafi ichananti pushu muranshonri ato ointaifi Upa Dios cufipaicani ato nicanonfo. Upa Dios shinancointamarocon nannoafo atohuunoa shinansharamapaicani. Ascaifoan oinquin futsafoan atohuunoa shinansharatirofia Diosincai atohuunoa shinansharatiroma. Ascashocai ato ahuashta inansharashquima.

Lucas 13:13

Ahuun mucuman manmainno samamashta cayacafi ninacahuani. Ascatan, —¡Aicho! Diosin ua cayahuaquin. Dios fasi shararan, —ainfoan huani.

Lucas 4:40

Ascano man fari caino isinincai futsa futsatapafo yorafoan aqui ihuunifo ato cayahuamapacunon. Ascacun ahuun mucuman ato ramanpacuaino cayai futsunifo.

Hechos 13:3

Ascatan piqui tununifo Upa Dios cufinquin anaiticashon Bernabé yafi Saulo manmanshon cufishonifo. Ascashon ato nichinifo futsafo Diosin tsain yoitanonfo.

Hechos 6:6

Aton catoncashon Jesús fu rafumisifo ano iyonifo. Ascan nan doce ato manmancashon Upa Dios cufishonifo.

Deuteronomio 34:9

Nataima Moisés Josué manmanni Diospan Yoshin Shara Josué fu rafucacainno nan fasi tapimasharanon. Ascano nocon Ifo Diosin Moisés yononi cusca Josué Israelifo yoiaiton nan nicasharanifo.

1 Timoteo 4:14

Ichananfo ato cushumisifoan mia manmanshon cufishonaifono nantianri Diosin mia amapaiyai cuscan mia ashoni min icoinra huaa futsafo tapimasharafain min ato cushusharanon. Ascan Upa Diosin mia cashman tapimani cuscan huafain futsafori shara huashofafainquin shatuyamahuu.

1 Timoteo 5:22

Ascano ichananfo aton cushumisi catonriscayamahuu. Iquisi oinsharayohuu Jesús tanasharamisi iyamarai tanasharamamainquin. Tsoan ahuun chaca fomanpairiai cushumisi catonyamahuu. Ascaran min catoanfin mirifi min ahuun chaca fomanshonni cafiscaiquin. Ascacun ascayamahuu. Jesús cuscara isharacoinhuun. Ahua chaca huayamahuu.