Génesis 48:1 - Sharanahua: Diospan Tsain

¹ Ascan shafa ranan finoanno futsan José tapimani isca huaquin, —Min upa isininqui, —ishon yoini. Ascano apa oincaquin ahuun facu rafu Efraín yafi Manasés iyoni.

Génesis 48:1 ပူးပေါင်းရင်းမြစ်များ

Génesis 46:20

Ascano José ahuun ahuin Asenat ahuun facufo cainni. Aton anu Manasés non Efraín. Nan rafu Egipcio anoashu cainnifo. José ahuin Asenat ahuun apa anu Potifera. Nanton ahuun yorafo pushu rasi On anoafo aton cufinshomisi ipaoni.

Génesis 48:2

Nan José ahuun facu rafu nocoa nicain anifoshta racatsifiashu tsaoinacahuani.

Génesis 48:5

Un nuno Egipto mai ano miqui nocoataima min facu rafu cainnifo. Nan rafufin uhuun facu cuscaraquin. Uhuun facu Rubén non Simeón nan rafuri ato cuscaran uhuun facu rafu cuscarari.

Juan 11:3

Nan poi rafutan Jesús tsain fomaquifin, —Ifon, nan min ahuun noiaifin isinin iquiquin, —ishon yoimanifo.

Hebreos 11:21

Nanscarifiai Jacob arifi Dios icoinra huacoinpaoni. Ascacun nataima Diosin ahuun nomuran shinanmanai cuscan ahuun shota nan Josépan facu rafu Diosin ato shara huashononpacoai cuscan ato yoini. Ato yoitan ahuun poquitiqui cocusamushon Dios cufini.