Génesis 47:29 - Sharanahua: Diospan Tsain

²⁹ Shafan futsa muuni man samamashta nai. Ascashon ahuun facu José yoimani. José ocun apa yoini, —Upa, min ua noiquin min mucuman uhuun quishiqui ua muuhuu. Asca huaquifin min ua ismaicai un mia yoiai cuscan min huaicain. Min ua shara huaquin nuno Egipcio mai ano ua mai huayamahuu.

Génesis 47:29 ပူးပေါင်းရင်းမြစ်များ

Génesis 24:2

Ascashon Abraham ahuun oinmati ahuun oinmati futsafo aton niaifo cunani aqui onon. Ascashon Abraham yoiquin isca huani, —Uhuun chica ano mupihuu.

Génesis 24:49

Natian man uhuun ifo Abraham shara huapai Rebeca inanpaicoinquin ua tapimahuun. Ascayamacun ua tapimahuun un mai futsano funanon, —ishon yoiaiton.

Génesis 27:2

—Natian un anifocoin. Ahuutiamain un naicai un tapiama.

Génesis 3:19

Min yonoifin niscamanhuancain yonoicain tushu piishquin nan min naitian. Un mia mai oni huani. Ascan nan min naitian afanan min mai onishquiran, —ishon Diosin yoini.

Génesis 47:9

Ahuun fari yoini, —Uhuun fari ciento treinta. Nan ciento treinta farifiashu mun nan maitifi cahuacacaimisi. Uhuun upa yafi uhuun shunifo aton fari ua finonmainifoantan inifo. Unfin mun omitsiscapaoni, —ishon yoini.

Génesis 48:21

Ascashon Israel ahuun facu José yoini isca huaquin, —Upa, ua nicahuun. Mun samamashta nai. Ascafia Diosin mi fu ipanaca. Mia non min funafori min shunifo ipaoni ano mato iyoshquin.

Génesis 50:12

Jacob ahuun facufoan nan apa yoini cuscan huanifo.

Génesis 50:5

Uhuun upa nataima ua yoia isca huaquin, “Diosin mia oiainno ua yoihuu min ua nuno mai huatamarocon uhuun shuni mai huanifo ano ua mai huahuun. Unfin na mai quini huaniquin min nanno ua mai huanon,” ishon uhuun upa ua yoiyamua. Nan mai Canaán ano. Faraón ua yoishocahuun uhuun upa ahuun caya un Canaán ano mai huai caicain. Ascatan Faraón ua nichiano uhuun upa mai huatani un samamashta nasoshquiran, —ishon José ato yoini.

Hebreos 11:22

Ascan José arifi Dios icoinra huacoinpaoni. Ascashon natichaima ahuun yorafo yoiquin isca huani, —Chipo Upa Diosin nocon funafo nan Israelifo Egipto anoshon ato iyoshqui. Focaquin uhuun shaofori foshcaquin. Nan man icaino afanan ua mai huashcaquin, —ishon ato yoiyoni.

Hebreos 9:27

Ascan nantifi yorafo non nai futsushquin. Noncai nofiri yoitiroma ahuutianmain non naicain. Diosin fustiton yoitiro. Naashu nantifi non aqui nocoaiton niyoshon non amisi cuscan noco yoishquin. Noco yoiano nan Jesús icoinra huafoti afu ipasharatirofo. Nan icoinra huamisifoma ato omitsiscapanacafo muran potashquin.

Josué 2:14

Ascaiton cumanifo isca huaquin, —Non nuno anocai min caifo min ato tapimayamaino noco rutucuanafo. Nanscarifiaquin norifi mia non min yorafoya non mato numashquin man nanonma. Nocon Ifo Diosin maton mai noco inaintian non mia yoia cuscan non mato numashquin man nanonma, —ishon yoinifo.

Josué 23:14

Natian mun samamashta nai. Man manfin maton nomuran tapicoianquin nocon Ifo Diosin mato yoiyoni cuscan nanscacoin mato huashomisi. Mato yoimisi cuscacai mato huashoyamamisima. Nantifi man mato ashomisi.

1 Samuel 26:10

Non icoinra huatiro nocon Ifo Diosin nia. Nanscarifi ai non icoinra huatiro nocon Ifo Diosin chipo Saúl onaintimaiyamaino un shinan raca chipori futsafo rutuaino arifi natiro iyamarai anifoshtashu natiro.